Donostiako komiki azokako langileak, soldatarik kobratu gabe
Lehenbizikoz egin zen iaz Comik-D Donostiako komiki eta manga azoka. Antolaketa-lanetan aritu ziren 30 lagunek salatu dute agindu zieten kontratua ukatu zietela, eta ondorioz ez dutela soldatarik kobratu. Azokaren araberako soldata agindu zieten antolatzaileek.
Joseba Larratxe 'Josevisky' komikigilearen txioak jarri gaitu arrastoan, Gara egunkariaren artikulua atxikirik duenak.
Tamalez, komikigintzan (artearen beste esparru gehienetan bezala) sortzaile bakoitzeko zaletuen gogo eta borondateaz baliatzen den alproja ejerzito bat dago. Bi aldiz pentsatu non uzten dituzuen sosak. #nieznoa pic.twitter.com/sa75ZOaWMr
— Joseba Larratxe (@josevisky) 2018(e)ko martxoak 12
Artikuluan aipatzen da 2017ko komiki azokako langileen soldaten afera epaitegietara iritsi dela eta, lehen edizioan bezala, aurten lanean arituko diren 40 lagunei "gauza bera" egingo dietela, iaz kobratu gabe geratu zen Daniel Mierak azaldu duenez: "Jorge Balenciak [iaz lanean aritu zen beste lagun bat] esan zion Oscar Goñiri [azokaren zuzendariari] aurten ere joango zela, baina aurretik kontratua nahi zuela mahai gainean. Azkenean, antolakuntza taldetik bota du eta beste pertsona batzuk sartu ditu. Guri egindakoaren berdina egiten ari zaie".
Aurten, martxoaren 16tik 18ra bitartean egingo da Comik-D azoka.
Lehen edizioan, euskararen presentzia urriagatik kexu
2017an, azoka inauguratu bezperan, Igor Leturiak artikulua plazaratu zuen blogean: Comik-D, Donostiako komiki-azoka berria, hasi aurretik gaizki: "Aste bukaera honetan izango da Kursaalen webgunea, Facebook orria eta Twitter kontua gaztelania hutsean dituen eta Diario Vascok antolatzen duen jaialdiak".
[Webguneko informazioa euskaraz ere badago gaur egun, baina Twitter kontua gaztelania hutsean dago, baita Facebook ere].
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Marka historikoak hautsi dituzte bi enpresek 2023an: Mercadonak lehen aldiz lortu du 1.000 milioi euroko irabaziak gainditzea.
Sindikatu deitzaileen arabera, ikasturte honetan Araba, Bizkaia eta Gipuzkoako sektore publikoan antolaturiko greben artean jendetsuena izan da asteartekoa, eta batez ere garraio publikoan, hezkuntzan eta udal esparruan izan du eragin handiena. Manifestazioetan 30.000 lagunek... [+]
Astelehen arratsean gertatu da ezbeharra, Arrasaten, hiru metroko sakonerara erorita.