ARGIA.eus

2022ko urriaren 01a

Biriatuko muga itxi dute kamioientzat sute larri batengatik eta auto-ilarak eragin ditu

  • A-8 eta A-63 autobideen arteko pasabidea ixtean auto-ilarak sortu dira. 6.200 hektareatik gora erre ditu abuztuaren 10ean Girondan (Frantzia) piztutako suteak. Landerara ere iritsi da eta 10.000 lagun inguru ebakuatu behar izan dituzte.

Argazkia: Eitb.
2022ko abuztuaren 11

Gironda departamenduan piztu zen sutea abuztuaren 10ean eta 6.200 hektareatik gora kiskali ditu jada. Sua azkar zabaldu da eta Landetara ere iritsi da. 1.000 suhiltzaile inguru daude sua itzaltzeko lanetan. Sutea medio, berriro ere Biriatuko muga itxi dute kamioientzako.

Abuztuaren 10eko 21:30etan pasabidea ireki zieten kamioiei eta hurrengo goizean, ostegun honetan, berriro itxi egin diete 07:00tan. Mozte horrez gain, A-63 errepidea ere itxia dago ibilgailu ororentzat 9. irteeratik aurrera (Saint Geours de Maremne-n). Gerald Darmanin Frantziako Barne ministroak adierazi du sutea hainbat lekutan piztu dela eta horregatik uste dutela nahita piztua izan dela.

Larhun eta Angelu ere itxita

Pirinio Atlantikoetako Departamenduko prefetak agindua eman du Larhun mendia ixteko, sute arriskuagatik. Abuztuaren 12ra arte egongo da debekatua handik ibiltzea. 

Horrez gain, Angelun Pignada eta Lazaret ere itxi zituen abuztuaren 8an Angeluko Udalak. Oraindik ez dute esan noiz arte egongo diren itxiak bi zonak. Orain dela bi urte egondako sutearen ondoren tentu handiz ibili dira eta oraingoa aurtengo hirugarren itxiera da. 2020ko sutean 165 hektarea kiskali ziren.

Kanal hauetan artxibatua: Suteak  |  Angelu  |  Biriatu  |  Errepideak

Suteak kanaletik interesatuko zaizu...
Suteak landetan
Gizakiak eraldatutako ekosistema bat, berotze globalaren atakan

Aunitz euskal herritarrentzat, oporretara joateko tokia dira Gaskoiniako Landak (Okzitania). Duna luzez osatutako hondartzak, pinudi amaigabeak barnealderantz, eta herriak baino kanping gehiago ia. Hegoaldean Aturriko itsasadarrak markatzen du Lapurdirekiko muga. Iparralderantz... [+]


2022-08-24 | ARGIA
Bi gizon hil dira Basauriko landa-sute batean

73 urteko bi anaia dira hildakoak eta sutea Arteagagoitiko landetan gertatu zen, San Miguel auzoan, abuztuaren 23an, asteartez.


2022-08-09 | ARGIA
Zanbranan berriz pizturiko sutea itzaltzea lortu dute

Igandean Zanbranan piztutako sutea kontrolatutzat eman bazuten ere astelehen goizean, iluntzean berriz abiatu zen, haize indartsuak hauspotuta. Suteen arriskua gora dago Euskal Herriko leku ezberdinetan, eta hainbat neurri dituzte bideraturik, aurre egiteko.


Zanbranako sutea kontrolpean dago

30 urtetan Txulato mendi ingurua bigarren aldiz erre dela salatu du bere sare sozialetan herriko alkate Aitor Abeciak, eta Eusko Jaurlaritza kritikatu du, helikopterorik ez duelako bidali suteei aurre egiteko.


Piztuta eta bizi jarraitzen du Zarrakazteluko suteak

Goiz honetan, oraindik ez dute sutea kontrolpean. Larrialdietarako babes zibileko planaren 2. alerta maila ezarri du Nafarroako Gobernuak eta sare sozialetan gogorarazi du asteartean sute arriskua “muturrekoa” izaten jarraitzen duela.



Irakurrienak
Argia buletina
Egunaren laburpena
zure e-postan
Eguneraketa berriak daude