EAJk PSErekin adostasuna nahi du Eusko Legebiltzarrean ere

  • EAJko eta PSEko ordezkariek bilera egin dute astearte eguerdian Sabin Etxean. Maiatzaren 24ko hauteskundeen ondorengo egoera aztertu dute.


2015eko ekainaren 02an - 05:34
Idoia Mendia eta Andoni Ortuzar artxiboko argazki batean.

Joseba Egibar Gipuzkoa Buru Batzarreko presidenteak bileraren ostean egindako adierazpenak jaso ditu Deiak. Buruzagi jeltzalearen ustez, udaletan eta diputazioetan prest daude sozialistekin gobernuak osatzeko eta "egonkortasun formula" hori Eusko Legebiltzarrerako ere egokia iruditzen zaio.

Bi alderdien goi mailako ordezkaritzek osatu dute astearteko bilera. Sozialisten aldetik Idoia Mendia idazkari nagusiak, Miguel Angel Morales antolakuntza idazkariak, Begoña Gil politika instituzionaleko idazkariak eta Araba, Bizkaia eta Gipuzkoako idazkari nagusiek (Cristina Gonzalez, Mikel Torres eta Iñaki Arriola, hurrenez hurren) parte hartu dute.

EAJren taldean Andoni Ortuzar presidentea izan da buru eta berarekin batera EBBko Joseba Aurrekoetxea eta Koldo Mediavilla izan dira, baita Araba, Bizkaia eta Gipuzkoako alderdiko presidenteak ere (Xabier Agirre, Itxaso Atutxa eta Joseba Egibar).

Pakturako aukerak

Bi alderdien emaitzek elkarrekin paktuak egiteko aukerak erraztu dituzte. Halaxe baieztatu zuen astelehenean bertan Markel Olano Gipuzkoako ahaldun nagusi izateko jeltzaleen hautagaiak. Era berean, zaila iruditzen zaio ezker abertzalearekin akordioetara iristea.

Horretaz gain, Olanok aurreratu du prest daukala Gipuzkoako gobernu berria osatzeko taldearen “nukleo gogorra”. Kudeaketarako “oso hurbileko” jendea hautatu duela esplikatu du Olanok Radio Euskadiri eskainitako adierazpenetan.


Kanal honetatik interesatuko zaizu: Udal eta foru hauteskundeak 2015
Uxue Barkos
"Nafar gizartean aldaketa sakona gertatu da"

Nafarroako Parlamentuko zarata politikotik at, Uxue Barkos lehendakariak gizartea lasai dakusa. “Kalera ateratzen bazara, jendea lasai ikusten duzu, lasaitasunez hartzen dute azken lau urteotan  gizartean gertatu den aldaketa sakona”, adierazi du Barkosek,... [+]


2018-12-14 | Mikel Asurmendi
Aldaketaren aldeko politika gauzatzen jarrai liteke Nafarroa Garaian

Nafarroako Foru hauteskundeak maiatzean izanen dira. EiTB Focusek egindako inkesta baikorra da oro har, gaur egun, Nafarroako Gobernuan ari den koalizioarentzat. Iruñeko Udalean ordea, egungo gobernuaren jarraipena kolokan liteke.


Ahal Duguko zuzendaritzaren kontrako bide legalak hartuko dituela iragarri du Laura Perez parlamentariak

Nafarroako Ahal Duguko bozeramaile ohiak bere kontra abiatutako prozesua salatu, eta aldaketa arriskuan ez dagoela azpimarratu du.


2017-10-12 | Andoni Mikelarena
'Euskara Ofiziala Nafarroa Osoan' kanpaina abiatu du Kontseiluak

Eremu mistoko hainbat herritan egingo dute kanpaina. Herritarrak instituzioei zonifikazioarekin amaitzeko eskabidea egitera bultzatu nahi dituzte.


2017-09-06 | Guaixe .eus
Nafarroako Parlamentuak Altsasuko auziko fiskaltzaren eskaerarekin "erabateko desadostasuna" azaldu du

Nafarroako Parlamentuko Bozeramaileen Batzordeak ferietako liskarragatik auzipetutako gazteen kontra fiskaltzak egindako zigor eskaeren aurka egin du.


Eguneraketa berriak daude