Bukatu dira finalerako sarrerak
Abenduaren 18an Iruñeko Nafarroa Arenan jokatuko den finalerako sarrera guztiak agortu dira. Ekainean izan zuten aukera Bertsozale Elkarteko bazkideek finaleko sarrera erosteko, eta uztailetik aurrera herritar orok. Irailaren 25ean saldu dira azkenak. Aforoa bete denez, ez da sarrera gehiagorik salgai egongo.
Lehen faseko eta finalaurrekoetako saio guztietarako sarrerak daude salgai www.bertsosarrerak.eus atarian. Bertsozale Elkarteak gogorarazi nahi du saio guztiek aforo mugatua dutela eta sarrerak aurrez eros daitezkeela webgune horretan.
Aurki jarriko ditu Bertsozale Elkarteak salgai finalera joateko autobus txartelak eta bazkari txartelak. Horiek ere, www.bertsosarrerak.eus atarian.
Saioetara joan ezin duenak, pantailaz jarraitu dezake txapelketa
Hitzetik Hortzera telebista saioak igandetan egingo du bezperako saioaren laburpena. Eta astelehenero jarriko ditu bertsoa.eus atariak asteburuko saioetako bertsoaldiak ikusentzungai.
Lehen faseko saioak ez dira zuzenean emango. Finalaurrekoetako saioak, berriz, Internetez Bertsoa.eus eta eitb.eus atarietan eskainiko dira zuzenean; baita, telebistaz ere, ETB4 katean ere.
Abenduaren 18an, Euskal Herriko Bertsolari Txapelketako finaletik bueltan jarritako bertsoak.
Abenduaren 18an Nafarroa Arena euskararen erresonantzia kutxa bihurtu zuten 13.300 bertsozalek. Finala lehenengoz Nafarroan jokatzeaz gain, historiko bihurtu du finalisten osaerak, lehen aldiz hiru emakume aritu baitira kantuan, eta 55 urteren ondoren, nafar bat (edo... [+]
Txapeldunaren azken agurra bularrean kolpeka, bertsozalea bakarrik doa kotxera bidean. Sentsazio arraroak, berriak ditu eztarrian korapilatuta. Atea ixtearekin bat, orain bai, orain lasai askatuko du negarra.
Euskal Herriko txapela lortu du hirugarrenez Maialen Lujanbiok abenduaren 18an Iruñeko Nafarroa Arenan jokatu zen bertso finalean. Aldaketaz beteriko finala aipatu du jada txapelketako beterano denak, bai taldearen konposizio, bere sentsazio pertsonal eta lekuarengatik... [+]