Donostiako etxebizitza turistikoen ordenantza baliogabetu du Auzitegi Nagusiak

  • EAEko Justizia Auzitegi Nagusiak bertan behera utzi du Donostian etxebizitza turistikoak arautzeko ordenantza oinarritzen zen artikulua. Eneko Goia alkateak azaldu duenez, helegitea jarriko dute eta oraingoz indarrean jarraituko du.

Pisu turistikoen ordenantza onartzeko plenoan herritarren protesta Donostiako Udaletxean 2018an (arg. EH Bildu Donostia)

2020ko urtarrilaren 16an - 17:15

Etxebizitzen inguruko enpresari elkarte batek hiri Antolaketarako Plan Orokorrari jarritako helegitea aintzat hartu du Auzitegi Nagusiak eta Donostiako etxe turistikoak arautzeko 2018tik martxan dagoen ordenantza oinarririk eta baliogabe geratu da ondorioz.

Sententzia ez da irmoa eta Eneko Goia alkateak adierazi du helegitea jarriko dutela Espainiako Auzitegi Gorenean: Bitartean, ordenantzak indarrean jarraituko du beraz.

Ordenantza oso kritikatua izan da hainbat herritar, eragile eta oposizio alderdien partetik. Hiriko Alde Zaharra eremu "saturatu" gisa izendatzen duen arrean, beste auzo ugari babesgabe uzten ditu turismoaren masifikazioaren aurrean, haien ustez.

Auzitegi Nagusiaren epaia jakin orduko, Donostiako EH Bilduk adierazi du arrisku horretaz "ohartarazi" zuela, ordenantza baten bidez ezin direlako hiri erabilerak arautu, Rikardo Burutaran koalizio abertzaleko ordezkariaren arabera.


Kanal honetatik interesatuko zaizu: Turismo masiboa
25 lagunetara murriztuko dute turista taldeetako gehieneko pertsona kopurua Donostian

Donostia Turismoak apirilaren 10etik aurrera jarriko du neurria indarrean, eta derrigorrez bete beharko da, bestela isunekin zigortuko dutelako gidari turistikoa.


Lau donostiarretatik hiruk uste dute turismoak kalte “handia” egiten diela

Turismoari buruzko pertzepzioaz galdetu die EHUk donostiarrei, eta ondorioztatu du herritarren erdiak baino gehiagok “frustrazioa” sentitzen duela. Donostiako Udalak eta Eusko Jaurlaritzak finantzatu dute ikerketa.


Pisu turistikoak debekatu ditzakete bizilagunek, Espainiako Auzitegi Gorenak ebatzi duenez

Donostiako eta Oviedoko bi eraikinetan izandako arazoak direla eta, epaileek auzokoen erkidegoen esku utzi du pisu turistikoak debekatzea. Hala ere, beharrezkoa izango da debekua eraikineko etxebizitzen-estatutuan jasota egotea.


Tasa turistikoa aplikatzeko lehen urratsak ematen ari da Jaurlaritza

Estatu mailan tasa turistikoa erkidego gutxik jarri badute ere indarrean, mundu mailan dagoeneko 137 hiri turistikotan kobratzen dute zerga hori.


Turistifikazioaren aurkako manifestazio jendetsua egin dute Donostian

Hiritarrek salatu dute turismo jarduerak hirian “gehiegizko bolumena eta pisua” hartu duela. Halaber, egoera “desazkunde turistikorantz” bideratzea aldarrikatu dute, “kalteak handitzea eta iraunkortzea” ekiditeko.


Eguneraketa berriak daude