Euskarazko edukien zabalkundea erraztu eta areagotu asmoz, Creative Commons lizentzia izango du ARGIAk

  • ARGIAk webgunea berrituko duela baliatuko du bere edukien lizentziak aldatu eta hauei Creative Commons izaera emateko. Abenduaren 3tik aurrera, beraz, ARGIAko edukiak Creative Commons Aitortu - Partekatu lizentziapean argitaratuko dira. Horri esker, medio honek argitaratutako materiala hartu, moldatu, kopiatu eta publikatu ahal izango du edonork, beti ere egilea Argia eta kazetaria aitortuz gero, eta edukiak zabaltzeko lizentzia bera erabiltzen badu.

2012ko azaroaren 28a
Cretive Commons lizentzia izango dute ARGIAko edukiek datorren astelehentik aurrera (Irudia: copiazurda.wordpress.com)

Eduki batzuk salbuetsita izango dira, hala nola, agentzietatik jasotzen ditugun argazkiak, eta hauek salbuespen oharrak eramango dituzte.

Zergatik aldaketa hau?

Arrazoi nagusia euskarazko edukien zabalkundea erraztea eta areagotzea da, hori euskararentzat eta euskaldunontzat onuragarria izango delakoan. Egungo bere egoeragatik, euskarak jadanik baditu nahiko arazo munduratu eta zabaltzeko, eta guk zabalkunde hori lagundu nahi dugu, horretarako gure edukien erabilera erraztuz eta bultzatuz. Adibidez, aurrerantzean euskarazko Wikipediak gure edukiak erabili ahal izango ditu bereak hornitzeko. Aldi berean, sortzailea eta euskarriari dagokien aitortza babestua legoke.

ARGIAren funtzio nagusia komunikazioarena da eta zeregin hori kazetaritzatik lantzen du. Gure edukien irekitze honek gure hizkuntz komunitatea trinkotu, sendotu eta aberastu egiten du. Edukien zabalkunderako zenbat eta erraztasun gehiago eman, are eta errazago beteko da gure funtzio sozial hori. Aldaketa honetan, bai guk bai euskarak, galtzeko baino irabazteko gehiago dugu. 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Jakintza librea

Jakintza librea kanaletik interesatuko zaizu...
2018-11-14 | ARGIA
ARGIAk mendeurrena ospatuko du 2019an herritarren esku jarriz 100 urteko ondarea

Mendea beteko du ARGIAk datorren urtean eta data esanguratsu hori baliatuko du zenbaki guztiak eta argazki artxibo historikoa digitalizatzeko. Mendeurrenaren harira hurrengo urtean ekimen ugari egingo dituztela aurreratu dute Donostian emandako prentsaurrekoan.


2018-07-04 | ARGIA
Interneteko askatasuna, arriskuan

Europar Batasunak egile eskubideei buruzko proposamena bozkatuko du ostegun honetan. Onartzen bada, gaur egun ezagutzen dugun internet irekiari kalte handia egingo diola salatu du Wikipediak. Hain juxtu, Wikipedia bera arriskuan legoke.


'Egunean', lehen euskarazko CC lizentziadun albiste sindikatzailea

Iametza interaktiboak, Ametzagaiña taldearekin batera, garatu du Egunean, irakurlea aktualitateari buruz egunean egoteko. Creative Commons lizentziapean zabaltzen diren edukiak soilik kontuan hartzea erabaki dugu, modu honetara zabalkunderako lizentzia hautu hori egiten duten hedabideak saritzeaz gain, informazioaren demokratizazioa bultzatzen dugu, egile eskubideekin egon daitezkeen arazoak saihestuz.


Creative Commons lizentzia berriena euskaratzen laguntzerik?

Creative Commons lizentzien bertsio berrienak euskaratzeko prozesu ireki bati ekin diogu Ingurune Digitalean Euskara Sustatzeko Batzordean. CC BY-NC-SA 4.0 lizentziaren euskarazko zirriborroa ikusgai izango da webgune honetan. Itzulpena hobetzen lagundu nahi baduzu, bertara jo eta iruzkin bat utz dezakezu, 2018ko uztailaren 31 baino lehen. Beherago azaltzen dugu zergatik den hau inportantea.


2018-06-15 | Wikimedia.eus
Europako copyright lege-aldaketa: Wikipedia arriskuan

Europar Batasuna “Merkatu digital bateraturako egile eskubideen direktiba” berria prestatzen ari da, Internet eta ezagutza librea arriskuan jar ditzakeen direktiba berria. Proposamena ekainaren 20 eta 21ean bozkatuko da JURI batzordean, eta uztaila eta iraila artean Europako Parlamentuan. Lege honek dituen hainbat neurrik sarearen neutraltasuna arriskuan jarriko du, hala nola adierazpen askatasuna, sareko elkarlana eta dibertsitatea. Europarlamentarioei eskatzen diegu besteak beste... [+]


Txikipedia
Haurrentzako Wikipedia jaio da

Wikipediaren barruan Txikipedia paratu duen munduko lehen hizkuntza da gurea. 8-13 urte arteko haur-gazteentzat Wikipediako edukiak luzeegiak eta konplexuegiak izan daitezkeenez, milaka artikulu egokitu sortzea da helburua. Testu-egile izateko gonbidapena euskaldun orori luzatu dio Euskal Wikilarien Elkarteak.


2018-04-13 | Miren Osa Galdona
Txikipedia jaio da, haurrentzat egokitutako Wikipedia

8-13 urteko haur eta gazteak helburu dituen txoko berria sortu du Euskarazko Wikipediak. Adin tarte horretako erabiltzaileak entziklopedia askean ia egunero sartzen direla ikusi dute. Ohiko joera, halaber, bilatzen duten materiala ez aurkitzea izaten da, edo dagoena ondo ez ulertzea. Hori konpondu nahi dute.


2018-02-07 | Goiena
Wikipediaren aplikazioa euskaratu dute

Euskal Wikilarien Kultura Elkarteak eta Azkue Fundazioak akordio bat daukate, ikasturte honetan zehar Interneteko hainbat baliabide euskarara itzultzeko. Aste honetan bertan Wikipediaren aplikazioa itzultzen amaitu dute.


2017-09-01 | ARGIA
Wiki Loves Monuments
"Munduko argazki lehiaketarik handiena" Euskal Herrira ekarri dute

Wikipedia osatzen laguntzen duten bolondresek antolatutako argazki lehiaketa da "Wiki Loves Monuments". Monumentu eta ondarearen inguruko argazkiak denen eskura jartzeko asmoz sortu zen ekimena. Egun 76 herrialdetan antolatzen da eta aurten, lehen aldiz, Euskal Herrian parte hartzeko aukera izango da.


"Euskal Wikipedia kantitatez ondo dago; orain erronka kalitatean eta gizarteratzean dago"

“Wikidata tailerra: Wikipedia, Oteiza, Commons, Txillida, Wikidata, Basterretxea eta Wikipedia” antolatu du UEUk Udako Ikastaroen baitan. Galder Gonzalez irakaslea eta Aitzol Astigarraga tailerreko arduradunarekin hitz egin dugu.


Azkenak
Eguneraketa berriak daude