Eusko Jaurlaritzak abortuaren lege erreforma bertan behera uzteko eskatu du ofizialki
Astelehenean Madrilen egindako berdintasun sektore biltzarrean egin du eskakizuna beste lau autonomia-erkidegoekin batera: Asturias, Andaluzia, Kanariak eta Katalunia. Galdera eta eskaeren txanda erabili behar izan dute horretarako, Osasun eta Berdintasun Ministerioak, biltzarraren antolatzaileak, ez duelako onartu eskakizuna gai zerrendan sartzea.
aurre egingo dieten hedabide independenteak
Izaskun Landaida Emakundeko zuzendaria izan da bertan Eusko Jaurlaritzaren izenean. Abortuaren erreforma “atzerapauso onartezina” dela salatu du.
Landaidak gogoratu du egungo legediak ez duela emakumea abortatzera behartzen, hala erabakiz gero, osasun-baldintza egokietan egin ahal izatea baino ez duela bermatzen. Emakundeko zuzendariaren hitzetan, “legeek berdintasunezko arau esparru unibertsal bat bermatu behar dute, eta pertsona bakoitza izango da, bere sinesmenen arabera, erabaki bat edo beste hartuko duena”.
Lege erreformak ez dituela abortuak eragotziko nabarmendu du ere Landaidak. Bere ustez, Rajoyren gobernuak lortuko duen bakarra izango da baliabide ekonomikoak dituzten emakumeek abortatu ahal izatea, beste emakumeak babesgabe utziz.
Uda amaierarako
Espainiako Ministroen Kontseiluak lege proiektua uda amaitu baino lehen onartuko duela jakinarazi du Alberto Ruiz Gallardon Justizia ministroak. Testua prest dutela gehitu du.
Duela aste batzuk, gurean egon ziren El Salvadorko eta Kanarietako emakumeen eskubideen aldeko hainbat aktibista. Sexu- eta ugalketa-eskubideez eta eskubide horiek urratzeak emakumeengan dituen ondorioez aritu gara; hala nola El Salvadorren berezko abortuak izanda homizidio... [+]
Ehunka emakume irten dira manifestatzera ostegunean, Brasilgo Sao Paulo eta Rio de Janeiroko kaleetara. Partidu Liberalak legea proposatu du, abortua 22. astetik aurrera homizidio arrunta bezala epaitua izateko. Lege horren arabera bortxatua izan den emakume batek, denbora epe... [+]
Abortuaren eskubidea Frantziako konstituzioan sartu da aste honetan. Baina abortatzeko eskubidea ez da gaur goizeko afera. Jadanik 1970. hamarkadaren hasieran mugimendu azkarrak izan ziren eskubide horren erdiesteko Ipar Euskal Herrian.
Senatuaren babesa jaso zuen joan den ostegunean, eta Kongresuak berretsi du astelehenean konstituzioaren aldaketa agintzen duen neurria. Frantzia da konstituzioan abortu eskubidea "bermatzen" duen munduko estatu bakarra.
267 senatarik alde bozkatu dute eta 50ek kontra. Frantziako Legebiltzarrak eta Senatuak alde bozkaturik, bi ganberak biltzen dituen Kongresuaren bozketa eskas da: martxoaren 4an eginen da, eta printzipioz aldeko botoa gailendu beharko litzateke.
Abokatu Kristauek "iraingarritzat" jo dituzte Donostian agertutako kartelak. Haien ustez, hiru delitu egin dituzte egileek: gorroto-delitua, erlijioen-sentimenduen aurkakoa eta egoera zibilaren usurpazioa. Ekintza anonimoa izan da, Askabide klinikaren ondoan jarritako... [+]
Espainiako Gotzainen Batzarraren izena daramaten kartelak agertu dira Askabide klinikaren ondoan: "Orain abortatzen baduzu, zer joko dugu larrutan hemendik 5 edo 6 urtetara?".
Askabide klinikako langileen ordezkaritza batek agerraldia egin du Gasteizko Parlamentuan, klinika horretako langileek eta bertara haurdunaldia eteteko joaten diren emakumeek bizi duten egoera azaltzeko: izan ere, abortuaren aurkako 40 días por la vida mugimenduak mehatxu... [+]
PPk aurkezturiko helegitea ez du onartu auzitegiak: zazpi magistratuk babestu dute 2010eko Abortuaren Legea eta lauk eman dute kontrako botoa.
Espainiako Estatuan Abortuaren aurkako lobbyak Abortuaren Legea erausteko beste saiakera bat egiten ari dira Gaztela eta Leonen. Hango gobernukide den Vox-ek iragarri du abortatu nahi duten emakumeei fetuaren taupadak entzunarazi edota ekografiak ikusaraziko dien protokoloa... [+]
Espainiako Ogasun Ministerioak urteroko txostenean jaso ditu datuok.
Hilabete hasieran Donostiako epaile batek hartutako bide beretik, Gasteizko epaile batek ere kautelazko neurriak hartu ditu abortuaren kontrako protesten aurka. Askabidek bi hiriburuetan dituen kliniken ateetan ezingo dira bildu abortuaren aurkakoak, gutxienez 100 metroko... [+]