EiTBk Laudioko ekoizle baten agerpena zentsuratu du 'Altsasukoak aske' lelodun kamiseta janzteagatik
Laudioko tokiko ekoizlea ETB-2ko saio batean agertu behar zen, baina "Altsasukoak aske, muntaia polizialik ez" leloa jasotzen zuen kamiseta eraman zuen grabaketara eta, azkenean, ez zuten bere adierazpenik jaso.
Pasa den astean Juan Angel Lekanda Laudioko tokiko ekoizleak hitzordua zuen ETB-2ko saio famatu batekin. "Ez dut bere izena esan nahi, ekoizpen etxekoek ez dutelako errurik, EITBko zuzendaritzaren erabakia izan baitzen", azaldu du.
Astean zehar igortzen da saioa eta gastronomiari lotuta dago, hori bai. Laudioarra bere jarduerari buruz mintzatu behar zen. Egun horretan Altsasuko auzipetuen aldeko leloa zuen kamiseta janztea erabaki zuen Lekandak, eta ekoizpen etxeko langileek jakinarazi zioten EITBk ez ziela baimentzen horrelakorik jasotzea.
Tokiko ekoizleak, bere aldetik, erantzun zuen ez zuela kentzeko asmorik. Azkenean, ekoizpen etxeko kideak EITBrekin jarri ziren harremanetan eta erakunde publikoak erabaki zuen Juan Angel Lekandaren grabaketa ez egitea.
Laudioarrak zentsuratzat jo du gertatutakoa: "ulertuko nuke gorrotozko mezua zabalduko balu nire arropak -xenofoboa, adibidez-, baina kamisetak euskal gizarteko zati handi batek salatzen duena besterik ez du adierazten".
Aiaraldea.eus harremanetan jarri da EITBrekin bere bertsioa plazaratzeko baina, momentuz, ez du erantzunik izan.
Jose Luis Rebordinos Zinemaldiko zuzendariak prentsara gutuna bidali du. Bertan, Espainiako hainbat hedabidetan atera den gutuna kritikatu du. Izan ere, zalaparta ari dira sortzen hainbat biktima elkarte, Zinemaldian estreinatuko den No me llame Ternera (Jordi Evole eta Marius... [+]
Zentsura kulturalaren Iruñeko adibidearen berri eman dugu ostegunean (Herriko Tabernari ezarritako debekua) eta horrekin lotuta, hain zuzen, asteazkeneko albiste bat dakargu orain: Espainiako zenbait erakunde profesional kulturalen baitatatik adierazpen edo manifestu... [+]
Bertan behera utzi behar izan du San Ferminetarako antolatutako egitarau kultural guztia. Gauzazen duen ekimen bakoitzeko 6.000€ eta 60.000€ bitarteko isun zigorrekin mehatxatu baitu Udaltzaingoak
“Hedabideek isilarazten dutenaz mintzo dira hormak”, zioen erdaraz Barakaldoko mural batek 1990eko hamarkadan, horma-irudien eta pintaketen zeregin nagusia azpimarratu nahian. Ahots anonimoak dira, horman idatzitako hitzetik mintzo direnak, espontaneoak gehienak, gai... [+]
Errusiarrez dauden edo "garai sobietarrekoak" diren 19 milioi liburu erretiratu dituzte liburutegietatik azken hilabeteetan, eta ez dute argitu zer egin duten horiekin.