EHUko irakasle ikertzaileek grebara joko dute euren lan baldintzak okertzen badira
Steilas, LAB eta ELA sindikatuek iragarri dute EHUko irakasle eta ikertzaileen artean mobilizazio zikloa hasi eta grebara jo dezaketela irailetik aurrera, unibertsitateei buruzko Espainiako Estatuko LOSU legearen ezarpenarekin haien lan baldintzak "okertzeko arriskua" ikusten dutelako.
Greba hotsak zabaldu dira EHUn eta irailetik aurrera has daitezke mobilizazioak, Steilas, LAB eta ELA sindikatuek iragarri dutenez. Unibertsitate horretako ikertzaile eta irakasleen lan baldintzak okertzeko arriskuan daudela salatu dute, Espainiako Estatuko unibertsitateetako LOSU legea ezartzearen "aitzakiarekin".
Hala, jardunaldi osoko irakasle ikertzaileen ordezkapenak egiterakoan soldata osoaren %34,29 baino ez dutela jasoko salatu dute eta gizarte segurantzan proportzio horretan kotizatuko dutela. Hortaz, apenas jasoko dute 800 euroko soldata –gutxieneko soldata baino eskasagoa– nahiz eta praktikan jardunaldi osoko lana egin.
" EHUk egiten duen Ordezko kontzeptuaren interpretazioa hertsia eta mugatua da", azaldu dute sindikatuetako langileen ordezkariek asteartean egindako agerraldi publiko batean. Ordezkapenetan lanaldi osoko kontratuekin betetzea exijitu dute, lanaldi partzialeko kopuruak murriztea, eta soldata duinak ezartzea.
Eusko Jaurlaritzarengan ere jarri dute erantzukizuna, unibertsitate publikoa finantzatzeko jarri beharreko dirua askoz handiagoa behar lukeelako legearen arabera, beren esanetan; gaur egun BPGren %0,4 bideratzen da eta 2030erako BPGren %1 izan behar luke.
Hori guztia dela-eta, eta "urtez urte jasan dugun eros ahalmenaren galera eta lan baldintzen okertzea salatzeko", sindikatu horiek mobilizazioak eta greba deialdia iragarri dituzte, ikasturte berriaren hasierarekin.
LABek jakin ahal izan duenez, Iruñeko garraiolari bat hil da asteazken goizaldean Erriberrin, lanerako zerabilen kamioia bidetik atera eta irauli ostean.
Ez kobratzea, nagusiaren senideen etxeak garbitu behar izatea, lantokian lo egin behar izatea, irainak... Luxuzko jatetxeko esklabotza-baldintzen lekukotzak argitara ateratzen jarraitzen dute Urola Kostan.
Abuztuaren 13an, 54 urteko Nafarroako garraiolari bat hil zen Bartzelonan deskarga lanak egiten zituen bitartean. Hurrengo egunean, Errenteriako Merkaoiartzunen 58 urteko langilea hil zen istripu ez-traumatiko baten ondorioz.
Udako opor hauetan ez dira gutxi izango Andaluziako eguzki eta ur epel bila doazen euskal herritarrak. Kontrako bidea egin zuen Ana Geranios (San Pedro Alcántara, Andaluzia, Espainia, 1988) kazetari eta idazleak martxo amaieran, Euskal Herrira etorri baitzen Costa del... [+]
Lorazainok bi hilabete baino gehiago daramatzagu greban, eta, horietan, udaltzaingoek indarrez zapaldu gaituzte piketeetan. Hirian zehar jarraitzen gaituzten sekretek jazartzen gaituzte, eta mobilizazio bakoitzean zelatatzen gaituzte. Enpresak ez gaitu aintzat hartzen, eskaintza... [+]
Aurreko astean lan istripuen ondorioz sei behargin hil zirela salatzeko, 60 bat lagunek Eusko Jaurlaritzak Bilbon duen egoitzako sarrera blokeatu dute. Ertzaintzak bertan zeuden pertsonak identifikatu ditu. LAB sindikatuaren zenbaketaren arabera, dagoeneko 26 dira aurten... [+]
AHT Gelditu elkartearen esanetan, AHTren obretan asteartean izandako heriotza bezalakoen atzean "esklabotza-baldintzak" eta "tratu arrazista umiliagarri eta iraingarriak" baino ez daude. Atxondoko Udalak gertatutakoa ikertu eta argitzeko eskatu du. AHTko obretan... [+]
Ostegun goizean hil da langilea, Bilboko José María Ugarteburu kalean. Astelehenean bi langile hil ziren, Andosillan (Nafarroa) eta Atxondon (Bizkaia), eta asteartean beste bat Amurrion (Araba).
Dozenaka lagun elkartu dira gaur arratsaldean Aiaraldeko Greba Batzordeak (SOS Aiaraldea) Tubos Reunidoseko lan heriotza salatzeko deitutako mobilizazioan. Laneko heriotzen "odolustea" salatu eta egoera ez normalizatzeko deia luzatu dute.
Pasa den asteko berria dugu: Irunen 67 urteko garraiolari bat hil zen, kamioia kargatzen ari zela. Errepidean izan balitz, “eragozpenak errepidean” entzungo genuke; ondoren, baxu antzean, “kamioilari bat hil da istripuan”. Gipuzkoa aldean trena hartzea... [+]
"Prebentzio neurriek egiten dute huts behin eta berriz", salatu du LAB sindikatuko lan osasunerako Nafarroako arduradun Inko Iriartek. Atzo izan zen azken lan heriotza. Andosillako lantoki batean karga gainera erorita zendu zen 49 urteko errioxarra. Hamaika egunean... [+]
Tubos Reunidos enpresan ari zen lanean eta teilatutik behera erorita hil da, sindikatuek jakinarazi dutenez. azken honekin 22 dira 2025ean hil diren langileak.
Foruzaingoaren esanetan, ezbeharra gertatu den lekuan bertan hil da 50 urteko langilea. LAB sindikatuaren zenbaketaren arabera, urte honetan dagoeneko 21 langile hil dira beharrean ari zirela.
