EB-Tunisia akordioa etetea galdetu du Human Rights Watch erakundeak
22 testigantzetan oinarriturik, Tunisiako Poliziak etorkinen aurka bideratu gehiegikeriak biltzen dituen txostena plazaratu du Human Rights Watch Gobernuz Kanpoko Erakundeak. Egoera ikusita, uztailaren 16an Tunisiarekin izenpetu migrazio-politikaren akordioa etetea galdetu dio Europar Batasunari.
"Atxiloketa arbitrarioak", "jipoiak", "tortura kasuak", "kanporaketa kolektiboak", "diru eta ondasun pertsonalen lapurketak"… lekukotasun gogorrak bildu ditu Human Rights Watch Gobernuz Kanpoko Erakundeak. Guztiak dira Tunisiako poliziek ala mugazainek migratzaileei egindakoak. Giza eskubideak urratzeaz gain, arrazakeria eta diskriminazio kasu gogorrak biltzen ditu txostenak.
Adibideen artean dute, demagun, uztailaren 2 eta 5aren artean ehunka migratzaile atxilotu izanarena: "Guardia nazionalak eta armadak indarrez kanporatu edo eraman zituzten 1.200 bat pertsona, legezko prozedurak errespetatu gabe, hainbat taldetan banatuta, Libiako eta Aljeriako mugetara". Legez kanpoko sarekada horretan pairaturiko mespretxu, indarkeria eta bidegabekeriak kontatzen dira modu gordinean Tunisia: ez da leku segurua Saharaz hegoaldeko Afrikako migratzaile eta errefuxiatuentzat txostenean.
Gehiegikeria gehienak otsailaz geroztik egindakoak dira, nahiz eta ikerturiko epea 2015 eta 2023 artekoa izan. Otsailean gogortu zuen migrazio-politika Kais Saied presidenteak, migratzaileen aurkako herra zabalduz jendartean. NBEak ere "arrazistatzat" jo zuen Saiedek orduan zabalduriko diskurtsoa. Human Rights Watchek Tunisiako Gobernuari bidali dio txostena ekainaren 28an, baina oraingoz ez du erantzunik jaso
Europari eskaera: akordioa eten
Uztailaren 16an izenpetu zuten Tunisiak eta Europar Batasunak migrazioari buruzko akordioa. Nahiz eta dirutzarena ez zuten erabat argitu, errandakoari segi, Europar Batasunak 150 milioi euro emanen lizkioke Afrika iparraldeko herrialdeari, mugako kontrol zorrotzagoak ezartzeko eta Europara doazenen "migrazio irregularra" kontrolatzeko. Bere migrazio-politika kanpora ateratzen dabil Europar Batasuna, eta berdin dio giza eskubideak ez badira errespetatzen. Libiaren kasua hor genuen, eta orain gehitzen zaio Tunisiarena.
"Migrazio kontroletan gehiegikeriak bideratzen dituen segurtasun indarra diruztatuta, Tunisiako migratzaile, errefuxiatu eta asilo-eskatzaileen sufrimenduaren erantzule bihurtu da Europar Batasuna"
Human Rights Watch
Akordioa hori etetea galdetzen dio Human Rights Watchek EBri, eta hori Tunisiaren migrazio politikak giza eskubideen arloan dituen ondorioak argitu bitartean. "Migrazio kontroletan gehiegikeriak bideratzen dituen segurtasun indarra diruztatuta, Tunisiako migratzaile, errefuxiatu eta asilo-eskatzaileen sufrimenduaren erantzule bihurtu da Europar Batasuna", Lauren Seiber GKEko kidearen hitzetan.
Migrazioa mugatzeko bi herrialdeen arteko elkarlana ez da berria. Azken zazpi urteetan, 93 eta 178 milioi euro artean bideratu dizkio EBk Tunisiari. Nahiz eta migrazioaren aurkako postura gogortu eta etorkinen egoera okertu egin diren otsailaz geroztik, Europako estatuek ez dute inondik inora Tunisiarekiko harremana aldatu. Txostenean irakurri daiteke Kais Saieden diskurtsoaz geroztik hamar bat estatu-ordezkari europar direla bertaratu, ekonomiaz, migrazioaz ala segurtasunaz hitz egiteko.
Azken aldietan, Europarako sarbide nagusi bihurturik da Tunisia: aurten Italiara iritsitako 69.599 lagunetatik 37.720 Tunisiatik abiatu ziren (28.558 Libiatik eta besteak Turkia ala Aljeriatik).
Maiatzaren 20an indarrean sartuko da Espainiako Atzerritarren Legearen erreforma berria. Loueila Sid Ahmed Ndiaye sahararrak (Tinduf, Aljeria, 1990) egunero ikusten du lege horrek pertsona migratzaileen bizitzetan duen eragina. 1999an iritsi zen Kanaria uharteetara Saharatik,... [+]
Asteazkenetik aitzina Ipar Euskal Herrian, eta ostiraletik Hego Euskal Herrian; film oso gutxi estreinatzen dira horrela zinema aretoetan. Halaxe egingo du asteon Faisaien Irla-k. Fikzioa baitira mugak, horrela dio Asier Urbieta (Errenteria, 1979) zuzendariak: ez dira... [+]
108 pertsona erreskatatu dituzte asteburuan Mediterraneoan. Italiako Gobernuak ez die utzi gertuko portu batean lehorreratzen, eta Salernora bideratu dute Aita Mari ontzia. Litekeena da Europako Batasunak migrazio politikaren araudia gogortu aurreko azken misioa izatea. Aita... [+]
Elkarteko Andoni Burguetek nabarmendu du espetxean dauden presoek egindako delitu gehienek behar sozioekonomikoekin lotura dutela.
350 poliziako "Force Frontière" dispositiboa baliatu dute Gipuzkoako eta Lapurdiko mugetan migratzaileen kontra egiteko martxoaren 26 eta 27an. Aurrez "terrorismo islamistaren" aurka egiteko aitzakiaz erabiltzen zituzten dispositiboak, orain "migrazio... [+]
Aljeriatik datoz Mohamed eta Said [izenak asmatuak dira], herri beretik. “Txiki-txikitatik ezagutzen dugu elkar, eskolatik”. Ibilbide ezberdinak egin arren, egun, elkarrekin bizi dira Donostian, kale egoeran. Manteoko etxoletan bizi ziren, joan den astean Poliziak... [+]
Kritika artean abiatu dira Gasteizko Arana klinika zena Nazioarteko Babes Harrera Zentro bilakatzeko obrak. Ez auzokideak, ez errefuxiatuekin lan egiten duten gobernuz kanpoko erakundeak, ez PSEz bestelako alderdi politikoak ez daude ados proiektuarekin: makrozentroen ordez,... [+]
Europako Batzordeak lege-proiektu berri bat aurkeztu du asteartean. Dokumenturik gabeko pertsonak jatorrizko herrialdeetara edo igarotze-herrialdeetara deportatzeko prozesua areagotzea eta azkartzea helburua du.
Harrera-herri euskaldun nola izan gaitezkeen galdetu zion Leire Amenabarrek bere buruari eta parean zituenei iaz, Gasteizen, harrera-hizkuntzari buruzko jardunaldietan, eta galdera horrexetan sakontzeko elkartu gara berarekin hilabete batzuk geroago. Amenabarrek argi du... [+]
“Bi pertsona mota daude munduan: euskaldunak, batetik, eta euskaldunak izan nahiko luketenak, bestetik”. Gaztea zela, Mary Kim Laragan-Urangak maiz entzuten omen zuen horrelako zerbait, Idahon (AEBak), hain zuzen. Ameriketan jaio, hazi, hezi eta bizi izandakoak 70... [+]
Aurrekoan, ustezko ezkertiar bati entzun nion esaten Euskal Herrian dagoeneko populazioaren %20 atzerritarra zela. Eta horrek euskal nortasuna, hizkuntza eta kultura arriskuan jartzen zituela. Azpimarratzen zuen migrazio masifikatua zela arazoa, masifikazioak zailtzen baitu... [+]
Espainiako Estatutik Frantziakora “legez kanpoko” gero eta migratzaile gehiago igarotzen direla argudiatuta, mugetako kontrolak indartzea begi onez ikusi du Pirinio Atlantikoetako prefetak. Migratzaileek delitu txikietan “eragin hautemangarria” dutela... [+]
Hamasei migrante atxilotu zituzten otsailaren 6an Baionan, etorkinen eskubideen aldeko elkarteek salatu dutenez. Dirudienez, Baionako prokuradoreak eman zuen agindua. Operazioa autobus geltokiaren eta Pausa harrera zentroaren artean gauzatu zuen poliziak, tartean, adingabekoak... [+]