EHUn eraso sexistak egiteagatik kanporatutako irakasle bat berriro kontratatzeko aukera dagoela salatu dute Donostiako campuseko feministek
Ohar bidez jakitera eman dutenez jada beste unibertsitateetatik eraso matxistak egin izanagatik kanporaturiko irakaslea Ibaetako campusean berriro kontratatzea baloratzeko bilera egingo dute gaur. Feministek bilerara joateko dei egin diete gainerako ikasleei.
Ibaeta campuseko ikasle feminista talde batek jakitera eman duenez, dagoeneko beste unibertsitateetatik eraso matxistak egin izanagatik kanporaturiko irakasle bat berriro kontratatzekotan dira EHUk Donostian daukan campusean. Oharrean adierazi dutenez, "Gizarte Psikologia eta Portaera zientzien metodologia sailaren eta Ikerbasqueren, Zientziarako Euskal Fundazioaren" esku legoke kontratazioa zehazki, eta maiatzaren 17an, eguerdiko 12etan lirateke hori erabakitzeko bilera egitekoak.
Feministek onartezintzat jo dute EHUk pertsona hau kontratatzeko aukera egitea, eta unibertsitatearen "kareta morea" beste behin ere agerian geratu dela adierazi dute. Gainera, prozesu hau ezkutuan eta erabakimena pertsona gutxi batzuen eskuetan soilik utzita egin dela ere salatu nahi izan dute.
Azkenik, unibertsitate heteropatriarkalaren aurrean antolakuntza eta autodefentsa feminista aldarrikatu dituzte, eta dei egin diete gainerako ikasleei kontratazioa erabakiko den bilerara gerturatzeko.
Ez da lehen aldia
Ez da lehen aldia EHUn irakasleren baten aldetik egindako eraso matxistak salatzen direna. 2018ko martxoaren 8an Leioako campusean greba feminista egiten ari ziren hainbat neska makila batekin eraso zituen irakasle batek. Oharrean gogorarazi nahi izan dute unibertsitatearen pasibotasunari esker, pertsona horrek ere bere irakasle funtzioetan jarraitzen duela Leioako campusean.
Albiste hau Topatu.eus-ek plazaratu du. CC-BY-SA lizentziari esker ekarri dugu gurera.
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.
Emakumea oso larri dago erietxean, Sud Ouest egunkariak jakinarazi duenez. Haren bikotekidea izan daitekeen gizona fidantzarik gabeko atxiloaldian sartu dute, aurrekariak dituelako.
Indarkeria matxistaren datu "onartezinak" salatu ditu Txibite presidenteak. Izan ere, Nafarroan erregistratutako salaketen %17 sexu-indarkeriagatik dira. Hartara, bihar zabalduko duten Sexu Indarkerien Arreta Integraleko Zentro "seguru eta konfidentzialaren"... [+]