Emakume transexual batek bortxatu egin dutela salatu du Gasteizen
Erasoa igandean gertatu zen, Gasteizko Abetxuko auzoan. Gizonezko batek labanarekin mehatxu egin zion emakume bati, eta bortxatu egin zuen. Biktimak salaketa jarri du. Asteazken honetan, 20:00etan, deitu dute elkarretaratzea, Gasteizko Bilbo plazan.
Erasoa igande iluntzean gertatu zen Gasteizko Abetxuko auzoan. Gizonezko batek labanaz mehatxu egin zion emakume transexual bati, eta bortxatu egin zuen. Erasotzaileak ihesari eman zion. Emakumeak salaketa jarri zuen Ertzaintzan.
Gasteizko LGTBI+ fobiaren aurkako Ikusgune behatokiak babes osoa adierazi dio biktimari. Amets Martínez de Heredia elkarteko kideak Euskadi Irratiari adierazi dionez, kolektiboarentzako “egoera oso txarra da, oso kezkagarria”. Izan ere, transfobia kasuek asko egin dute gora azken hiru hilabeteetan. Behatokian hamabost kasu antzeman dituzte maiatzetik hasita: zazpi gorroto diskurtso, lau eraso fisiko eta beste lau bazterketa kasu.
Ikusgunek iragan asteazkenean eman zuen emakume transexual baten aurkako beste eraso baten berri. Uztailaren 22an, 64 urteko emakume bat Gasteizko alde zaharreko taberna batetik irten zen, eta gizonezko batek “marikoi zikina” deitu zion. Berria hedabideak azaldu duenez, erasotzaileak hiru ukabilkada eman zizkion, eta lurrera bota zuen.
Elkarteak komunikatu bat kaleratu du, erasoak gaitzetsiz. Bertan, “eskalada LGTBI+fobiko baten aurrean” daudela adierazi dute, eta identitateagatik edo sexu orientazioagatik egon daitezkeen erasoei adi egoteko deia egin dute. “Gogorarazi behar dugu gorroto diskurtso eta erasoen atzean kolektibo oso bati zuzentzen zaion mezu bat ezkutatzen dela, eta honek jendarte osoa interpelatzen duela”.
Elkarretaratzea asteazkenean
Gasteizko Mugimendu Feministak eta E28 Koordinadorak elkarretaratzea deitu dute abuztuaren 4rako Gasteizen. Arratsaldeko 20:00etaran bilduko dira Bilboko Plazan, “aurrean izango gaituzue” lelopean gertatutakoa salatzeko.
Erran egin nion umetan sexu abusu bat jasanarazi zidanari: hala egin zidala. Bazekien, sinetsi zidan, eta errespetatu du harekiko behar dudan urruntzea. Zortea izan nuela uste dut; denok ez daukagula bera. Prozesu inperfektu haren kontakizun ez-fikziozko bat da hau.
Nagyrev (Austro-hungariar Inperioa), 1911. Zsuzsanna Fazekas emagina hungariar herrixkara iritsi zen. Bere egitekoaz gain, medikuntza, kimika eta beste alor askotako oinarrizko ezagutzak zituenez, eta Nagyreven ez medikurik eta ez apaizik ez zegoenez, berehala eragin handia... [+]
Atzo egindako agerraldi publikoan adingabeei egindako iruzkin matxistei eta emakume helduek pairatutako ukituei dagokizkien garrantzia eman nahi izan zieten.
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
AEBko Zientzia Fundazioaren Antartikako Programak (USAP) jakitera eman duenez, Antartikako ikerketa-baseetan 2022-2024an egin duten galdeketan, parte-hartzaileen % 41k adierazi du sexu-erasoa edo sexu-jazarpena jasan duela.
85 urteko gizonak bere emaztea hil zuen uztailean, eta Poliziaren ikerketaren ondoren behin-behineko espetxealdian zegoen. Orain, Nafarroako Auzitegiko Bigarren Atalak esan du gizonak "ageriko narriadura kognitiboa" daukala eta "zaurgarria" dela.
Bilboko Aste Nagusian hainbat pertsona atxilotu ditu Poliziak eraso sexistak leporatuta. Egoera horren aurrean, Juan Mari Aburto Bilboko alkateak esan du Polizia "eraginkorra" dela eta Bilbon "inoiz baino polizia gehiago dagoela".
Getariako txosnagunean eta Aian egin dute elkarretaratze isila. Jai batzordeak txosnak itxi zituen.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Abuztuaren 29ko gaueko egitaraua bertan behera utzi dute, iazko jaietan gau horretan izan baitziren indarkeria kasuak: sumisio kimiko bidezko sexu erasoak eta borrokak "nabarmen" areagotu zirela azaldu du Amets Jauregizar herriko alkateak. Abuztuaren 28tik 31ra bitarte... [+]
Emakumea hilda aurkitu dute bere etxean. Senarrak, 85 urteko gizonak, emakumearen heriotzaren berri eman du, Polizia bertaratu denean diskurtso inkoherentea zuela ohartu eta atxilotu egin dute.
2011tik 2021era bitarte egin zituen erasoak, klaseak eman bitartean. Gipuzkoako Lurralde Auzitegiak sexu abusuen delitu bakoitzeko lau urte eta hilabete bat eta hamabi urte bitarteko kartzela zigorra ezarri dio. Horrez gain, 40 urteko gizonak adin txikiko bakoitzari 3.000 eta... [+]
Getxoko 3. Instrukzio Epaitegiak atxilotze-agindua eman du 2023ko urrian Algortan jazotako talde sexu-eraso batean ustez parte hartu zuen egileetako baten aurka. Kasua sexu-eraso larri gisa sailkatu du magistratuak eta poliziari eskatu dio, gaztea aurkitzen dutenean, epaitegira... [+]
Berriz gertatu da. Bartzelonako Unibertsitateko ikerlari batzuek (emakumeak) salatu dituzte beren nagusiarengandik (gizona) jasandako sexu erasoak eta nagusikeria edo botere-gehiegikeria. Eta berriz ere, ospe handiko gizonaren aldeko adierazpena bultzatu dute, baita... [+]
Urte luzeak daramatza Laura Macayak indarkeria jasan duten emakumeei lagun egiten, arlo instituzionalean, militantzian, bai eta beste justizia-eredu batzuetatik abiatuta ere. Horri guztiari buruzko liburu bat kaleratu berri du: Gatazka eta abusua ez dira gauza bera (Katakrak,... [+]