De Miguel auziarekin lotutako enpresa bati kontratu publiko bat eman zaiola salatu du EH Bilduk

  • De Miguel auzian “inplikatuta” dagoen STOA enpresari eman diote Miñaoko parke teknologikoko sektorizazio planaren erredakzioa egiteko kontratua EH Bilduk jakinarazi duenez. Koalizioak aurreratu du, EAEko Legebiltzarrean eta Gasteizko Udalean azalpenak eskatuko dituela.


2018ko abuztuaren 22an - 09:28
Arabako Parke Teknologikoarekin lotutako kontratu bat STOA enpresari eman izana salatu du EH Bilduk.

Europa Pressek jaso duenez, EH Bilduk salatu du Sergio Fernandez Oleagak kudeatzen duen STOA enpresari Miñaoko parke teknologikoarekin lotutako kontratu publiko bat eman diotela. Koalizio abertzaleak gogora ekarri duenez, STOA “inplikatuta” dago De Miguel ustelkeria auzian, Arabako Parke Teknologikoarekin lotutako kontratuen ustezko irregulartasunengatik.

Hori dela-eta, EH Bilduk eskatuko du Jaurlaritzako Industria sailburuordeak azalpenak eman ditzala EAEko Legebiltzarrean. Gainera, Arabako Batzar Nagusietan ere eskatuko du Aldundiko Garapen Ekonomiko eta Lurralde Orekarako foru diputatuaren agerraldia. Gasteizko Udalean berriz, Sustapen Ekonomikoko zinegotziaren agerraldia eskatuko du, kontratu publiko horri buruzko argibideak eman ditzan.

Agerraldi horiekin, EH Bilduren arabera, “EAJk esplikatu beharko du zein irizpide etiko eta juridikoren arabera jarraitzen duen Arabako Parke Teknologikoak kontratatzen enpresa bat eta pertsona bat, akusatuta daudenak hain zuzen kontratuen adjudikazio irregularrez”, Antxon Belakortu zinegotziak esan duenez.


Kanal honetatik interesatuko zaizu: De Miguel auzia
2023-07-06 | Ilargi Manzanares
De Miguel eta Otxandiano burukide ohiak Arabako espetxean sartu dira

Otxandiano asteazkenean sartu da, eta De Miguel ostegun goizean. 72 orduko epea eman zien Arabako Probintzia Auzitegiko 2. sekzioak beraien kabuz espetxean sartzeko. Hego Euskal Herrian epaitutako ustelkeria politiko sare handienean parte hartzeagatik zigortu zituzten.


2023-05-30 | ARGIA
De Miguelen espetxeratzea berretsi du epaileak, ez baititu haren alegazioak onartu

Ustelkeria auziagatik kondenatuta dagoen Alfredo de Miguelek kartzela saihesteko alegazioak aurkeztu ditu, baina Arabako Probintzia Auzitegiak ez dizkio onartu, tramaren burua bera zela eta espetxean ez sartzeko aparteko arrazoirik ez dagoela argudiatuta, besteak beste. Erregu... [+]


'De Miguel' auziko bost kondenatu ez dira kartzelan sartuko

Arabako Lurralde Auzitegiak zigorra eten die bost lagunei, bi urte baino gutxiagoko kondenak dituztelako eta ez dutelako aurrekaririk. Ainhoa Bilbao eta Iratxe Gaztelu-Urrutiaren kasuan fiskaltzaren iritziaren kontra hartu du erabakia auzitegiak.


Del Miguel Auziko kondenatuei kartzela zigorra ezarri die Arabako Auzitegiak

Alfredo de Miguel, Koldo Otxandiano, Iñaki Telleria eta Xabier Sanchez EAJko buruzagi ohiei kartzela zigorra ezarri die Arabako Probintziako Auzitegiak. Era berean, 146.230,80 euro itzuli beharko dizkie Autonomia Erkidegoei.


2023-03-16 | ARGIA
Hamar eguneko epea dute "De Miguel" auziko zigortuek espetxean sartzeko

Arabako Probintzia Auzitegiak Espainiako Auzitegi Gorenaren epai ofiziala jaso du. De Miguel eta Koldo Otxandiano burukide ohiak lanpostu publikoetan lanean jarraitu dute orain arte, eta Arantxa Tapiak adierazi du kaleratu egingo dituela.


Eguneraketa berriak daude