EAJren garaipen oso argia, EH Bildu bigarren eta Elkarrekin Podemos hirugarren sartu da

  • Galtzaile handiena PSE-EE izan da, zazpi eserleku galdu baititu eta ondoren EH Bildu 4 galduta. PP ere galtzaile da, baina eserleku bakarra galdu du eta inkestek aurreikusitakoa baino zerbait hobeto gelditu da 9 eserlekurekin.

     


2016ko irailaren 25an - 21:53

EAJk garaipen handia lortu du berriz ere, bi eserleku irabaziz (27tik 29era), eta aurreikuspen guztiak betez. EH Bildu izan da azkenean bigarrean indarra, baina lau eserleku galduz (21etik 17ra).

Hirugarren indarra Elkarrekin Podemos da, lehenbiziz aurkeztu eta hamaika eserleku lortzea edozein alderdik nahiko lukeena da, baina inkestek iragarritakoaren nabarmen azpitik geratu da.

Azken hauteskundeetako galerak berretsiz, PSE-EE da galtzailerik handiena, zazpi eserleku galduz (16tik 9ra). PPk ere beherako joera bera darama, baina eserleku bakarra galdu du (10etik 9ra), eta aurreikusitakoa baino gutxiago galdu.

Emaitzak bototan

EAJk Eusko Legebiltzarreko hauteskundeetan hirugarren emaitza onena lortu du (1984 451.178 boto;  2009an 399.600 boto; eta orain 397:664 (%37,65).

EH Bilduk 224.254 (%21,23) boto lortu ditu orain, iazko udal hauteskundeetan baino 30.000 boto gutxiago, baina iragan ekaineko Espainiako hauteskunde orokorretako ia 71.000 boto gehiago ( 153.339 ) eta 2015eko orokorretakoak baino 40.000 boto gehiago (184.186). Arnasa hartu du, beraz, eta nola.

Elkarrekin-Podemosek 156.671 (%14,83) boto lortu ditu, oso emaitza ona Eusko Legebiltzarrera lehenbiziz aurkezten den alderdi baterako, baina haien aurreikuspenetatik oso urruti. Iragan ekaineko hauteskunde orokorretan EAEko lehen indarra izan ziren 335.740 botorekin (erdia baino gehiago galduz) eta 2015eko ekainean 317.674 boto.

PSE-EEek 126.139 (%11,94) boto lortu ditu, EAEn inoiz lortu dituen emaitzik txarrenak. 1980an, esaterako, Eusko Legebiltzarreko hauteskundeetan 130.221 boto eskuratu zituen.

PPk 107.357 boto lortu ditu (%10,16), 1990etik ( 83.719) Eusko Legebiltzarreko hauteskundeetan lortutako emaitzik txarrena, baina orduan hasi berria zen Espainiako eskuina batu ondoren. Esko Legebiltzarreko 2000. hauteskundeetan lortu zuen emaitzik onena, 323.235 boto.

   
   
     
     

Kanal honetatik interesatuko zaizu: Eusko Legebiltzarreko hauteskundeak
Aste politikoaren kronika
Orokorkerien Euskadi

Hilabete baino gutxiago falta da hauteskundeetarako eta bi aste baino ez kanpaina ofizialki abiatzeko. Lehen bi kolpe kanonikoak eman dituzte dagoeneko. Bata administrazioak, egin baitute zozketa, hauteslekuetan eguna botako duten herritarrena; eta alderdi politikoek bestea, 48... [+]


2024-03-24 | Anuntxi Arana
Barbie hauteskundeetan

Arropa bera luzaz eramatea ez da ongi ikusia, eskasa-edo dateke. Behin, lagun irakasle bati lizeoan ohartarazi zioten bazela ordua jaka berria eros zezan. Aspaldiko joera hori indartuz joan da. Telebistako esatari eta berriemaileek jantzi desberdinak luzitzen dituzte egunero... [+]


Aste politikoaren kronika
Bejondeiela

Pandemia aurretik mugarria ezarri zuena, geurean, Berri Txarrak izan zen; azken kontzerturako sarrerak mila hilabete lehenago ipinita, F5 tekla guztiak izorratu eta webgunea kolapsatu zituena. Pandemia aroan, gero, ugaldu zen txartelak online hartzeko moda, eta ordu luzez ilara... [+]


Aste politikoaren kronika
Infiltratua

Zikindu da aurre-kanpaina. Ertzaintzaren jardun polemikoak hartu du fokua eta, pasa den asteko kronikan iradoki moduan, herritarren eguneroko beste hainbat arazo, norbanakoaren poltsikoari edota osasunari zuzenki loturikoak, alboratu dira beste behin ere. Egia esan, ez da... [+]


Eguneraketa berriak daude