"EAJ zen De Miguel auziko traman dena batzen zuen pegamentua"
Iker Rioja eta Jose Manuel Camara kazetariek Arabako ustelkeria kasu handienaren inguruko gakoak azaldu dituzte Adi! elkarteak antolatutako hitzaldi batean. Hala Bedi irratiak jaso du bertan kontaturikoa.
Abenduaren 14an Iker Rioja El Diario.es-eko kazetariak eta Jose Manuel Camara Euskizofrenia atarikoak hitzaldia eskaini zuten Gasteizen De Miguel auziaren inguruan, Adi! elkarteak antolatuta. Bi kazetariek ustelkeria kasua oso gertutik jarraitu dute eta haren nondik norakoak azaldu dizkiote Hala Bedi irratiari.
Haien esanetan, Alfredo de Miguel eta bere laguntzaileen artean sorturiko trama guztietan "EAJ zen batzen zituen pegamentua".
Legebiltzarreko EAJk Adi! elkartearen Twitter kontua blokatu du
Gai arantzatsua izaten ari da Arabako EAJrentzat De Miguelen inguruan sorturiko auzia. Adi! elkarteak salatu du Eusko Legebiltzarreko EAJren Twitter kontu ofizialak sare sozial horretan blokatu egin duela, antza, De Miguel auzian inplikaturik egon daitezkeen hainbat lagunen izenak zekartzan txio bat bidaltzeagatik:
Honegatik blokeatu gaitu @eajpnvparlament-ek. Txioan aipatu dugun pertsona bera izango da kontuaren kudeatzailea?https://t.co/ks0eDsgfrJ
— Adi! #ustelkeriaSTOP (@adielkartea) 2017(e)ko urtarrilak 4
Nor da @eajpnvparlament kontuaren kudeatzailea? Guri ere gaur bertan blokeatu gaituzte. Gezur edo irainen bat bota ote dugu? #ustelkeriaSTOP https://t.co/5hsEYF0bN1
— Adi! #ustelkeriaSTOP (@adielkartea) 2017(e)ko urtarrilak 4
.jpg)
Otxandiano asteazkenean sartu da, eta De Miguel ostegun goizean. 72 orduko epea eman zien Arabako Probintzia Auzitegiko 2. sekzioak beraien kabuz espetxean sartzeko. Hego Euskal Herrian epaitutako ustelkeria politiko sare handienean parte hartzeagatik zigortu zituzten.
Ustelkeria auziagatik kondenatuta dagoen Alfredo de Miguelek kartzela saihesteko alegazioak aurkeztu ditu, baina Arabako Probintzia Auzitegiak ez dizkio onartu, tramaren burua bera zela eta espetxean ez sartzeko aparteko arrazoirik ez dagoela argudiatuta, besteak beste. Erregu... [+]
Arabako Lurralde Auzitegiak zigorra eten die bost lagunei, bi urte baino gutxiagoko kondenak dituztelako eta ez dutelako aurrekaririk. Ainhoa Bilbao eta Iratxe Gaztelu-Urrutiaren kasuan fiskaltzaren iritziaren kontra hartu du erabakia auzitegiak.
Alfredo de Miguel, Koldo Otxandiano, Iñaki Telleria eta Xabier Sanchez EAJko buruzagi ohiei kartzela zigorra ezarri die Arabako Probintziako Auzitegiak. Era berean, 146.230,80 euro itzuli beharko dizkie Autonomia Erkidegoei.
Arabako Probintzia Auzitegiak Espainiako Auzitegi Gorenaren epai ofiziala jaso du. De Miguel eta Koldo Otxandiano burukide ohiak lanpostu publikoetan lanean jarraitu dute orain arte, eta Arantxa Tapiak adierazi du kaleratu egingo dituela.