Enzo Franchini Oliverosi nahitako giza hilketa eta terrorismoa egozten dizkio Venezuelako justiziak, besteak beste. Oposizioak sustatutako protesta biolentoen erdian hil zuten Orlando Figuera, 2017an. Venezuelako fiskaltzak estradizioa eskatzeko tramiteak hasi ditu.
Enzo Franchini Oliveros venezolarra Espainiako Estatuan atxilotu dutela jakinarazi du Venezuelako fiskal orokor Tarek William Saabek. “Gure eskakizunari esker, Ministerio Publikotik Interpoleko autoritateei luzatua, 2017ko maiatzaren 20an Orlando Figuera bizirik erretzeaz akusatutako Enzo Franchini Oliveros jauna atxilotua izan da Espainian”, idatzi zuen asteazkenean bere Twitter kontuan.
2017ko apirilean eta maiatzean oposizioak gobernuaren aurkako protesta biolentoak antolatu zituen (guarinbak). Horietako baten erdian eta egun argitan, maiatzaren 20an, Orlando Figuera erail zuten. Fiskaltzaren arabera, manifestariek Figuera kolpatu eta labankada batzuk eman zizkioten, eta bizirik zela su eman zioten azkenik. Venezuelako justiziak Franchiniri egozten dio erailketa. Herrialdetik ihes eginda zegoen.
Saab fiskalak Franchiniren estradiziorako tramiteak hasi dituela ere jakinarazi du.
5. El @MinpublicoVE informa que ha iniciado los trámites necesarios ante las autoridades competentes de #España para la inmediata extradición del presunto homicida de Orlando Figuera: de esta forma los países democráticos ratifican su cooperación con nuestro sistema de #Justicia pic.twitter.com/voGXv5Vi1u
— Tarek William Saab (@TarekWiliamSaab) July 10, 2019
Venezuelatik itzuli zenetik, Tolosako Zuloaga auzoaren behealdeko parkean ematen ditu arratsaldeak Miren Egigurenek, bizpahiru lagunekin. Hantxe aurkitu dugu ekainaren bukaerako egun batean. Elkarrizketa egiteko lagunaren etxera igo garenean, Hugo Chavezen panpinarekin... [+]
Urte luzez egin du borroka, nortasun juridikoa aitor ziezaiotela exijitzeko. Herrigabe eta heriotza zibil egoeran izan dute hamar urtez Venezuelan.
Angel Prado Padua borrokalari venezuelarra Euskal Herriko hainbat tokitan ibili zen hilaren hasieran, El Maizal komuna sozialistaren berri ematen, Demokrazia Komunalaren Aldeko Nazioarteko Sareak gonbidatuta. Hernanin bildu ginen harekin, bere hitzaldiaren bezperan. El Maizalen... [+]