Bizkaiko adinekoen egoitzetan bi kaleratze salatu ditu EH Bilduk, grebaren atarian
Hilaren 21ean hasiko da ELA sindikatuak deitutako bi asteko greba Bizkaiko adinekoen egoitzetan. Unai Rementeria Bizkaiko Ahaldun Nagusiak sindikatuari ohartarazi zion “edozein greba eskubideren gainetik adinduen duintasuna” dagoela. EH Bilduk, berriz, adierazpen horiek egin eta oso gutxira egoitza bateko bi langile kaleratu izana salatu du.
Deia-k jaso zituen hilaren 15ean Rementeriaren adierazpenak, hainbat komunikabidek argitara emandako txosten baten harira egindakoak. Informazio horren arabera, adinekoen egoitzetako langileek ekainean egindako greba zela-eta adinduak “arretarik jaso gabe” egon zirela onartu zuen Bizkaiko Aldundiak. Rementeriak adierazi du “bere esku dagoen guztia” egingo duela eta gogorarazi du txostenean aipatzen den ekaineko greban gutxieneko zerbitzuak areagotzeko eskatu zuela.
Bizkaiko Foru Aldundiak langileen greba eskubidearen aurrean duen jarrera “lotsagarritzat” jo du EH Bilduk. Rementeriak ELAren greba deialdiari erantzunda egindako adierazpenak baliatu ditu koalizioak, eta adinekoen duintasuna bermatzea “beharrezko baliabideak daudela” ziurtatzea dela azaldu du, baita “bertako langileen baldintzak duinak” direla bermatzea ere.
Kaleratzeak halabeharrezkoak ez direla salatu du EH Bilduk eta zerbitzua “kanpoko enpresen esku” utzi eta beste alde batera begiratzea leporatu dio Aldundiari. “Guztion arazoa da, ez langileen eta enpresaren artekoa”, gaineratu dute.
Aurten egindako grebarik luzeena
Hilaren 21ean abiaraziko duten grebaldia aurten sektorean egiten den lanuzterik luzeena izango da: martxoan eta ekainean hemezortzi greba egun egin zituzten. Asteko 35 orduko lanaldia, soldata igoera duina, baja-egoera hobea eta gehiegizko lanaren arazo “larriari” irtenbidea dira aldarrikapenetako batzuk.
Ia bi urtez 68 greba egun egin dituzte Bizkaiko zahar egoitzetako gerokultoreek. ELA eta UGT sindikatuek hitzarmena sinatu dute. 2025ean 1.800 euroko soldata jaso ahal izango dute langileek. Gerokultoreena sektore feminizatu eta prekarizatua da. Bizkaiko langileek 2016 eta 2018... [+]
Bizkaiko erresidentzietako ELAko langileek salatu dute patronalak eta Bizkaiko Foru Aldundiak "bere horretan" jarraitzen dutela. "Zaintzarekin negozioa" egiten ari direla salatu du sindikatuak.
Otsailaren 1ean zortzi eguneko greba abiatu zuten Bizkaiko erresidentzietako eta eguneko zentroetako langileek. Lan baldintzen hobetzea eta zentroetan eskaintzen den arreta ereduaren errotiko aldaketa exijitzen ari dira. Asteazkena dute azken greba eguna, baina ez dute... [+]
LAB eta ELAk greba deialdia egin dute abenduaren 14rako eta Bizkaiko zahar egoitzetako 5.000 langile deitu dituzte. Ez dute hitzarmenik adostu urtebete luzeko negoziazio mahaietan.