Boris Johnsonek Brexita adostu du Europar Batasunarekin

  • Lehen ministro britainiarrak, Boris Johnsonek, aurreratu eta ondoren Jean-Claude Juncker Europako Batzordearen buruak berretsi duenez, Erresuma Batuaren gobernua eta Europar Batasunarena heldu dira Brexitaren inguruan ados jartzera. Ituna, indarrean jar dadin, Erresuma Batuko eta Europako parlamentuek onartu beharko dute. Ipar Irlandako DUP unionistak ohartarazi du ez duela babestuko ituna.


2019ko urriaren 17an - 12:04

Jean-Claude Juncker Europako Batzordeko presidenteak gutun batean jakinarazi dio Donald Tusk Europako Kontseiluko presidenteari Brexitaren negoziatzaileek akordioa lortu dutela, Erresuma Batua modu hitzartuan ateratzeko EBtik. Halaber, Bruselako goi-bileran bildutako buruzagi europarrei gomendatu die akordio-proposamena eta EBk Erresuma Batuarekin izango duen harremanari buruzko adierazpen politikoa babestea. "Negoziatzaileek", dio Junckerrek, "akordioa lortu dute Irlanda/Irlanda Iparralderako berrikusitako protokoloaren eta 2019ko urriaren 17ko Adierazpen Politiko berrikusiaren gainean".

Bi aldeek adostasuna erditu dute asteazken goizaldeko ordu txikietan, aste luzeko elkarrizketaren ostean eta gainean zutela Europar Batasuneko buruzagien goi-bilera ondo hasteko presioa.

Boris Johnsonek esan du Twitterrez: "Lortu dugu hitzarmen bikain bat [gure herrialdearen] kontrola berreskuratzen diguna. Orain parlamentuak berretsi beharko du Brexita larunbatean horrela ekin diezaiegun beste lehentasunei, hala nola bizimoduaren garestitzea, osasun sistema, delitu bortitzak edo gure ingurumena".

 


Kanal honetatik interesatuko zaizu: Brexit
2023-03-01 | Leire Artola Arin
Londres eta Bruselaren arteko akordioa
Ipar Irlandako Parlamentua desblokeatuko al dute unionistek ia urtebeteren ondoren?

Ipar Irlandako Parlamentua blokeatuta dago maiatzetik, DUP unionisten alderdiaren protestagatik, ez baitago ados Brexitaren ostean Ipar Irlandan Europako Batasunak jarri dituen merkataritza kontrolekin, besteak beste. Erresuma Batuaren eta Europako Batasunaren hitzarmen berriak... [+]


2020-12-24 | ARGIA
Brexit-ari buruz akordioa sinatu dute Erresuma Batuak eta Europar Batasunak

Negoziaketa prozesu luzearen ondotik, Erresuma Batuak eta Europako Batasunak Brexit-aren gaineko akordioa lortu dute azken minutuan.


Brexita eta ardatz anglosaxoia

Europako Batasuna 1993an sortu zenetik kide berriak gehitu dira bata bestearen atzetik. Joan den ostiralera arte 28 estatuk osatu dute makro-egitura politiko eta ekonomiko hori. Izan ere, urtarrilaren 31 historiara pasako da, EBk izan duen lehen zatiketaren eguna izan delako... [+]


2020-02-04 | Euskal Irratiak
Brexita Ipar Irlandan

Otsailaren lehenean bereizi dira Erresuma Batua eta Europar Batasuna.


Erresuma Batuko hauteskundeak 2019
"Brexit" zaleak eta Eskoziako independentistak garaile Erresuma Batuko hauteskundeetan

Brexita gauzatzeko aukera eskura du Lehen Ministro eskuindar Boris Johnsonek, Alderdi Kontserbadoreak gehiengo absolutua lortu ostean. Alderdi Laboristak 85 urtean izan duen emaitzarik eskasena eskuratu du. Eskoziako Alderdi Nazionala da hirugarren indarra Erresuma Batuko... [+]


Eguneraketa berriak daude