EHUk Microsoft hodei-azpiegiturara migratu ez dezan protesta

  • EHUko langile talde batek protesta hasi du Unibertsitateak Microsoft Office 365era migratu nahi dituelako bere irakasle, administrazio eta zerbitzuetako pertsonala eta ikasleen posta elektronikoak. Horren ordez, EHUk bere "hodei" propioa izan dezala eskatzen dute. "EHU ez dago salgai!" izeneko manifestua kaleratu dute, EHUren pribatizazioen kontrako plataforma gisa aurkeztuz beren burua.

Artikulu hau CC BY-SA 3.0 lizentziari esker ekarri dugu.

2020ko ekainaren 19an - 10:55

Webgune bat argitaratu dute, eta beraien protestaren zioak azaltzen dituzte, migrazio "pribatizatzaile" horrek dituen arriskuak nabarmenduz. Honako hauek, laburtuta:

  • Pribatutasunik eza. Datu pertsonalak, proiektu eta ikerkuntzen emaitzak enpresa pribatuen esku uztea litzateke.
  • Dependentzia:  Sistema honekin Microsoften produktuekiko menpekotasuna areagotu egingo da.
  • EHUren izaera publikoaren galera.
  • EHUren dirua xahutzea.

Azken puntu horiekin lotuta ikusten dute ez dela EHUko IKT zerbitzu propioetan lanpostu berriak sortzen, ez eta baliabide teknikoak handitzen. Azpikontratazioetan dirua xahutu ordez, manifestu honen sinatzaileek uste dute EHUko langileek kudeatuko duten azpiegitura eta software libre baten alde egiteko garaia dela.

Hemen Plataformak lortu dituen atxikimenduen zerrenda, eta bat egin nahi baduzu, manifestua sina dezakezu hemendik.


Irakurrienak
Matomo erabiliz
Azoka
Kanal honetatik interesatuko zaizu: Teknologia burujabetza
AntennaPod: entzun podcast guztiak aplikazio bakarrean

Martxoaren 15ean RSSak (Really Simple Syndication) 25 urte bete ditu. Gehienek ez dakite zer den eta beste batzuk hiltzat jotzen dute, baina teknologia burujabetza ikuspuntutik oso interesgarria izaten jarraitzen du eta bizi-bizirik dago. Bitartekaririk gabe gure intereseko... [+]


Numeriko iraunkorraren eguna Baionako Estitxu Robles kolegioan

Martxoaren 6an numeriko edo digital iraunkorraren eguna ospatu dute Baionako Estitxu Robles kolegioan. Ordenagailu zaharrak berregokitzen ikasi dute eta Ilargikoop ikasle kooperatibaren berri jaso dute.


Gerezien denbora burujabetza digitalarentzat

Badaramat denbora tarte bat haserre egunerokoan inguratzen nauen errealitate digitalarekin. Mugikorraren gehiegizko erabilera pertsonalak, seme-alaben hezkuntzaren googleizazio eta erabilera digital deterministak, erakunde publikoek korporazio digital erraldoien tresnekiko... [+]


Google Analytics-en alternatiba librea den Matomo euskaraz erabil daiteke

Webguneen arduradunek beren bisitarien trafikoa aztertu nahi izaten dute, baina horretarako gehien erabiltzen den Google Analytics tresnak pribatutasun eta lege arazoak ditu. Alternatiba etikoago bezala gehien erabiltzen den Matomo software librea euskaratu du Iametzak.


Whatsapp-a ez da izango EAEko hezkuntzako oposizioetan akreditazioa lortzeko bide bakarra

Eztabaida eragin zuen 2023ko urriaren 21ko EAEko irakasleen oposizioetara sartzeko Whatsapp bidez jasotako QR kodea erabili beharrak. Azkenean, akreditazioa webgune baten bidez eskuratzeko aukera ere eman zuen Eusko Jaurlaritzako Hezkuntza Sailak. Hemendik aurrera... [+]


Eguneraketa berriak daude