Burka espazio publikoetan erabiltzea debekatu nahi du Espainiako Gobernuak
“Segurtasuna” eta “emakumeen duintasuna” argudiatuz, Espainiako Barne Ministerioa burka espazio publikoetan debekatzea pentsatzen ari da. Jorge Fernandez Diaz ministroak jakinarazi duenez, tramitatzen ari den Herritarren Segurtasunerako Legea erabili dezakete neurria ezartzeko.
“Pertsonalki, burka emakumeen duintasunaren kontrako jantzia dela uste dut, baina hori ez da gure ardura”, adierazi du Fernandez Diazek. Segurtasunari begira, ordea, burkaren erabilpena arazoa izan daitekeela esan du, “legez kontra aritzen den pertsonaren identifikazioa oztopatu dezakeelako”.
Ministroak gogoratu du lege aurreproiektuak zigor administratiboak aurreikusten dituela manifestazioetara aurpegia estalita doan jendearentzat. Honen harira, “burkaren erregularizazioa gauzatzeko aukera ona” izan daitekeela nabarmendu du.
Katalunian ere aurpegia estaltzea debekatzeko urratsak
Kataluniako Generalitateak joan den asteartean onartu zuen manifestazioetan aurpegia estaltzen duten jantzien erabilpena debekatzen duen lege aurreproiektuaren memoria, baina neurria espazio publikoetara hedatzea baztertu zuen, hori egiteko eskumenik ez dutela esanez.
Egun, segurtasun irizpideengatik edo identifikaziorako bakarrik exijitu ahal zaio emakume bati burka, niqab edo abaya kentzea. Espainiako Gorte Nagusiek baino ez dute eskumena burka espazio publikoetan debekatzen duen lege bat garatzeko.
Komunitate musulmana desados
Riay Tatary Espainiako Islamiar Batzordeko (CIE) arduradunak eta Espainiako Komunitate Islamiarren Batasuneko (UCIDE) lehendakariak ez du uste burkaren debekua erregularizatzea beharrezkoa denik. Adierazi duenez, oso gutxi dira Espainiako Estatuan burka erabiltzen duten emakumeak, eta gehienak kanpotik bisitan datoz.
Tataryk azpimarratu du burka ez dela jantzi islamikoa, lokala baizik, Afganistango komunitate batean soilik erabiltzen dena. “Ohiturak eta erlijioa bereizi behar dira. Erlijioak burua estaltzea eskatzen du, ez gorputz osoa”, adierazi du.
2023an, karbono dioxido isuriek %5,3 egin dute behera Espainiako Estatuan. Gehien isurtzen duten hamar enpresen artean, bakarrak egin du gora, Iberia hegazkin konpainiak, %10,7ko igoerarekin. Kutsatzaileen zerrendan aurrena Repsol dago.
2022an errekor historikoa hautsi zen Espainiako Estatuan, ia 8.700 milioi litro ontziratu baitziren, Geologia eta Meatzaritza Institutuaren estatistikaren arabera. Aurreko urtean baino 580 milioi gehiago dira horiek, eta 2019an ezarritako mugarria baino % 4,8 gehiago.
142 bisoi europar (Mustela lutreola) baino ez dira bizi Espainiako Estatuan, eta, beraz, espeziearen egoera kritikoa da, Trantsizio Ekologikorako eta Erronka Demografikorako Ministerioaren (Miteco) datuen arabera.
Ceutako Tarajal hondartzan hamalau lagun hil zituzten duela hamar urte, itsasoz igeri Europara iritsi nahian, guardia zibilen eta Marokoko polizien tiro artean. Haien senide eta lagunek urteurrena baliatu dute justizia eskatzeko, auzia oraindik epaitegietan baita. Justizia... [+]
Espainiako armadak antolatu zuen 1981eko otsailaren 23ko estatu kolpea, baina helburua omen zen Alfonso Armada jeneralak gidatuko zuen zibilez osatutako kontzentrazio gobernu bat eratzea, eta Juan Carlos I.ak baimendu egin zuen gobernu hori. Hori dio Carlos Fonseca kazetariak... [+]