Gedar Telebistak lehen pausoak eman ditu Burdin Hesia saioarekin. Hamabostean behin emango dute, eguneroko gaien inguruko analisi kritikoa plazaratzeko.
Urriaren 3an argitaratu zuten Burdin Hesia saioaren estreinako atala. Tertulia baten bidez gaurkotasuneko gaiak landuko ditu saioak, eta hau izango da Gedar Telebistaren lehen programa. Albisteetatik abiatuta gai nagusi bati helduko diote Burdin Hesia saioaren atal bakoitzean; aurreratu dutenez, zenbait kasutan tertuliaz gain elkarrizketa batek lagunduta egingo dute gaiaren lanketa. Helburua, koinuturaren analisi kritikoa eginez iritzi-ikuskera kapitalistei aurre egitea dela adierazi dute.
Haizea Uzkudunek gidatu du lehen atala, eta pandemia, ezarritako neurri murriztaileak, kale-edana, jazarpen poliziala eta gazteen kriminalizazioa izan dituzte hizpide tertuliakideek.
Hamabost egunean behin emango dute saioa, igandez, iluntzeko 20:30etan. Gedar Langile Kazetaren YouTube kanalean ikusi ahal izango da, baina baita Spotify eta iVooxen podcast formatuan entzun ere. Urriaren 24an emango dute hurrengoa, tartean Euskal Herriko Gazte Topagune Sozialistaren jarraipen berezia egingo baitu Gedar Langile Kazetak.
Hona hemen Burdin Hesia saioaren lehen atala:
40 urte bete ditu euskal telebistak, eta 40 urteko ibilian goitik behera aldatu dira gauzak: telebista konbentzionala etxe batzuetan egotetik, guztietan presentzia hartzera pasatu da; baina egun, ikus-entzunezkoak nahieran ikusteko gehiago baliatzen da telebista,... [+]
Askotan pentsatzen dut informazio larregi jasotzen dugula, eta, zeinen ondo bizi den ezjakintasunean. Hainbeste informaziorekin, pertsona xumeok botere ezberdinen helburuak eta horiei loturiko jokabideak ulertzeko ditugun aukerak inoiz ez bezalakoak direla dirudi. Baina ez da... [+]
Ahotsa.infok 10 urte egin berri ditu lanean. 2014an jaio zen, Nafarroa maila sozial eta politikoan eraldatu nahi zuten haiei ahotsa emateko asmoz. Intentsitate handiko testuinguru batean, UPNk agintzen zuen eta Nafarroako Gobernuaren aurkako oposizioa kalean mobilizatzen zen,... [+]
Arrosa Irrati Sareak Nafarroan ospatuko du lehen aldiz komunikazio librearen aldeko eguna. Mende laurdena bete berri duen Esan Erran irrati txikian dute hitzordua, apirilaren 13an, Basaburuan. "Guretzat elkartzeko egun bat da, elkar gehiago ezagutu eta elkarlanaz... [+]