David Pla aske utzi du epaileak, baina Espainiako Estatutik irteteko debekua ezarri dio
Asteazken goizean zuen deklaratzeko hitzordua. Espainiako Auzitegi Nazionaleko epaile María Tardonek hartu du erabakia. Hendaian bizi da David Pla, eta ezin izango du bertara joan.
Tardón epaileak David Pla libre uztea erabaki du. Baina Espainiako Estatutik irteteko debekua ezarri dio ere, eta hortaz ezin izango du Hendaiara bueltatu. Bertan bizi da Pla, familiarekin. Astean behin epaitegian sinatzeko agindua ezarri diote ere. Orain arte Plak epaitegian ezarri zaizkion hitzordu eta betekizunekin bete duela argudiatuta hartu du behin-behinean preso ez sartzeko erabakia Tardónek. Fiskalak ez du espetxeratzea eskatu.
H-Alboka sumarioaren barnean deklaratzera zegoen deitua Pla. Auzi horretan inputatutako pertsonei ETA eta EPPK arteko lotura egitea egozten diete, presoen kolektiboa “kontrolatuz”. Zehazkiago, 2008an etakide batekin bildu izana leporatzen dio Espainiako Justiziak Plari. Frantziako Poliziaren txosten batek dio, aldiz, egun horretan Pla Frantziako Estatuko Fresnes espetxean zegoela bisita bat egiten. ARGIAk Plaren abokatu Amaiz Izkorekin hitz egin du. Defentsak argudiatu du Frantzian etakidea izateagatik zigorra bete duela jada, eta hortaz ezin zaiola delitu berberagatik berriz epaitu. Epaileak ez du horren inguruko erabakirik hartu. H-Alboka auzia epaituko duen epaitegiak ebatsi beharko du hori, epaiketa egin aurretik. Ebazpena "hilabete gutxi" barru heltzea espero du defentsak.
Otsailaren 13an atxilotu eta asteartean Espainiaratu zuen Pla Frantziako Gobernuak, euroagindu baten ondorioz. Frantziako justiziak beste euroagindu baten inguruko erabakia hartuko du gaur. Iratxe Sorzabal Espainiako Justiziaren eskuetan utzi edo ez erabakiko du. Iratxe Sorzabalen aurka abiatutako laugarren euroagindua da.
Urtero legez, hitzordua izan dute igandean Sare eta Etxerat elkarteek Hego Euskal Herriko 11 hondartzatan. Euskal preso, iheslari eta deportatuak etxeratzearen aldeko aldarriak egin dituzte.
Marijo Louis paristarra da sortzez, 1977an heldu zen Miarritzera Euskal Herriko borrokek erakarrita. Josetxo Otegi zizurkildarrak 1983an pasa zuen muga Gipuzkoatik Lapurdira, Poliziatik ihesi. AEK-ko irakasle eta ikasle zirela ezagutu zuten elkar. 1986an, GALen atentatuen,... [+]
Ibilbideen serie honetako ezberdinena dirudike Baiona Ttipiak, bere antzinako eraikinei beha jarriz gero: ez blokerik, ez adreilurik, ez maldarik.... herrixkatxo lasai bat da. Aitzitik, Errobi ondoko auzo honen historian barrena eginez gero, konturatuko gara borroka politiko... [+]
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Jesus Maria Gomez Ezkerro 'Txutxo', 2001eko urtarrilean atxilotu zuten, 2021ean hirugarren gradua ezarri zioten, eta 2023ko otsailean baldintzapeko askatasuna eman zioten. 24 urte geroago aske geratu da.
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
"Euskal Herriaren jazarpena elikatzen du Euskal Herriaren bakearen bidean egindako akordiotzat saldu duten honek", adierazi dute larunbatean Arrasaten eginiko prentsa agerraldian.
Astelehenean, 40 urte beteko dira Joseba Sarrionandia eta Iñaki Pikabea presoek Martuteneko kartzelatik ihes egitea lortu zutenetik. Egiako pisu batean izan ziren ezkutaturik bi iheslariak, eta oraindik milaka eztarrik abesten dute «kristoren martxa dabil!».
GALek Baionako Monbar hotelean egindako atentatuaren urteurrenaren datatik gertu antolatu dute ekimena dozenaka herritarrek. Helburua "egia aldarrikatu, memoria landu eta GALen gerra zikinaren biktimak aitortzea" da, eta irailerako egitaraua aurkeztu dute.
Rosa Zarraren hilketaren 30. urteurrena da ekainaren 30ean. Ekainaren 29an, biolentzia polizialaren biktimaren omenaldian, hainbat eskakizun egin zituen Egiari Zor fundazioak. Zarraren familiak Juan Mari Atutxa Segurtasun sailburu ohiari barkamena eskatzea galdegin dio.
Bere konpromiso politikoagatik eta unibertsitatean zuen militantziagatik, eskuin muturreko taldeen hainbat eraso pairatu zituen 1987 eta 1988 urteetan. Hemezortzi urterekin pairatu zuen lehen erasoa, Bilboko Santutxu auzoan bizi zen eraikineko igogailuan; geroztik, hiru eraso... [+]
Aurrez, Plentziak, Alkizak eta Gernikak euskal errepublikaren parte izatea erabaki zuten. Baztanekin, dagoeneko Euskal Herriko lau herriek hartu dute erabakia.
78ko Sanferminak Gogoan plataformak eta Gasteizko Martxoak 3ko ekimenak bat egin dute espainiar estatuak gertakari latz horietan bere erantzukizuna onartu eta biktimen aitortza ofiziala egin dezan. 'Estatua Erantzule!' izena darama kanpainak.
Kartzelan 27 urte egon eta gero askatasunean geratu dela iragarri du Etxerat elkarteak.