Elkarretaratzeak Sahara libre baten alde
Euskadi Sahara Mugimenduak Fronte Polisarioaren EAEko ordezkaritzaren laguntzarekin antolatu ditu mobilizazioak asteburu honetan euskal hiriburuetan eta 30 bat herritan. Mendebaldeko Saharako gatazkaren aurrean erakutsi duen "arduragabekeria" leporatu diote Espainiako Gobernuari.
Euskadi Sahara Mugimenduak antolatuta mobilizazioak egin dira EAEko hiriburuetan eta hainbat herritan, Sahara libre baten alde. Ehunka pertsonek hartu dute parte mobilizazioetan eta argi utzi nahi izan dute Mendebaldeko Sahara askatzeko bidean erreferenduma egin nahi dutela. Une honetan, Marokoren jarrera salatu dute, besteak beste Sahara Errepublika Arabiar Demokratikoko lurralde okupatuetan herritarren aurkako errepresioa areagotu dutelako.
Su-etena 1991tik zegoen indarrean, baina azken hilabeteetan tentsioa areagotu da bi herrialdeen artean. Maroko gero eta biztanle gehiago eramaten ari da Mendebaldeko Saharara, bere inbasioa sendotzeko. Nazio Batuen Erakundeak ez du oraindik onartzen Mendebaldeko Sahara Marokorena denik, baina saharar herria duela 25 urtetik erreferendumaren zain dago erabakitzeko eskubidea gauzatzeko.
Espainiako Gobernuari bi gauza eskatu dizkiote asteburuko mobilizazioetan: deskolonizazio prozesuari berriz heltzeko eta erreferenduma bultzatzeko. Frantziak eta AEBek Marokori laguntzen diotela salatu dute protestalariek.
Arnas luzeko kazetaritza maite du Kristina Berasainek. Kazetaritza pausatua. Haimaz haima ibili da sahararrekin hizketan, kontakizunak eta testigantzak bilduz, gero horiek guztiak liburu eder batean harilkatzeko. Pasioz eta pazientziaz, ia 50 urte erresistentzian daraman saharar... [+]
Sahara, herri bat erresistentzian liburua argitaratu du Kristina Berasainek. Urte luzez jarraitu du Mendebaldeko Saharako gatazka, 2005ean BERRIA egunkariko kazetari gisa lurralde okupatuetara lehen aldiz bidaia egin zuenetik.
Mendebaldeko Sahararen alde egingo dute kontzertua hilaren 22an, Kursaalean. Bertan izango dira Oreka TX, Eñaut Elorrieta, Mikel Urdangarin, edo Minatu Embarek, Nayat Hosseinek eta Hayuh Ramsik artista sahararrak, besteak beste. Sahararrak gerran daudela ez dela ahaztu... [+]
Mendebaldeko Saharako Smara hirian urriaren 29an jaurtigaiekin izandako eraso ezezagun batek gorenean jarri du Fronte Polisarioaren eta Marokoko armadaren arteko gerra. Gaza bezala, harresi luze batez inguratuta dago herrialde osoa, eta Israelek palestinarrekin egin bezala,... [+]
Benjamin Netanyahu Israelgo lehen ministroak gutun bat bidali dio Marokoko Mohamed VI.a erregeari, "harremanak sendotzeko" pausoa emateko. Astelehenean baieztatu du asmoa dutela okupatutako Mendebaldeko Saharako Dakhla hirian kontsulatua irekitzeko.