De Miguel auziko epaia, abenduaren 17an argitara

  • Epaimahaiak abenduaren 17an deitu ditu ustezko ustelkeria kasuko aldeak. Epaia saio irekian emango da jakitera.


2019ko azaroaren 12an - 13:45
De Miguel auziko auzipetuak

De Miguel auziko epaia abenduaren 17an egingo da publiko. Hala adierazi du asteartean kasua daraman epaimahaiko epaimahaiburu Jaime Tapiak, probidentzia baten bidez. Alde biak deitu ditu egun horretan Tapiak, 10:00etan Arabako Probintzia Auzitegian.

Epaia irakurtzeko saioa irekia izango da. Akusatu eta abokatuek ez dute derrigorrezkoa saiora joatea.

2018ko urtarrilaren 8an abiatu zen EAJko hainbat kide ohiren aurkako epaiketa, eta urte bereko abenduaren 19an epaiaren zain geratu zen. Epaimahaia ordutik ari da ebazpena prestatzen.

De Miguel auzia ezagutu den ustezko ustelkeria kasurik handiena da Euskal Autonomia Erkidegoan. 26 akusatu eta ehun lekuko baino gehiago daude. Akusatuen artean Alfredo De Miguel Arabako Tokiko Administrazioetako eta Finantzetako Lurralde Kontseiluko EAJko diputatu ohia, zeina 29 urteko kartzela zigor bati egiten ari den aurre. Berari eta beste 25 akusatuei, besteak beste, delitu hauek egozten dizkiete: eroskeria, dirua zuritzea, prebarikazioa eta dokumentuen faltsifikazioa.


Kanal honetatik interesatuko zaizu: De Miguel auzia
2023-07-06 | Ilargi Manzanares
De Miguel eta Otxandiano burukide ohiak Arabako espetxean sartu dira

Otxandiano asteazkenean sartu da, eta De Miguel ostegun goizean. 72 orduko epea eman zien Arabako Probintzia Auzitegiko 2. sekzioak beraien kabuz espetxean sartzeko. Hego Euskal Herrian epaitutako ustelkeria politiko sare handienean parte hartzeagatik zigortu zituzten.


2023-05-30 | ARGIA
De Miguelen espetxeratzea berretsi du epaileak, ez baititu haren alegazioak onartu

Ustelkeria auziagatik kondenatuta dagoen Alfredo de Miguelek kartzela saihesteko alegazioak aurkeztu ditu, baina Arabako Probintzia Auzitegiak ez dizkio onartu, tramaren burua bera zela eta espetxean ez sartzeko aparteko arrazoirik ez dagoela argudiatuta, besteak beste. Erregu... [+]


'De Miguel' auziko bost kondenatu ez dira kartzelan sartuko

Arabako Lurralde Auzitegiak zigorra eten die bost lagunei, bi urte baino gutxiagoko kondenak dituztelako eta ez dutelako aurrekaririk. Ainhoa Bilbao eta Iratxe Gaztelu-Urrutiaren kasuan fiskaltzaren iritziaren kontra hartu du erabakia auzitegiak.


Del Miguel Auziko kondenatuei kartzela zigorra ezarri die Arabako Auzitegiak

Alfredo de Miguel, Koldo Otxandiano, Iñaki Telleria eta Xabier Sanchez EAJko buruzagi ohiei kartzela zigorra ezarri die Arabako Probintziako Auzitegiak. Era berean, 146.230,80 euro itzuli beharko dizkie Autonomia Erkidegoei.


2023-03-16 | ARGIA
Hamar eguneko epea dute "De Miguel" auziko zigortuek espetxean sartzeko

Arabako Probintzia Auzitegiak Espainiako Auzitegi Gorenaren epai ofiziala jaso du. De Miguel eta Koldo Otxandiano burukide ohiak lanpostu publikoetan lanean jarraitu dute orain arte, eta Arantxa Tapiak adierazi du kaleratu egingo dituela.


Eguneraketa berriak daude