Goizetik hainbat jarduera antolatu zituzten mugimendu herritar ezberdinek arloz arlo, hiriraren zortzi puntu ezberdinetan. Egunaren hitzordu nagusia 13:00etako manifestazioa zen. Dantza eta oihu artean zeharkatu zituzten manifestariek Gasteizko kaleak, Foru plazara heldu arte. Amaierako ekitaldian hitza hartu zuten pentsionistek, osasun arloko langileek edo gazteek, besteak beste. “Egin dezagun dantza, bai, baina gure erritmoan, librean, kolektiboan, inor kanpoan utzi gabe, letra eta nota askatzaileak sortuz, borroka izerdituz, eta gozatuz. 'Ez bada dantzatzen ez da nire iraultza', idatzi zuen Emma Goldmanek. Arrazoi osoa zuen. Mugitzen denak soilik sentitzen baititu kateak, egia da; baina, apurtu, aske dantzatzen duenak soilik apurtu ditzake” ekimenaren bozeramaile mozorrotuaren azken hitz horien ostean, dantzan eman zioten amaiera ekitaldiari.

Hemen Halabideo-k argitaratutako bideoa: