ARGIA.eus

2020ko uztailaren 11

De Miguel auziko zenbait inputatu lanpostu publikoetan aritu dira edo ari dira lanean

  • Alfredo De Miguel, inputatu nagusia, edota Koldo Ochandiano Arabako EAJko kontulari ohia lanpostu publikoetan aritu izan dira lanean auzia martxan zegoen bitartean.

Igor Galarza Intxausti @IgorGalarza
2019ko abenduaren 11
Alfredo De Miguel. Irudia: Eldiariodelnorte.es

Eldiario.es hedabideak ikerketa sakon bat argitaratu du, eta bertan "De Miguel" auzian zerikusia izan duten izen nagusien bizimodua azaldu. Hedabideek auzia izendatzeko erabili duten izena dago ikerketa horren muinean. Alfredo De Miguel, Arabako EAJ alderdiko buruetako bat, Hazi sozietate publikoan aritu zen lanean epaitegietara zihoan bitartean. Caja Vital enpresako zuzendari zenak eszedentzia hartu zuen Hazi, eta behin lanpostua berreskuratu nahi zuela jakinarazi zionean Eusko Jaurlaritzaren ekonomia garapena eta azpiegiturak jorratzen dituen enpresari, lanpostura itzuli zen.

Beste izen ugari

Ikerketan beste hainbat izen agertzen dira. Horietako bat Arabako EAJ-ren buru ohi Koldo Ochandiano da. Kataia Consulting eta kasuarekin zerikusia duten gainerako enpresen sorreretan zerikusia izan zuen Ochandianok. 2019an Miñanon sartu zen lanean, Arabako Teknologia Parkean. Bertan ere kontularitza lanak eramaten hasi zen.

De Miguel eta Ochandianoz gain, inputatu ugari daude agerian. Juan Jose Ibarretxek gidatutako Jaurlaritzako Gazteria zuzendaria izan zen Xabier Sanchez. Bere senideek alderdi jeltzalearen barruan karguak dituzte. Arruti familia, De Miguelen begikoa zen Sergio Fernandez, Aitor Telleria... dira izen-zerrenda osatzen dutenak.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: De Miguel auzia  |  EAJ  |  Eusko Jaurlaritza  |  Araba

De Miguel auzia kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude