Espainiako Auzitegi Nazionalean deklaratu behar izan dute Nazioarteko Egiaztatze Batzordeko kideek. Adierazi dutenez, ez dago munduan beste kasurik ETA bezalako talde armatu batek desarme prozesua abiatzeko erabakia hartu eta erakunde publikoen babesa jaso ez duenik.
Iñigo Urkullu EAEko lehendakaria eta Jonan Fernandez Jaurlaritzako Bake eta Bizikidetza idazkari nagusia Madrilera joan ziren espresuki egiaztatzaileoi babesa adieraztera.
"50 urtetan lehendabizikoz armak erabili ezinik uzteko konpromisoa hartu du ETAk", diote egiaztatzaileek. "Ez da denborarik galdu behar emandako lehen urratsari eta arma kopuruari buruz eztabaidatzen, sakoneko helburua ahaztu egiten delako".
Euren hitzetan prozesuan laguntzea "oso zail" egiten ari zaie, "ia ezinezkoa", jasaten ari diren jazarpenagatik. Diotenez gobernuei, buruzagi politikoei eta herritarrei dagokie erabakitzea prozesuak aurrera jarraitzen duela ziurtatzeko modua zehaztu behar ote den.
Ismael Moreno epailearen aurrean deklaratu dute batzordeko kide Manikkalingam, Kasrils eta Maccabek, Covite ETAren biktimen elkartearen eskaerari erantzunez.
"ETAk bere konpromisoa azaldu du. Prozesuak aurrera egin dezan laguntzeko gaude hemen, ez soilik Euskal Herriko biztanleen intereserako, baita Espainiako gainerako herritarren intereserako ere", adierazi du Manikkalingamek. "Esperientziadun profesionalak gara eta uste dugu benetako aukera dagoela bakea lortzeko. Beti egin dugu lan gehiengoaren babesarekin".
Espetxe zigor arinak eskatu ditu Frantziako fiskaltzak Parisen epaitzen ari diren Jean Noel Txetx Etcheverry eta Beatrice Mollerentzat, ETAren helburuen arabera jardutea egotzita. Hala, zigor horiekin bakegileek ez lukete espetxera joan beharko. Maiatzaren 16an emango dute... [+]
ETAren armagabetzea bideratzeko, bakegileekin lankidetzan aritu ziren Frantziako autoritateak. Hala adierazi du Matthias Fekl Barne ministro ohiak asteartean, Parisko Zigor Auzitegiko 16. ganberan, Beatrice Molle-Haran eta Jean-Noël Txetx Etcheverry-ren aurka egiten ari... [+]
ETAren armak eta lehergaiak garraiatzea leporatzen diete Beatrice Molle-Haran eta Jean-Noël Etcheverry 'Txetx’ bakegileei, 2016ko Luhusoko operazioaren harira. ETAren armagabetzea gauzatzen ari ziren. Egindakoaz harro dagoela eta berriz ere egingo lukeela adierazi... [+]
Txetx Etxeberrik eta Beatrice Mollek ETAren armagabetzearen auzian egindako lana epaituko dute Parisen, apirilaren 2an eta 3an. Mobilizazioak deitu dituzte Euskal Herriko zapi hiriburuetan apirilaren 3rako.
Apirilaren 2an eta 3an iraganen da Beatrice Molle-Haran eta Txetx Jean-Noël Etcheverryren aurkako auzia Parisen, 2016ko abenduaren 16an Luhuson buruturiko ETAren armagabetze zibilaren harira. Errugabetzea eskatzeko kanpainaren baitan izenpedura bilketa abiatu dute. Lehen... [+]