Ekintzaile talde batek AHTri bidea zabaltzeko desjabetzeak eten ditu Lezon

  • Donostia eta Irun arteko AHTren ibilbidea zabaldu asmoz, egunotan desjabetzeak ari dira gauzatzen. Horren aurrean, makroproiektuaren aurkako ekintzaile talde batek protestak deitu ditu.


2021eko urriaren 06an - 07:38
Azken eguneraketa: 09:56

"AHTrik ez" eta "Desjabetzerik ez, AHTren dirua behar sozialentzat" lelodun pankartak gainean, ekintzaile talde bat Lezoko Udaleko Kulturgelan sartu zen astearte arratsaldean, bertan adostear ziren desjabetzeak oztopatu asmoz. Ekintzaile taldeak helarazitako oharrean zehazten denez, "Lezoko udalaren babespean sinatzekoak ziren desjabetzeak", Irun eta Donostia arteko ibilbide zatian AHTari bidea zabaldu asmoz.

"Hainbat administraziotako funtzionarioak" udaletxean bilduta zirela, bilkura eten zuen ekintzaile taldeak. Behar sozialak handiak diren garai hauetan halako proiektuek diru xahuketa, garapenkeria eta lurra txikitzea dakartela salatu zuten. Presioaren ondorioz bilkura bertan behera uztea lortu zuten. Hala ere, protesta ez dute amaitutzat eman, eta mobilizazio gehiago deitu dituzte, jakinik "egunotan ari direla Irun eta Donostia arteko trenbideen zabaltze lanetarako desjabetzeak ospatzen". Hala bada, asteazken goizeko 09:30ean Oreretako Udalaren aurrekaldean elkarretaratzea egin dute, eta ostegunean Oiartzungo Udalaren parean bilduko dira 17:30ean.


Kanal honetatik interesatuko zaizu: Abiadura Handiko Trena
Julio Villanueva (AHT Gelditu)
"Abiadura Handiko Trenik gabeko Nafarroa posible da"

Abiadura Handiko Trenaren inguruan mintzatu dira zenbait ekintzaile asteazkenean Iruñeko Zabaldin osatu duten hitzaldian. Italiako Val Susa bailarako adibidea bertatik bertara ezagutzeko aukera ere izan dute han sortutako mugimenduaren ordezkari bat etorri delako... [+]


Iñaki Arriolak dio AHTren lanak amaituta ikusteko oraindik "urtetxo" batzuk beharko direla

Eusko Jaurlaritzako Garraio sailburuak onartu du herritarrak "nekatuta eta haserre" daudela obren iraupenarekin. "Euskal Y" deiturikoaren hormigoizko azpiegituraren lanak 2025ean amaituko direla hitz eman du, baina gaineko egitura guztia eta hiriburuetarako... [+]


AHT eta tren sozialerako egungo trenbidea egokitzea eskatu dute Altsasun

Nafarroa Trenaren Alde, Araba Trenaren Alde eta Goierriko AHTrik Ez plataformek Altsasun egindako prentsaurrekoan egin dute eskaera: tren lasterrak soilik erabiltzeko trenbide-azpiegitura berriak eraikitzeko proiektuak geldiaraztea, gaur egungo tren-azpiegiturak berritzea eta... [+]


Eguneraketa berriak daude