ARGIA.eus

Itzulpen automatikoa / Machine translation

Coopcycle Euskal Herria, bizikletaz banatu modu jasangarrian

  • Ziklo-logistikarena sektore oso txikia da oraindik Euskal Herrian, baina forma apur bat hartzen ari da azken urteotan. Oraintsu, adibidez, CoopCycle Euskal Herria sortu dute.


2023ko ekainaren 02an - 10:08
Argazkia: Ziclo-p

Bizikletaz banatzen ahal den guztia banatzen dute herri edo hirietan, izan janaria etxeetara, paketeak edo aldizkariak. Dauden lekuetan, esaterako, ARGIA ere banatzen dute. Euskal Herrian Gasteizen hasi zen Eraman kooperatibarekin 2020an, pandemia hasi baino astebete lehenago. Dagoeneko hogei pertsona ari dira lanean bertan. Iruñean lau lagun ari dira Ziclo-p kooperatiban, eta gisakoak ere badira Irun, Errenterian, Getxon eta Baionan. Bilbon ere abiatu zen kooperatiba hauetako bat, baina ezin izan zuen jarraitu.

Frantziako Estatuan sortu zen CoopCycle kooperatiba eta gero munduko hainbat lekutan hedatu da, Europan, Kanadan, Txilen edo Mexikon, besteak beste. Frantziako Estatuan daude gehien, 34 kooperatiba. Guztien artean CycleCoop kooperatiba federazioa osatu dute, eta software plataforma ireki baten bidez hainbat zerbitzu elkarbanatzen dituzte, hala nola kontabilitate eramateko, logistika edo marketina.

Baionako esperientziarekin –La Cours– bereziki daude pozik, sozietate mugatua zena kooperatiba bihurtu baitute; orain guztien artean CycleCoop Euskal Herria sortu dute. Ezaguna da janari banaketaren esparruan zein esplotazio maila dagoen langileekiko, Glovo de horietako ezagunena eta hainbatetan zigortua izan da zenbait herrialdetan. Mundu horretatik datoz orain Euskal Herrian sortu diren enpresetako hainbat langile, baina lan filosofiari dagokionez beste muturrean daude: pertsona erdian jarrita, ekonomia sozialean ari dira, banaketa eta jasangarritasuna uztartuta, edota haien enpresen kudeaketa erabat demokratikoan oinarrituta.

Beste esparru batzuetan lan filosofia berdinarekin ari direnekin aliantzak bideratzea ere euren helburuetakoa da eta Iruñean eman dute jadanik lehen urratsa. Maiatzetik aurrera Ziclo-P eta Ondalan kooperatibak akordioa erdietsi dute azken honek kozinatzen dituen janari ekologikoak banatzeko.

Pirinioetako Estrategiaren laguntza

Trantsizio energetikoa dela eta, gero eta gehiago barreiatzen ari da banaketa jasangarria, eta tartean bizikletaz egiten dena. CTP Pirinioetako Lan Elkarteak bultzatzen duen Pirinioetako Estrategia ekintza-planaren bultzada izan du CycleCoop Euskal Herria federazioak, eta bertatik adierazi digutenez, halakoak oso garrantzitsuak dira haientzat aurrera atera ahal izateko.

Paul Iano Gasteizko Eraman-eko sortzaileetakoa da, eta pozik ageri da federazioaren sorrerarekin. Glovoko langilea izan zen, eta ARGIAko irakurleari ezagun egingo zaio akaso, Glovon egindako lanaldiaz hainbat salaketa erreportaje egin zituen eta. Une garrantzitsutzat jotzen du honakoa, eta finantzazio laguntza horiek funtsezkoak direla uste du. “Hasiera guztiak zailak izaten dira, eta dagoeneko ikasi dugu zer egin behar dugun eta zer ez. Aurrera ateratzeko hasieran oso garrantzitsua da motibazio handiz arituko den talde trinko bat izatea. Txikiak gara, baina federazioan arituta bestela aurrera eraman ezingo genituzkeen hainbat zerbitzu aurrera atera ditzakegu. Lehen bi urteak gogorrak dira eta, jakina, halako finantzazio bultzadak giltzarri izan daitezke aurrera egiteko”.

Iruñeko Ziclo-P kooperatibako kideak. (Argazkia: @ziclo-P)

 


Kanal honetatik interesatuko zaizu: Kooperatibagintza
Ertzeko bizitzen auto-eraketa sareak eta KoopFabrika

Niretzat Talaios kooperatibaren eta Olatukoopen bitartez kooperatibismoan eta ekonomia eraldatzailean jardutea zer den galdetzen didatenean, erantzuten dut izan dela lanaren eta kolektiboaren bitartez emantzipaziorako bideari ekiteko aukera. Eta bide horretan, oso garrantzitsua... [+]


2023-10-29 | Jon Torner Zabala
Nola jan espazioa, espazioa jan duenari?

Martxoaren 22an, Frantziako Tourra hasteko 100 egun falta zirenean, Bilboko San Mames estadioan lur hartu zuen Juan Mari Aburto alkateak. Hainbat lagunek osatutako tropelaren erdian zihoan, Bilbaobizi alokairu-zerbitzuaren logoa zuen bizikleta elektriko gorri batean, erakusteko... [+]


Marinaledako lur komunalak espekulatzaile pribatuen eskuetan gera daitezkeela ohartarazi dute

Andaluziako Marinaleda herrian dagoen Los Humosos lursaila saldu nahi du Andaluziako Juntak. Duela hamarkada batzuk lur horiek okupatu zituztenetik kooperatiba baten bidez landu dituzte hango jornalariek, baina 2021an desalojatzeko agindua jaso zuten eta horri jarritako... [+]


Transmisio eta berreskurapen kooperatiboaren beharraz

Uztailaren hasieran jakin dugu gure herrian langileon etxe askotan ospakizunerako ezinbesteko izan diren pastel eta gozoen De Paula lantegia itxiko dutela. Erretiroa hartuko omen dute gozogileek, eta noski, erretiroa hartuko duten langileek deskantsurako eskubide osoa dute,... [+]


2023-07-09 | Hiruki Larroxa
Ez gara elkartea, kooperatiba baizik

Etengabe azpimarratu behar dugu jada ez garela elkarte edo kolektibo bat. Izan ginen, bai. Ez baikenuen modu kolektiborik transmaribibollo aktibistak izateko (ez, ez gara banakako aktibismoen oso aldekoak). Eta bide batez, elkartea aprobetxatzen genuen fakturatzeko ere.

Baina... [+]


Eguneraketa berriak daude