Brexit gogorra gertuago: Johnsonek bost astez atzeratu du parlamentuaren jarduna

  • Ingalaterrako Elizabeth II.aren baimenaz parlamentuaren agenda legegilea bost astez atzeratzea lortu du Boris Johnsonek. Erabaki honek parlamentuak Brexit-ean eragin gutxiago izatea egingo luke.


2019ko abuztuaren 29an - 09:59
Boris Johnson Erresuma Batuko lehen ministroa.

Boris Johnson Erresuma Batuko lehen ministroak parlamentuaren itzulera bost aste atzeratzea lortu du, Ingalaterrako Elizabeth II.aren baimenaz. Gauzak horrela, parlamentua urriaren 14an itzuliko da bere jardun legegilera, eta Erresuma Batuaren Europako irteera urriaren 31n amaitzea aurreikusten da.

Johnsonen mugimendu hau Brexit-aren inguruko erabakietan parlamentuaren eragina murrizteko izan dela diote oposizioko kideek, Erresuma Batuaren irteera Gobernuak nahi duen moduan joan dadin. Akordioa egon ala ez, Erresuma Batuak Europar Batasuna urriaren 31n utziko duela dirudi, parlamentuari lan egiteko asti gutxi utziz.

Erabakiak parlamentari asko asaldatu ditu, akordiorik gabe Brexit-a nahi ez dutenak batez ere. Parlamentari hauetako batzuek Johnsoni “diktadore” batek bezala jokatzea egotzi diote, “hil ala biziko une batean” parlamentuaren lana eragozteagatik.

Erresuma Batuko parlamentuaren webgunean ganbararen lana ez atzeratzea dioen eskariak 1.250.000 sinadura ditu jada; Komunen Ganbaran eztabaida hasteko eskari batek izan behar dituen gutxieneko sinadurak 100.000 dira.


Kanal honetatik interesatuko zaizu: Brexit
2023-03-01 | Leire Artola Arin
Londres eta Bruselaren arteko akordioa
Ipar Irlandako Parlamentua desblokeatuko al dute unionistek ia urtebeteren ondoren?

Ipar Irlandako Parlamentua blokeatuta dago maiatzetik, DUP unionisten alderdiaren protestagatik, ez baitago ados Brexitaren ostean Ipar Irlandan Europako Batasunak jarri dituen merkataritza kontrolekin, besteak beste. Erresuma Batuaren eta Europako Batasunaren hitzarmen berriak... [+]


2020-12-24 | ARGIA
Brexit-ari buruz akordioa sinatu dute Erresuma Batuak eta Europar Batasunak

Negoziaketa prozesu luzearen ondotik, Erresuma Batuak eta Europako Batasunak Brexit-aren gaineko akordioa lortu dute azken minutuan.


Brexita eta ardatz anglosaxoia

Europako Batasuna 1993an sortu zenetik kide berriak gehitu dira bata bestearen atzetik. Joan den ostiralera arte 28 estatuk osatu dute makro-egitura politiko eta ekonomiko hori. Izan ere, urtarrilaren 31 historiara pasako da, EBk izan duen lehen zatiketaren eguna izan delako... [+]


2020-02-04 | Euskal Irratiak
Brexita Ipar Irlandan

Otsailaren lehenean bereizi dira Erresuma Batua eta Europar Batasuna.


Erresuma Batuko hauteskundeak 2019
"Brexit" zaleak eta Eskoziako independentistak garaile Erresuma Batuko hauteskundeetan

Brexita gauzatzeko aukera eskura du Lehen Ministro eskuindar Boris Johnsonek, Alderdi Kontserbadoreak gehiengo absolutua lortu ostean. Alderdi Laboristak 85 urtean izan duen emaitzarik eskasena eskuratu du. Eskoziako Alderdi Nazionala da hirugarren indarra Erresuma Batuko... [+]


Eguneraketa berriak daude