ARGIA.eus

2021eko maiatzaren 06a

EAEko unibertsitateek aurrez aurreko irakaskuntza indartzearen apustua egin dute datorren ikasturterako

  • EHUko, Deustuko Unibertsitateko eta Mondragon Unibertsitateko errektoreak Hezkuntza sailburuarekin eta Unibasq-ekin bildu dira apirilaren 12an. 2021-2022 ikasturtean aurrez aurreko ikaskuntza-eredua lehenetsi eta digitalizazio prozesuak indartzeko helburua erakutsi dute. 

Ixone Arana @ixonearana1
2021eko apirilaren 13a
Astelehenean Euskal Herriko hiru unibertsitateetako errektoreak, hezkuntza sailburua eta Unibasq-ek egindako bilera. Argazkia: Irekia

Jokin Bildarratz, EAEko Hezkuntza sailburua Euskal Unibertsitate Sistema osatzen duten unibertsitateetako errektoreekin elkartu da astelehenean: Eva Ferreira EHUko errektorearekin, Jose Maria Guibert Deustuko Unibertsitateko errektorearekin eta Vicente Atxa Mondragon Unibertsitatekoarekin. Bileran duela urtebete hartutako erabakien balantzea egin dute eta datozen hilabeteetarako lehentasunak zehaztu dituzte. 

Euskal Unibertsitate Sistemako unibertsitateek eta Unibasq-ek epe labur eta ertainean izango dituzten lehentasunak erabaki dituzte. Aurtengo ikasturtea aurrez aurreko prestakuntza egokituan bukatzea espero dute, urrutiko eta aurrez-aurreko metodologiak uztartuta. Datorren ikasturtera begira, aurrez aurreko prestakuntza-eredua lehenetsi eta digitalizazio prozesua sendotzea hartu dteu helburu. Bestalde, zailtasunak dituzten ikasleen gaia ere mahai gainean jarri dute, eta helburutzat jarri dute arreta berezia eskaintzea hauei, bizi dituzten zailtasunen jatorria anitza izanik ere: zailtasunak sozioekonomikoak, teknologikoak edo bestelakoak. 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Hezkuntza  |  EAE

Hezkuntza kanaletik interesatuko zaizu...

Azkenak EGILEA
Argia buletina
Egunaren laburpena
zure e-postan
Eguneraketa berriak daude