Bosgarren urteurrena ospatuko du Etxelila Ondarruko emakumeen topalekuak

  • 2013an martxan jarritako Etxelilak bost urte bete ditu, eta ospakizun jaialdia egingo dute abenduaren 14an.

ARGIA @argia
2018ko abenduaren 05a
(Argazkia: Lea Artibai eta Mutrikuko Hitza)

Herriko mugimendu feministaren eskariei erantzunez, Ondarroako Udalak Artibai kaleko 1. zenbakidun eraikina esleitu zion mugimenduari 2013an. Etxelila izena eman zitzaion espazio hark bost urte bete ditu aurten, eta aitzakia horrekin jaialdia egingo dute abenduaren 14an.

Etxelilaren gaur arteko ibilbideari dagokionez badute zer ospatu. Bost urte hauetan hainbat ekintza burutu izateaz gaiz, espazioaren ardatz nagusietakoa den Jabekuntza Eskolaren baitan 100 ikastaro antolatu dituzte, eta 500 emakume inguruk parte hartu du hauetan. “Etxelila erreferentziazko gune bihurtu da Ondarroako emakumeentzat eta Mugimendu Feministarentzat”, adierazi dute Ondarroako Emakumeen Udal Berdintasun Kontseiluak eta Berdintasun Sailak.

Ospakizuna

Abenduaren 14an, ostirala, egingo dute ospakizun festa Etxelilan bertan. Egun horretarako abestia egin du Azalera taldeak, eta Uxue Alberdik jarri dizkio hitzak. Txakur Gorria kolektiboak, bestalde, urteurrenerako irudia sortu du.

Jaialdiaren egitarauari dagokionez, Andrabanda batukada feministak emango dio hasiera ospakizunari eta Beatriz Egizabal Ollokiegi klownak egingo ditu aurkezle lanak. Egun horretarako abestia sortu duen Azalera taldeko Lorea Zulaika Arriagak, Susunkordan taldeko Goretti Serrano Akarregik eta Nerea Larrinaga Sanchezek kontzertu akustikoa eskainiko dute, eta Amaia Cabero Saizar dantzaria zuzenean ikusteko parada ere izango da. Jaialdian zehar, herriko emakume talde eta mugimendu feministako kideek ere hartuko dute hitza, eta tarte guzti horretan Artestura Feministak erakusketa ikusgai egongo da. Txakur Gorria kolektiboak ospakizunaren kontaketa grafikoa egingo du.

Urteurrena iragartzeko bideoa ere egin dute:

 

 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Emakume Etxeak  |  Ondarroa

Emakume Etxeak kanaletik interesatuko zaizu...
2018-03-21 | Axier Lopez
Stephen Hawking eta Eusko Labeldun esklaboak

Jane Wildek 19 urte zituela ezagutu zuen Stephen Hawking. Ordurako bi urteko bizi-itxaropena diagnostikatu zioten Hawkingi. Halere, Wildek 25 urtez zaindu zituen zientzialaria eta elkarrekin izan zituzten hiru umeak. Gizona XX. mendeko astrofisikorik ezagunena bilakatu zen eta emakumea haren lehen emazte.


2016-09-27 | Estitxu Eizagirre
Emakume etxeak lotuko ditu "Testurak" bertso emanaldi bereziak

Ostiral honetan egingo da lehen saioa, Eibarko Andretxean, 19:00etan. Ordutik abendura bitartean, sei bertso jaialdi gehiago egingo dira emakumeen testu literarioak oinarri hartuta.


Azkenak
EGILEA
Eguneraketa berriak daude