Djandra Said debarra bahitu du bere familiak, ezkontzera behartzeko
Hemeretzi urteko gaztea legez kanpo atxikita dauka honen familiak azarotik, Tindufeko (Argelia) saharar errefuxiatuentzako kanpamentuan.
Maiatzaren 25ean lortu zuen Saidek bere Euskal Herriko lagunekin harremanetan jarri eta laguntza eskatzea. Honen anaiak Espainiara alde egin zuela baliatuta, Saharako lagun baten telefonoa eta Facebook kontua erabili zituen bere adiskideekin harremanetan jartzeko. “Gaur arte ez naiz etxetik atera” zioen bidalitako mezuan, “giltzaperatuta eta inkomunikatuta” zeukatela eta bere anaiak jo egiten zuela salatu zuen. Mezuan, bigarren lagun bati bere familiaren kontra salaketa jartzeko eskatzen zion, bahitu egin dutelako.
Lagunak mezuan zioenari kasu egin, eta ekainaren 9an Saiden familia salatu du Ertzaintzaren Eibarko komisaldegian, legez kanpoko atxikitzeagatik eta derrigorrez ezkontzera behartzeko ahaleginengatik. El Diario egunkariak baieztatu duenez, emakumea bere familiak bahituta daukala jasotzen du salaketak, ezkontzera behartzeko asmoaz. Salaketa jarri eta hilabetera, uztailaren 7an, Saiden lagunek prentsaurreko bat eta manifestazio deitu zituzten bahiketa salatzeko.
Kasua publiko egin ostean, Said ostera jarri zen lagunekin kontaktuan, jarritako salaketa kentzeko eskatuz honako honetan. Bere nebak egin zizkion heriotza mehatxuengatik beldurtuta zegoela jasotzen du salaketa zabaltzeak.
Djandra Said bere amarekin joan zen oporretara Saharara, familia bisitatzera. Hilabetekoa behar zuen bidaiak, baina, bahiketan amaitu du. Pasaportea eta mugikorra erretiratuta, familiak buelta egitea eragotzi dio.
Euskadiko Sahararren Ordezkaritzak ziurtatu duenez, kanpamentuetako autoritateei kasuaren berri eman diete, gaztea zein egoeratan dagoen azter dezaten. Bere arrebaren dokumentazioa itzuli dezan, Saiden neba konbentzitzeko saiakera egin dutela adierazi dute, baita bahituarekin eta honen familiarekin hitz egin behar dutela adierazi ere. Saidek bueltatzeko gogoa badauka, “ahalik eta denbora motzenean” hala egiten utzi diezaioten konbentzitu nahi dute familia, azaldu dutenez.
BBCko 100 langile baino gehiagok gutun bat argitaratu dute hedabideak Israelen alde duen jarrera salatzeko. Modu anonimoan egin dute, bestela "ondorio larriei" egin beharko lieketelako. Erresuma Batuko kultura eta komunikazio arloko beste 300 pertsonek ere sinatu... [+]
Europako Batzordeak beste urrats bat eman nahi du migrazioaren kontrako politikak gogortzeko bidean: deportaturiko migratzaileek ez lukete zertan harreman zuzenik izan behar hirugarren herrialde "seguruak" deiturikoekin, hara kanporatuak izateko.
Apirilaren 17an, Brasilgo Eldorado do Carajás-en egin zuten lurrik gabeko 21 langileen sarraskiaren 29. urteurrena izan da. Ordutik, La Vía Campesinak data oroitzen du Nekazarien Borrokaren Nazioarteko Egun gisa, lurrerako eskubidea defendatzeagatik koldarkeriaz erail... [+]
Urtarrila amaieran ezarri zieten 5.000 euroko isuna ordaintzen laguntzeko txartelak jarri dituzte Herria, Marruma eta Platero tabernetan.
"Polizia hila, baratzerako ongarririk onena" idatzi zuen atxilotuak sare sozialetan, eta lau milioi jarraitzaile baino gehiago ditu bere profilak, Guardia Zibilak azaldu duenez.
Asteazkenean izan behar zuen epaiketa dataz aldatu dute Lizarrako alkateak azken momentuan jarritako helegite baten ondorioz. Orain taldeari "gorrotoa sustatzea" ere egozten zaio eta lau urterainoko kartzela-zigor arriskua dute kideek.
Asteazken goizean fiskala eta defentsa elkartu dira eta akordio bat erdietsi dute. Joseba eta Eñaut Alvarez aita-semeak 2023ko San Sebastian bezperan Donostiako Plaza Berrian Etxera zioen oihal handi bat teilatutik alderik alde jartzen saiatu ziren. Bertan poliziekin... [+]
Joseba Alvarez eta Eñaut Alvarez aita-semeei bi urte eta erdiko, eta urte eta erdiko kartzela zigorrak eskatzen dizkiete 2023ko San Sebastian bezperan, Plaza Berrian, Etxera jartzen zuen pankarta bat zintzilikatzen saiatzeagatik. Bi urte geroago, urtarrilaren 29an... [+]
Larunbat honetan egingo da Bilbon euskal preso politikoen aldeko urteroko manifestazioa. Gero eta preso gutxiago dago, baina 2011n ETAk bere jarduera armatua eten zuenean inork gutxik irudikatuko zuen handik hamabost urtera oraindik gatazka haren ondorioz espetxeratutako... [+]
Nazio Batuek abenduaren 10ean Giza Eskubideen Nazioarteko Eguna aldarrikatu zutenetik 51. urteurrena bete da aurten. Data horrek garrantzia hartu du Euskal Herrian eta Euskal Herriko Giza Eskubideen Behatokitik gogoetarako zenbait elementu eskaini nahi ditugu.
Nazioarteko... [+]
Gure eskubideak, gure etorkizuna, orain! lelopean, Giza Eskubideen Nazioarteko Egunak 76 urteetako ondarea ospatzen du. Egunak mundu baketsuagoa, berdinzaleagoa eta jasangarriagoa eraikitzearen alde egitea du xede. Hala ere, aurrerapenak ospatzen diren bitartean, babesturik... [+]
Londres, 1928. Victoria and Albert Museum-era koadro berezi bat iritsi zen dohaintzan: margolanean gizon beltz bat ageri da, ileordea eta lebita jantzita, liburuz eta tresna zientifikoz inguratua. Museoan horrela katalogatu zuten: “Erretratu satiriko bitxia, beltzen... [+]
Sare sozialetan ustezko mezu xenofoboak, gorrotozkoak eta indarkeria bultzatzen dituztenak zabaltzea egotzi diote. Osasunari ere 20.000 euroko isuna ezarri dio Indarkeriaren Aurkako Batzordeak Sadarren jokatutako Bartzelonaren aurkako Ligako partidan ikusleen egonaldia... [+]
Larreundiko Auzo Elkartea mural bat margotzen hasi zenean "gelditzeko agindua" jaso zuen. Izan ere, udalbatzan onartuta dago Palestina eta Israelen arteko auzian hirian ez dutela posizionamendurik onartuko eta "bakea" irudikatuko dela soilik.