Emakumeen Etxea izanen du Iruņeak

  • Iruñeak argi berdea eman dio Emakumeen Etxea sortzeari. Lehen aldiz izanen du hiriak halako gune bat eta horretarako inbertsioa eginen du udalak, 143.000 euro ia.

Euskalerria irratia @fm983irratia
2019ko urtarrilaren 03a
Argazkia:@fm983irratia

Pablo Sarasate kontserbatorioa zegoen eraikinean sortuko dute Emakumeen Etxea, Agoitz kaleko bederatzigarrenean. Egokitu eginen dute eraikina, bereziki kontuan hartuko dute irisgarria izan dadila. 

Pablo Sarasateren kontserbatorioa zen eraikinak lehen solairuan ekitaldietarako aretoa du 200 eserlekurekin. 181 metro koadro eta 63 metro koadroko eskenatokia ditu. Horrez gain lehen solairu horretan bulego bat eta bi biltoki txiki ere badira. Musika gela ere badu: 47 metro koadrokoa, atezaintza zerbitzurako 22 metro koadroko espazioa, komuna eta 12 metro koadroko bulego bat. Horrez gain, British School ikastetxeak erabiltzen duen gunea ere badu: bost gela erabiltzen dituzte eta bi komun.

Agoitz kaleko bederatzigarrenean dagoen eraikinak Emakumeen Etxea hartuko du hemendik aurrera. Emakumeentzako tokia eta talde feministentzako gunea izanen dira bereziki. Elkarteak eta kolektiboak biltzeko eta euren lana jorratu ahal izateko espazioa izanen da. Sarean lan egin dezaten, modu indibidualean jardutetik modu kolektibora jardutera pasa daitezen sortuko den gunea izanen da.

Iruñeko Udalak 2019-2022 urteetarako egindako Hirugarren Berdintasun Planaren barruan jasotako ekimena da Emakumeen Etxea sortzearena.  

Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra.

Kanal hauetan artxibatua: Emakume Etxeak  |  Iruņea

Emakume Etxeak kanaletik interesatuko zaizu...
Azkenak
EGILEA
Eguneraketa berriak daude