El Saltok jaso duenez, epaileak ez du eraso “antolatu eta sistematikotzat” jo, eta gizadiaren aurkako krimena ez dela ebatzi du.

Argentinako Kereilaren aldeko eta Frankismoaren Krimenen aurkako Espainiako Plataformak (Ceaqua) ebazpena “ohiz kanpokoa” deritzo: “Antonio Gonzalez Pacheco Brigada Politiko Sozialeko kide garrantzitsua zen, ehunka pertsona sistematikoki torturatu zituen diktaduraren erregimenaren aurka borrokatzeagatik”. Ehunka pertsona horietatik bat da Felisa Echegoyen auzi-jartzailea.

Ceaquak gogorarazi du Echegoyenek aurkeztutako kereilak Espainiar Estatuko lau historialarik sinatutako adituen txosten bat jasotzen zuela. Txostenak frogatzen du biztanleria zibilaren aurkako eraso antolatu eta sistematikoa izan zela. Horrekin batera Istanbuleko protokoloari jarraiki idatzitako informe bat aurkeztu zuen, zeinak Felisa Echegoyenek pairatutako torturen egiazkotasuna baieztatzen zuen.