ARGIA.eus

2020ko uztailaren 11

Bilboko Udalak helegitea aurkeztu du Txupineraren debekuaren aurka

  • Gaur aurkeztuko ditu Bilboko Udalak alegazioak Jone Artola Aste Nagusiko txupinera izateko debekuaren aurka. Debekua Carlos Urkijo Espainiako Gobernuko ordezkariaren eskaeraren ostean etorri da, Bilboko Administrazioarekiko Auzien Auzitegiak hala erabakita.

Xuban Zubiria @xubanzubiria
2013ko abuztuaren 13a
Bilboko Udalak alegazioak Jone Artola Aste Nagusiko txupinera izateko debekuaren aurka. Argazkia: Deia

Itziar Urtasun jaietako zinegotziaren Adierazpenak jaso ditu Berriak. Bere esanetan  txupinera konpartsek aukeratu izan dute beti, historikoki hala izan da eta Jai Batzordea konpartsen erabakia berrestera mugatu izan da. Gaineratu du, Udalak ez duela ezer Artolaren aurka, baina legea beteko duela. Ebazpen judiziala azkar iristea eskatu du zinegotziak, jaiak larunbatean hasiko baitira. Jai Batzordea bihar bilduko da zer egin erabakitzeko.

Etxerat-eko kidea, Txori Barrote konpartsako kide izatea, Euskal Herritarroken eta EAE-ANVren hautagai izatea eta bere anaia preso egotea argudiatuta galarazi dio epaitegiak Jone Artolari txupinera izatea. Herrira mugimenduak, bestalde, epaitegiaren erabakia kritikatu du eta salatu du edozein ekimeni zigilu bera jartzen zaiola “terrorismoa goraipatzea eta biktimak mespretxatzearen zigilua”.

Bilboko talde politikoek debekuaren inguruko balorazio desberdinak egin dituzte. PSE-EEren Batzar Nagusietako bozeramaile Iñaki Egañaren ustez, ezker abertzalea txupineraren izendapenean eragiten aritu da. PPk EAJ kritikatu du izendapenaren kontrako “jarrera irmoa” ez izateagatik. Udalean Bilduko bozeramailea den Aitziber Ibaibarriagarentzat, Urkijoren esku hartzea “onartezina” da. Bere ustez epaiaren helburua jaien aurreko giroa zapuztea da.

Konpartsek elkartaratzea egingo dute gaur txupineraren defentsan.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Jai herrikoiak  |  Bilbo

Jai herrikoiak kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude