Goiaren etxebizitza politika “arazoaren parte da” Donostian, EH Bilduk salatu duenez
Donostian "etxebizitza larrialdia" bizi dela aldarrikatu du EH Bilduk eta horri aurre egiteko urgentziazko bost neurri proposatu: alokairuaren prezioa mugatzea, etxe kaleratzeekin amaitzea, funts putreak hirian non grato izendatzea, etxebizitza turistiko berriei moratoria jartzea eta etxebizitza soziala bermatzea. Igandean Garibai kalean egindako ekitaldiarekin borobildu dute hilabetez luzatu den dinamika.
Reyes Carrere EH Bilduko bozeramaleak argi du: Eneko Goiak orain zenbait hilabete elkarrizketa batean esandakoak –"zeure auzoan zahartu nahi izatea pixka bat fina da"– ongi laburbiltzen du hiriko alkateak nola ikusten duen hiriaren etorkizuna. "Imajinatzen al du inork gure inguruko edozein herri edo hiritako alkateren bat, bere gazteei etorkizuna bere ingurunetik urrun dagoela esanez? Horixe da Goia jaunak pentsatu, esan eta egiten duena", adierazi du hiriko erdigunean eginiko ekitaldian.
Hiriko datu sozioekonomikoak gizarteratzen aritu da EH Bildu kanpaina honekin. Besteren artean, Eneko Goia alkate denetik alokairuak %35 igo direla hirian, 45 bat hotel berri ireki edo irekitzeko baimena eman dutela, etxe kaleratzeak hasi direla berriro eta funts putreak herritarrak jazartzen ari direla.
Horren aurrean, Reyes Carrerek defendatu du bestelako etxebizitza-politika publiko batzuei aukera eman behar zaiela: "EH Bildun badakigu arazo konplexua dela eta ez dagoela irtenbide magikorik. Baina ezin da gure etorkizuna merkatuaren gorabeheren esku utzi, inbertsio-funtsen eta espekulatzaile profesionalen eskuetan. Jendea lehen planoan jarriko duten politika publikoak behar ditugu. Etxebizitzarako eskubideak espekulatzeko eskubidearen gainetik egon behar du".
Ekitaldia Garibai kalean egin dute, lehen herritarrak bizi ziren etxebizitza bloke bat apartamentu turistikoen eraikin bilakatu dutelako eta hori delako, EH Bilduk salatu duenez, nahiz eta Goiak esan ez zutela lizentzia gehiago emango, ondoren baimendutako proiektua da. "Donostian etxebizitzarekin gertatzen ari denaren sinbolo bat da", esan du EH Bilduk.
Bost neurri arazoa bideratzen hasteko
Ondorengoa proposatu du EH Bilduk:
1 - Alokairuaren prezioa mugatzea. Goia alkate denetik, %35 garestitu da alokairua, eta goraka jarraitzen du. Legearen bidez prezioak mugatu behar dira, jendea bere auzoetatik bota ez dezaten.
2 - Stop etxe kaleratzeak. Martxoaren 22an, Azora funts-putreak bere lehen maizterra kaleratu zuen Donostian. Iñakik ezin izan zion aurre egin inposatutako %33ko gehiegizko igoerari. Itxura guztien arabera, kaleratze gehiago egongo dira. Donostiak "etxe kaleratzerik gabeko hiria" izan behar du berriro.
3 - Funts Putreak kanpora. Egoera okertu egin da etxebizitzarekin espekulatzea helburu duten inbersio-funtsak Donostiara iritsi zirenetik. Hirira espekulatzera etortzea, eta lotsarik gabe horretara etorri direla adieraztea, elkarbizitzaren aurkako eraso zuzena da EH Bilduren ustez.
4 – Alojamendu turistiko berriak izoztu. Goiak onartu du 45 hotel inguru ireki direla bere agintaldian. Lehen solairutik gorako ehunka pisu turistiko legeztatu ditu. Eta horrek guztiak etxebizitzaren prezioan eragin handia izan du.
5- Etxebizitza soziala bermatu. Milaka donostiar daude etxebizitza publiko baten zain, eta askok kanpora joan behar izan dute bizitzera. Alokairuko etxebizitza publikoen parkea handitu behar da, etxebizitza hutsak eraikiz, birgaituz eta etxe hutsak merkatura ateraz.
Hilabeteko dinamika
Garibai kalean egin duten ekitaldiarekin amaitu dute hilabete luzatu den dinamika, non antolatu dituzten hitzaldi, ibilaldi eta mahai inguruak. Besteren artean, Bartzelonan etxebizitza turistikoen goraldia nola geratu zuten jorratu dute Javier Buronekin (Bartzelonako Udaleko etxebizitza publikoko zerbitzuen arduraduna) eta Berlingo herri-erreferendumaz hitzaldia edo Alde Zaharrean eta Grosen ibilaldi gidatuak egin dituzte –Free Tour izenburupean–, turistifikazioaren ondorioak azalduz.
.jpg)
CaixaBank Researchek egindako ikerketak agerian eman du Nafarroako etxebizitza merkatuaren egoera. 2007-2008 arteko higiezinen burbuilaren garaian baino %3,7 garestiagoa dira etxebizitza eraiki berriak Nafarroan.
Joan den astean jakinarazi zuten Basque Culinary Centerren GOe eraikina urriaren 20an inauguratuko dutela, eta horren harira, Kaleratzeak Stop plataformak idatzi bat helarazi du komunikabideetara. Bertan, gaitzetsi egin du Basque Culinary Centerreko eraikin berria 20 hilabetetan... [+]
Maximo historiko berri bat ezarri du Donostiako etxebizitzaren prezioak: 5.869 euro metro koadroko, batez beste. Hori da Higiezinen Jabetzako Artekarien Gipuzkoako Elkargo Ofizialak aurkeztu berri duen txosteneko ondorioetako bat; txostenak 2025eko bigarren hiruhilekoko... [+]
639 'minipisu' ari dira eraikitzen Barakaldon, BEC erakustazokaren aldamenean. Udal ordenantzak aginduta, hotel erabilera eman behar zaio espazio horri, baina "alokairu malgua" dela dio Be Casa-k. Egun batzuetako alokairuetatik hasi eta "hilabete batzuetarako... [+]
"Gure herria izugarrizko irabazi-iturria da turismotik negozioa egiten dutenentzat. Bertako langileok, berriz, horren albo-kalteak jasaten ditugu: miseria eta esplotazioa", seinalatu dute mobilizazioa deitu duten Kontseilu Sozialistak eta Etxebizitza Sindikatu... [+]
Kontzientzia-eragozpena aurkezteko aukera legala daukate poliziek, eta horretarako babes "sindikala" duten arren, bakar batek ere ez du eskubide hori baliatu hamarkada batean baino gehiagoan.
18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]
Bigarren urtez jarraian Iruñerriko Etxebizitza Sindikatu Sozialistak "jota aldarrikatzailea" abestu du uztailaren 7an, sanferminetako prozesioan, balkoi batetik. 2024an "elkarbizitzaren ideia faltsuari eta turismoaren negozioaren ondorioei" abestu... [+]
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]
Trintxerpeko (Gipuzkoa) Herrera kaleko 'Escalerillas' eraikinean 60 urte baino gehiago bizitzen daramaten bost familia etxegabetu nahi dituzte Pasaiako Portuko Agintaritzak eta Euskal Trenbide Sareak, merkantziak portutik mugitzeko trenbide bat eraikitzeko. Astelehenean... [+]
Goizean goiz bildu dira ostiralean (ekainak 27) AZET Etxebizitza Sindikatuko kideak eta Alde Zaharreko auzokideak etxegabetzearen aurrean deitutako auzo erantzunera. Bi ordu baino gutxiagoan adin txikiko seme-alabak dituen familia bat etxegabetu dute Bidebarrieta kalean... [+]
Ostiral arratsaldean (ekainak 27) egindako agerraldian, Etxebizitza sindikatuak elkartasuna adierazi die etxegabetuko dituzten zortzi errefuxiatu familiei, tartean adin txikikoak daude, eta haien egoera salatu du.
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Desokupacyl desokupazio taldeak bideo bat argitaratu zuen atzo sare sozialetan, Luis Nuñez Mané burua eta beste hiru kide Donostian zeudela esanez. Bideoa, Kontxan grabatuta dago, eta “okupatutako” etxeak erostera bultzatzen du bertan Manék:... [+]