Donostiarrak ez direla inoren figurante aldarrikatu dute Woody Allenen etorrera dela eta
Woody Allenen film grabaketaren eta turistifikazioaren aurka protesta zaratatsua egin dute dozenaka pertsonek Kontxa hondartzaren inguruan.
Astelehenerako zuten deitua kontzentrazioa, baina asteartean arratsaldeko 18:00tan egin dute azkenean protesta, Woody Allen eta bere taldeak jada grabaketa-lanak amaituta. Ernai Donostia, Groseko Asanblada Feminista, Donostiako Bilgune Feminista, Medeak, Hotel + EZ eta Garaipen eragileak gehitu dira protestara.
Protesta zaratatsua egin dute eta hainbat aldarri eraman dute, euskaraz, gazteleraz eta ingelesez: Derecho a la ciudad, bertan bizi gara eta overtourism kills the city, adibidez. Turismoak hirian duen eragina eta autodefentsa feminista izan dira protestaren muina; izan ere, Woody Allen zuzendariaren kontra salaketa jarri zuen bere alabatzakoak, sexu abusuak direla eta.
Antolatzaileek uztailaren 19an publikatu zuten irakurketaren arabera, film horren grabazioa hiria nazioartean saltzeko dago egina: “Hiriaren nazioarteko promozioa sustatzeko egitasmo honek epe labur eta ertainera bertako bizilagunen bizi-baldintzetan kalteak sortzeko moduko turismoaren hazkundea eragingo du”. Horrez gain, honen atzean etekin ekonomiko handiak ateratzen dituzten pertsonak daudela gehitu dute.
Protesters rally against #WoodyAllen film shooting in #SanSebastian pic.twitter.com/KWUqm3j88E
— Ruptly (@Ruptly) July 23, 2019
Atacamako Desertua Fundazioak eremu horretako geoglifoak suntsitzen ari direla salatu du sare sozialetan; hainbat argazkiren bidez, basamortura 4x4 ibilgailuetan doazen bisitariak eragiten ari diren triskantza erakutsi dute. 1000 eta 1520 urteen artean egindako geoglifo handiak... [+]
EH Bildu, PSN, Geroa Bai eta Zurekin taldeek lege egitasmoa adostu dute, Iruñeko Alde Zaharrean etxe turistikoei lizentzia gehiago ez emateko. Akordioak “izaera prebentiboa” duen “hirigintza-aldaketa” du ardatz, hiru helbururen bueltan oinarrituta:... [+]
Etxebizitzen %20 baino gehiago jadanik bigarren etxebizitzak dira Ipar Euskal Herrian. Larrialdi klimatikoaz sentsibilizatzeko lau hilabetez, Nantesetik abiatu Alternatiba txirrindula itzulia, kostaldean zen aste buruan.
Zirrara eta pasioaren eroale da Arantxa Orbegozo Txitxi (Tolosa, 1962). Bizitza darama eskuetan eta hura eskaintzen dio zuzentzen zaion edonori. Atleta izan da, txirrindularia, eta bere buruari proposatu dizkion beste hainbat diziplinatan aritua. Hala eta guztiz ere, benetan... [+]
Kataluniako erkidegoko azken hauteskundeetatik eta Europako Parlamenturako bozen emaitzetatik abiatuta, presio turistiko handiena bizi duten Herrialde Katalanetako herrietan eskuin muturraren botoak nola egin duen gora aztertuko dugu artikulu honetan.
Udatiar gutxiago zenbatu dira uztailean Iparraldean. Departamenduko Turismo Agentziak egunean 200.000 bisitari zenbatu ditu, usaian 240.000 direlarik. Turista guttiago bai, baina aberatsagoak ere bai.
Ordenagailua itxi, txankletak jantzi, eguzki-kremaz laztandu. Nora zoaz oporretan? Oporrak egitea nonbaitera joatea dela normalizatu dugu, deskantsuak distantzia behar duelako, diogu. Eta bidaia egitean, turista bilakatuko gara, izendapen aldaketak deserosotasun bat sortzen... [+]
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.