EAJ eta Podemos garaileak, PP eta EH Bildu galtzaileak


2015eko maiatzaren 25an - 10:02

EAJ izan da Euskal Autonomia Erkidegoko irabazle nagusia. Araba, Bizkaia eta Gipuzkoako Batzar Nagusietan lehenengo alderdia izango da. 2011ko hauteskunde emaitzekin alderatuta, jeltzaleek ia 30.000 boto irabazi dituzte eta EH Bilduk ia 70.000 boto galdu ditu (Bildu eta Aralarren emaitzekin alderatuz). Alderdi abertzaleen arteko lehian 1999ko agertokira egin dugu buelta. Urte hartan 2015ean izan dugun antzeko partaidetza izan zen eta EAJ-EA koalizioak atera zituen emaitzek oraingoen antza handia zuten. Ildo berean, EH Bilduk 242.144 boto eskuratu ditu 2015ean, 1999an Euskal Herritarrok alderdiak lortu zituenak baino 14.000 boto gehiago. Hobekuntza Arabak esplikatzen du, bestela ez dago inolako alderik.

Fronte zabala izateko jaio zen EH Bildu dagoeneko bere koalizio itxura galtzen hasia dago, gutxienez hautesleriarentzat. EAren hauteskunde soziologia ordezkatu zezaketen boto-emaileek EAJren aldeko hautua egin dute eta Alternatibatik gertu dagoen soziologiak Podemos babestu du nagusiki. Hain zuzen ere, Ahal Dugu izan da hirugarren indarra EAEn, emaitza oso on eta orekatuekin hiru lurralde historikoetan. Halere, sozialistei ez diete pentsa zitekeen bezainbesteko kaltea egin. Araban PSEk izan duen emaitza kaskarra Podemosen arrakastak azaltzen du, baina Bizkaian eta Gipuzkoan nahiko ondo eutsi dio Podemos efektuari. Azken honek Gipuzkoan EH Bildu kaltetu du nagusiki. Baina boto kopuruan galtzaile handiena EH Bildu izan bada, erlatiboki eta kualitatiboki galtzaile nagusia PP izan da. Popularrek Araban irabazi dute bototan, Gasteizen Marotoren eskuin muturreko diskurtsoak izan duen arrakastari esker, bestela, Bizkaian eta bereziki Gipuzkoan bazterreko alderdi txikia dira.


Kanal honetatik interesatuko zaizu: Udal eta foru hauteskundeak 2015
Uxue Barkos
"Nafar gizartean aldaketa sakona gertatu da"

Nafarroako Parlamentuko zarata politikotik at, Uxue Barkos lehendakariak gizartea lasai dakusa. “Kalera ateratzen bazara, jendea lasai ikusten duzu, lasaitasunez hartzen dute azken lau urteotan  gizartean gertatu den aldaketa sakona”, adierazi du Barkosek,... [+]


2018-12-14 | Mikel Asurmendi
Aldaketaren aldeko politika gauzatzen jarrai liteke Nafarroa Garaian

Nafarroako Foru hauteskundeak maiatzean izanen dira. EiTB Focusek egindako inkesta baikorra da oro har, gaur egun, Nafarroako Gobernuan ari den koalizioarentzat. Iruñeko Udalean ordea, egungo gobernuaren jarraipena kolokan liteke.


Ahal Duguko zuzendaritzaren kontrako bide legalak hartuko dituela iragarri du Laura Perez parlamentariak

Nafarroako Ahal Duguko bozeramaile ohiak bere kontra abiatutako prozesua salatu, eta aldaketa arriskuan ez dagoela azpimarratu du.


2017-10-12 | Andoni Mikelarena
'Euskara Ofiziala Nafarroa Osoan' kanpaina abiatu du Kontseiluak

Eremu mistoko hainbat herritan egingo dute kanpaina. Herritarrak instituzioei zonifikazioarekin amaitzeko eskabidea egitera bultzatu nahi dituzte.


2017-09-06 | Guaixe .eus
Nafarroako Parlamentuak Altsasuko auziko fiskaltzaren eskaerarekin "erabateko desadostasuna" azaldu du

Nafarroako Parlamentuko Bozeramaileen Batzordeak ferietako liskarragatik auzipetutako gazteen kontra fiskaltzak egindako zigor eskaeren aurka egin du.


Eguneraketa berriak daude