Birika-belarra
Udazken betean gaudela arnas bideei erreparatu beharra daukagu, garai honetan ia gehienok izango baitugu katarroren bat. Hori bakarrik denean gustura, arnasbideetako gaitz larriagoak zeharo gaiztotuta dabilzkigulako azkenaldian. Gure artean aurre zaintza egitea ohitura zabaldua da eta horretarako sendabelar anitz eta askotarikoak ditugu baina bakoitzak ditu bere berezitasunak.
Izenak berak erakusten duen moduan, arnasbideetarako erabiltzen da birika-belarra (Pulmonaria officinalis), birika eta bronkioetako gaitzetarako. Udaberrian eta uda hasieran bildu ohi dugu baina une hauetan oraindik ere hosto bikainak ikusten ditugu bazterretan, beraz, ez da batere momentu txarra bildu eta lehortzen ipintzeko. Hostoak latzak edo zakarrak izaten dira, bizar trinkodunak, berde ilunak zein argikoak. Hosto gehienek orban zuria izaten dute eta askok analogia eginez biriketako gaixotasuna sinbolizatzen duten orbanak ikusten dituzte bertan.
Ingelesez hainbat izen ditu eta bat our Lady´s milk drops da. Ama Birjinak oinutsik zihoala hostoa zapaldu eta esnea jariatu zitzaion, eta betiko marka utzi. Erlijioa tartean sartzen zaigunean, sendabelarraren balioa jasotzeko izan ohi da, kategoriaz igotzeko, alegia.
Muzilago asko eta alantoina ditu, mukiak kanporatu eta arnasbideetako narritadurak baretzeko osagai onak. Taninoak askotan landarearen %10a dira, ehunak indartu eta bere onera ekartzeko egokiak. Azido silizikoa du, silizio mota bat, ahuldutako ehunak gogortzeko eta indartzeko osagai baliotsua. Gatz potasikoa eta kaltzikoa ere baditu gorputzak erraz xurgatzeko moduan.
Hostoak lehortu, txikitu eta infusiotan har ditzakegu goizean baraurik. Udazken osoan hartuz gero birikak indartuko dizkigu eta arnas-aparatuko gaitzei aurrea hartzeko lana egingo du.
Aldiz, birika eta bronkioetako gaitzak baldin baditugu, beste sendabelarrekin batera bere eragina hobea izan ohi da eta horregatik gaur egun sendabelar nahasketa askotan ipintzen da, gaitz hauek tratatzeko eraginkorra delako.
Ezkaia (Thymus vulgaris), eztul-belar hostoa (Tussilago farfara), malba (Malva sylvestris), plantaina (Plantago lanceolata) eta intsusa lorearekin (Sambucus nigra) batera nahasten da, denak kopuru berean ipinita. 250 ml ur irakin eta bi koilarakada txiki ipintzen dira, bost minutuan tapatuta eduki eta egunean hiru aldiz hartzen da, otorduen ondoren, bi edo hiru astez.
Xarabea egiteko ere landare aproposa da. Horretarako kilo bat ezti, birika-belar hosto berde edo freskoak (eskukada bat), limoi ekologiko bat eta 30 ml propoli behar ditugu. Kristalezko ontzi aho-zabal eta hermetikoan limoia ipintzen da, azal eta guzti, xerratuta. Ondoren birika-belar hosto berdeak, ontziaren 1/3 osatu arte, nahi izanez gero erdiraino ere bai. Goraino eztiz betetzen da eta berrogei egunean toki epel eta ilunean edukitzen da, sukaldeko armairuan adibidez, tartean behin mugituz. Epe hau igarotakoan iragazi eta propolia gehitzen zaio ondo nahastuz. Kristalezko botilan ilunean ongi egongo da urtebetean (hozkailutik kanpo).
Ez du albo ondorio edo kontrakotasun aipagarririk. Haurdunaldi eta edoskitzaroan segurua da eta haurrentzat ere bai. Hori bai, infusioa beti paperezko iragazkia erabiliz iragazi behar da, bestela hosto latzek dituzten bizar trinko eta gogorrek ahoa eta eztarria (eta hesteak) narritatuko dizkigutelako.
Sugea ikusi orduko: “Sugegorria!”. Telesforo Aranzadi zenak esaten baitzuen, begiek ez dutela ezagutzen dutena baino ikusten. Eta sugegorria ezagutu, ezagutzen dugunez (entzunaz, sikiera), hori bera izaten da joera: ikusten dugun suge oro sugegorria dela iruditzen... [+]
Dei batek dena alda dezake. Eguna bai, bederen. Hurrengo orduetako martxa, sikiera. Ourensen dagoen lagunak jasotzen du Noainen dagoen Lugoko lagunaren deia. Dei bakar batek ekarri zituen Galizako elkarte bateko zortzi artzain eta ahuntzain bat etxera. Zoragarria izan zen... [+]
Artzain gisa hirugarren kanpaina du aurtengoa Koldo Vicente Eseberrik. Familia Otsagabikoa izan arren, Iruñean bizi izan zen txikitatik, baina abeltzaintzaren munduarekin harreman estua izan du beti. “Osaba artzaina zen, haragitarako ardiak zituen hemen, eta txikitan... [+]
Bada Garde. Urrutira gabe hor dago, urrutieneko mugaren guardan. Umetan ezagutu nuen Garde, ez dut gogoan zenbat urte nituen, baina landatuta geratu zitzaidan han ikusi nuena.-
Emakumea eta lurra elkartzen dituen liburua idatzi du Onintza Enbeitak: Bizitza baten txatalak. Gure aurrekoen bizimodua jaso du, andre baten ahotan: "Baserria bere horretan, erromantizismorik gabe". Feli Madariaga (1932, Baldatika, Forua, Bizkaia) da andre hori, lurrari... [+]
Izarrak, ortzi mugagabean, keinu egiten diguten argi izpi dardarti liluragarriak dira, osotasuna eta ezereza bateratuta, zer garen ulerrarazteko oroitarri zaizkigunak: izan sua, izan ondotik joan zaizkigun kuttunak, gizakiaren txikitasuna edo Anbotoko Mariren edertasuna;... [+]
Irulegi eta Anhauze artean ditu mahastiak Joanes Haritschelharrek, Amama proiektuaren bultzatzaileak. “Mahastiak ene amarenak ziren, eta bera jubilatu zenean hartu nuen nik etxaldea, 2022an”, azaldu du. Ama mahastizaina eta aita ardi gasnagilea ditu, eta beraz, beti... [+]
Orriuldu gabe daude oraindik zuhaitzak eta arbolak. Hostoak ihartu gabe daude, bai. Eta hostoa jasotzeko sasoi aproposa da. Hostoa, batez ere geroago jasotzen da; zuhaitzaren adaburua janzten duen orritza edo hostotza erortzen denean edo orriultzen denean, lurraren instantziako... [+]
Lanbidean urteak daramatzagun basozainok, gogoan ditugu 1989. urtean Euskal Herria bortizki kolpatu zuten mendiko sute handiak. Urtarriletik luze zetorren lehorte latza udazkenean lehertu zen haize bortitzen bultzadaz. Dozenaka sutek beltzez jantzi zuten lurraldea, bereziki... [+]
Bizitza azkar pasatzen dela entzun eta esaten dugu maiz. Hala ere, gizakiok urte dezenteko bizi-itxaropena daukagu. Hainbat urte izan ohi ditugu ongi garatu, bizi eta ugaltzeko. Badira, ordea, hori guztia denbora askoz ere laburragoan egin behar duten gu bezalako ugaztunak:... [+]
Historikoki, artzaintzari eta abeltzaintzari guztiz lotuta egon den bailara da Erronkaribarrekoa, baina azken hamarkadetan nabarmen eraldatu da eta turismoa bihurtu da jarduera nagusia. “Ekonomia horrela aldatu da, eta hamarkadaz hamarkada ardi, behi eta behor kopurua... [+]
Ez naiz aparretsia, orraztearen aparretsia, ezta gutxiagorik ere. Baina ikasturte berriari ekiteko, zer den ez den, lakarra zuzen-zuzen ederki asko eginda nator zuregana.
Sendabelarra oliotan beratzeaz ariko gara baina ukendurik egin gabe. Bai, arraroa dirudi baina sendabelar freskoak oliotan beratu, iragazi eta erle argizaria ipinita ukendua egiten ikasi duenari olioarekin beste era batera lan egitea badagoela esan nahi nioke. Oleato edo olio... [+]
Gabezia, pobrezia eta erromestasuna orokortu ziren. Euskal Herri atlantikoa harropuzkeriaren ur gaineko bitsetan bizi zen. Itsasoz haraindiko merkataritzak, arrantzak eta estraperloak gure iparralde osoko jendartea aberasten zuten. XVI-XVIII mendeak ziren. Meatzariak,... [+]