Enpatia gaindosia
Esnearen kolorekoa
Konpainia: Tanttaka teatroa.
Noiz: Abenduaren 3an.
Non: Arriaga antzokian (Bilbo).
-------------------------------------------------------
Bizipenak kontatzearen indarra. Are, idatziz adieraztearen premia eta pribilegioa. Horrelako baieztapen sinple batetik abiatzen du Maryk lehen pertsonan kontaturiko istorioa. 1830ko landa eremuko Ingalaterran bizi da Mary. Baserriko neska da, herrena eta esnearen kolorekoa du ilea. Ahizparekin, gurasoekin eta aitonarekin bizi da, eta lanaren kultura beste bizimodurik ez du ezagutzen. Maryk ez daki (edo ez zekien) idazten eta irakurtzen. Alfabetatzea lortzen du Maryk, bai, prezio altua ordainduta. Prozesu traumatiko hari esker, ordea, gertatu zitzaionaren lekukotza eman dezake. Gertakariak jakinaraztearen aldarrikapena egiterako igo da gaurkoan Mary oholtzara.
Zer gertatu zaizu, bada, Mary? Jakin-minak eta pertsonaiaren erraietan barrena bidaiatzeko grinak bultzatuta murgildu naiz antzezlanean. Arriaga antzokia erdizka beteta, euskarazko estreinaldia, eleberri baten egokitzapena eta sei euskal aktore oholtzan.
Klase gatazka, lanaren kultura, familiaren indarra, genero indarkeria, boterea, fedea… Asko dira obra zeharkatzen duten gai potoloak, bi mende beranduago ere aise uler daitezkeenak. Gaztea da Mary, argia, burugogorra, irudimentsua, ausarta eta errebeldea. Miseriak eta injustiziek harilkatzen dute neskatoaren bizitza, eta etengabe kuestionatzen eta konfrontatzen du bizi duen errealitatea.
Gaurkoan, Aitziber Garmendia da Mary. Umoretsua da Mary, bizia eta oso irribarretsua, nahiz eta hura ezabatzen tematzen diren batzuk istorio honetan.
Aitak bikarioaren etxera bidaltzen du Mary neskame gisa lanera. Baserriko bizitza gorroto du Maryk, baina laster sumatuko du bere eguneroko gordinaren falta. Halabeharrez, inguru arrotz batean murgiltzen da. Bikarioak irakasten dio irakurtzen eta idazten; eta, ondorioz, ematen dizkio bere istorioa kontatzeko baliabideak. Era berean, bera da Maryren patu lazgarriaren muina eta erantzulea. Bikarioaren bortxak bultzatzen dute Mary amildegira, eta belzten dute haren etorkizuna.
Maryk argi adierazten du hasieratik: “Nire istorioa kontatuko dizuet, jasota gera dadin. Idatziz kontatuko dizuet, hitzak galdu egiten direlako”. Kontatzea da Maryren askatasuna eta kondena, patuak zigortu zuen bere gorputza eta kontakizunak askatu bere istorioa gaur, hemen eta orain. Ziegatik mintzo da, eta bertan idatzi du gertatu zitzaiona. 2023ko abenduan, Arriaga antzokian, 1830eko Ingalaterran jazotakoak izugarrizko indarra du Maryren hitzetan. Maryren legatuaren oihartzuna jaso du ikusleak, haren larruan jartzeraino.
Urriaren 4tik 19ra iraganen da Nafarroako arte eszeniko komunitarioen jaialdia Iruñean, nazioartekotza eta kritika soziala ardatz harturik.
Ganbaran arrak bizi dira, arrek arrentzat sortutako munduan. Sotoan berriz emea, zoritxarreko egun batean sortutako “akatsa”. Goian jaun eta jabe. Behean kateak eta iraultza. Gela biak inkomunikatuta daude, ez dago nahasterik. Nola etorriko da orduan, aldaketa... [+]
Zer egingo zenuke lagun baten bizia salbatzeko? Zer emango eta zer gordeko zenuke? Komedia honetako hiru lagunek auzi honi eman behar diote erantzuna. Gau zoro batean, ezusteko gertaerak bata bestearen atzetik etorriko dira, fisika modernoaren axioma bati men eginez: gerta... [+]
Usaiako "süjetik" gabea, esku andana batek idatzia, errejent multzo batek zuzendua, gertakizun askoren kontari, gisa guzietara kolektiboa da.
Marmarra
Dramaturgia: Jon Gerediaga/Atx Teatroa
Zuzendaritza: Atx Teatroa
Noiz: Uztailaren 4an ... [+]
Kolpe bat jaso eta memoria galdu berri duzu. Dakizun bakarra, poliziak esan dizulako, zera da: bere ohean zetzan elbarritu babesgabe bat tiroz akatu duzula; duela gutxirarte maitekiro zaintzen zenuen gizona, hain zuzen. Zeure burua duin eta zintzotzat duzu, eta hala ere,... [+]
Ekain amaieran iragan da Banka eta Urepeleko eskola publiko uztartuetako urte hondarreko ikusgarria. Eskola gehienetan bezala, Bankako ama-eskolako irakasleak eta Urepeleko lehen mailako bi irakasleek, hirurek elkarrekin, urtero antolatzen dute haurren emanaldi nagusia:... [+]
Gosea, txizalarria, maitasuna, gorrotoa, egarria, sexua, beldurra... eta zelan ez... biolentzia. Besteak beste, gure instintoetako batzuk dira hauek. Haiei esker bizi gara historiaurretik gaur egun arte. Oinarrizko tresnak izan dira, badira eta izango dira bizitzan aurrera... [+]
Bigarrenez Aresti etorkizunaren aurrean
Nork: Ekida Arte Ekimena.
Noiz: ekainaren 20an.
Non: Azkoitiko Baztartxo antzokian.
------------------------------------------------------------------
50 urte dira Gabriel Aresti euskal idazle marxista hil zela, eta Ekida arte... [+]
Euskal musikaren imajinario kolektiboan murgilduko gaituen ikuskizuna da “Ez dok Hiru”. Euskal Herriko kantutegian oinarritutako ikuskizun teatrala.
Eoa, deskonzertantea eta irrigarria azalez, baina azal horren poro bakoitzari geure musikarekiko maitasuna dario... [+]
Maiatzean Korsikan egon nintzen topaketa batean, hezkuntza artistikoa eta hizkuntzen irakaskuntza aipagai, gure antzerki taldean hezkuntza eta antzerkia anai-arreba bikiak baitira ekinean. Ikastaroan, luzaz mintzatu ginen linguista batekin, etorkinei frantsesa eta ingelesa... [+]
Miss Karaoke-k abesti bat kantatzeko enkargua jaso du, eta urduritzen hasia da. Zer kantatuko du Ebento Handian, Antolatzaile Handiaren enkarguz, Jende Guztiaren aurrean? Are gehiago, zein hizkuntza aukeratuko du? Gutxiengo gutxitu, gehiengo gutxitu, gutxiengo... [+]
Artxibo biluzia
Nor: Intza Alkain eta Javi Barandiaran (Metrokoadroka).
Non: Lemoako Kotxepin aretoan.
Noiz: ekainaren 2an.
-------------------------------------------------------
Lemoan independentzia eguna ospatzen ari dira. Kotxepin kultur etxearen alboan,... [+]
Liluragarria da zinez aulkien disdira. Orok merezi du lanaren osteko atsedena. Kasu, ostera, sakona da loaren eztena. Esertzen bazara aginduetara makurturik, heriok ohartu orduko, jango dizu barrena
- Zuzendaria: Ander Lipus
- Testua: Gotzon Barandiaran
- Musika: Mikel... [+]
Takoidun Zapata Gorria hogei minutuko iraupena duen antzezlan labur bat da, Piszifaktoria Ideien Laborategiaren bigarren proiektua da. Ezohiko gunetan erakusteko obra bat da, ez baitu eszenatoki baten beharrik. Hartara, antzez-ekintzaren barruan egoteko eta ekintza bertatik... [+]