Bilboko kultur zerbitzuen pribatizazioaz hausnarketa partekatua sustatu nahi dute liburuzainek
Bilboko Udalak zerbitzu publikoak pribatizatzen jarraitzen duela salatu du Bilboko Liburuzainen kolektiboak, besteak beste, kulturari loturiko zerbitzuak. Horren harira, mahai-ingurua antolatu dute martxoaren 3an Bidebarrieta liburutegian, Kulturaren pribatizazioa izenburupean.
aurre egingo dieten hedabide independenteak
Azken urteetan Bilbon kultur zerbitzu publikoak pribatizatzeko prozesu bat abian dagoela ohartarazi du Bilboko Liburuzainen kolektiboak. Berrikitan Alondegiko eraikinean arte eszenikoen esparruarekin gertaturikoa ekarri du gogora, esaterako. Gune hori La Caixa Fundazioaren eskuetan utzi du Bilboko Udalak, eta horrek eragin du eraikinean dagoen Azkuna Zentroaren zuzendari Fernando Pérezek dimisioa ematea.
Esperantza pilotalekuko liburutegiaren eta bertako gazte eta haurrentzako zerbitzuaren pribatizazioa da, kolektiboaren aburuz, prozesu horren beste adibide garbi bat. Bilboko Alde Zaharreko kultur ekipamendua duela urtebete inauguratu zuten, eta hasieratik haren kudeaketa esku pribatuetan utzi zuen Juan Mari Aburtoren udal gobernuak.
Udan bi hilabetez itxita
Eraikin horren kudeaketa-eredu pribatua salatzeko, mobilizazio eta protestak egin izan dituzte, udal langileen batzordeak deituta. Inaugurazio egunean bertan, Bilboko udal liburutegien sareko langileek elkarretaratzea egin zuten, euren ustez Bilboko herritarren kultur eskubideen “merkantilizazioa” suposatzen duelako pribatizazioak, eta lan prekaritatea ere ekarriko duelako.
Bihotzean Zazpi Kaleetako auzo elkarteak ere kezka agertu du Esperantzako eraikinak eskaintzen dituen zerbitzu eskasak direla eta. Esaterako, haurrentzako liburutegiak neguan ordutegi murrizketa jasan du, eta uda sasoian bi hilabetez erabat itxita egon da. Pribatua izanik, ordea, Bilboko gainerako liburutegien azpiegiturak eta aurrekontua “baliatzen” dituela salatu dute. Horregatik, eskatu dute udalak “zuzenean” kudeatzea zerbitzu hori.
Haurrentzako liburutegiak neguan ordutegi murrizketa jasan du, eta uda sasoian bi hilabetez erabat itxita egon da. Pribatua izanik, ordea, Bilboko gainerako liburutegien azpiegiturak eta aurrekontua “baliatzen” dituela salatu dute
Eraikinaren kudeaketa Hazian Kultur Elkartea enpresari eman zitzaion 302.000 euroren truke. Eusko Alkartasunak publikoki adierazi duenez, EAJren “asoziazio pantaila” bat da enpresa hori, eta “entxufismo politikoa” dago esleipenaren atzean. Ahoztar Zelaieta kazetariak El Salto agerkarian idatzi duenez Hazian Kultur Elkartea EAJko kide eta kargu politiko ohiez osaturik dago.
“Berriro ere barre egin digute”
Urtarrilaren 30ean Bilboko Udalbatzak egindako osoko bilkuran, Bihotzean elkarteak eta Bilboko Liburuzainen kolektiboak proposamen bat eztabaidatu nahi izan zuten, Esperantza eraikineko zerbitzuen kudeaketa berriz ere publikoa izan dadila eskatzeko. Baina ezin izan zuten halakorik egin, udal gobernuak mozioa aldatu zuelako, lizitazioa bi urte gehiagoz luzatu dela argudiatuta.
Auzotarrek proposamen bat eztabaidatu nahi izan zuten Bilboko Udalbatzako osoko bilkuran. Baina udal gobernuak mozioa aldatu zuen, enpresa pribatuari lizitazioa bi urtez luzatu zaiola argudiatuta
Auzotar eta liburuzainek udal gobernuaren jokabidea eta “betoa” gogor kritikatu dituzte: “Auzokideok kalitatezko zerbitzu publikoak merezi ditugu. Aisialdirako eta formakuntzarako instalazio estaliak behar ditugu. Alde Zaharreko auzokideok errespetua merezi dugu. Gaur berriro ere barre egin digute”, salatu zuen auzo elkarteak sare sozialetan.
Mahai-ingurua, ondorio latzez ohartarazteko
Kalitatezko zerbitzu publikoak aldarrikatzeko ekimenen barruan, datorren astelehenean, martxoaren 3an, arratsaldeko 19:00etan mahai-ingurua antolatu du Bilboko Liburuzainen kolektiboak Bidebarrieta Liburutegian, Kulturaren pribatizazioa izenburupean. Ahoztar Zelaietak eta Haizea Barcenillak hartuko dute parte.
“Bada garaia kultur zerbitzuen pribatizazio horien inguruan bilbotarrekin hausnarketa partekatua egiteko –diote liburuzainek–, baita horrek ekarriko dituen ondorio latzez ohartarazteko ere”.
Zer: Biarritz Piano Festival. Amaierako errezitaldia. Benjamin Grosvenor, pianoa.
Egitaraua: Schumann eta Moussorgskyren lanak
Lekua: Biarritzeko ‘Espace Bellevue’.
Data: abuztuaren 8a.
-------------------------
Biarritz Piano Festival... [+]
Munduko hainbat txoko zeharkartzen dituzten ibaiek, bizirik dauden heinean, euren begirada propioa dute mundua bera ikusteko. Gizakiaren garapenaren testigu isilak dira: hirigintza, gerra, kutsadura, uholdeak... dituzte ikusmiran, baita euren bazterretan etengabe ernetzen diren... [+]
IB3 telebista publikoaren neurria "katalanaren aurkako erasotzat" jo dute katalanaren normalizazioaren aldeko zenbait eragilek, eta "berehalako zuzenketa" eskatu dute. Zuzendaritza aldaketa izan da berriki kate publikoan, PP eta VOXen botoei... [+]
Zer: Euskadiko Orkestra
Zuzendaria: Diego Martin-Etxebarria. Easo Abesbatza
Zuzendaria: Gorka Miranda
Bakarlariak: Arantza Ezenarro, Gillen Munguía, Marifé Nogales, Lucía Gómez, Juan Laborería, José Manuel Díaz, Darío Maya, Luken... [+]
Goizegi Hiltzeko
Ødei
Autoekoizpena, 2025
53 min.
Ulertzen nauten herrian ez da musika hau entzuten. Rap musikak akaso urte okerragoak izan ditu Euskal Herrian, baina oraindik ez da beste batzuen altuerara heldua. Denentzat ditu koplak Odei Barroso... [+]
Lautadako mamua
Xabier Montoia
Elkar, 2024
112 orrialde
Eleberri labur honetan egileak XIX. mendeko Euskal Herrira garamatza, sekulako sona hartu zuen Juan Diaz de Garaio hiltzailea duela protagonista. Arabako landa guneko jendarte tradizional eta giro hotzean barneratzen... [+]
Apirilean argitaratu zuen Amorante frantsesa (Susa) Miren Agur Meabek (Lekeitio, 1962). Thriller ukitua du poemen bidez idatzitako nobela deigarriak eta, istorioa fikziozkoa den arren, badu idazlearen aurreko lanak markatu dituen kutsu autobiografikoaren arrastorik. Hortaz,... [+]
Zer: Orquesta de la Comunitat Valenciana.
Zuzendaria: Mark Elder. Donostiako Orfeoia.
Zuzendaria: José Antonio Sáinz Alfaro.
Bakarlariak: Federica Lombardi (sopranoa), Paula Murrihy (mezzoa), Xabier Anduaga (tenorea), Will... [+]
Zer: Orquestra de la Comunitat Valenciana
Zuzendaria: Mark Elder
Bakarlaria: Nelson Goerner (pianoa)
Egitaraua: Txaikovsky eta Xostakovitxen lanak
Lekua: Kursaal Auditorioa, Donostia.
Data: abuztuaren 3a.
-------------------------
Orquestra de la Comunitat Valenciana... [+]
Euskal diasporaren Boiseko Jaialdiaren testuinguruan, Etxepare Euskal Institutuak eta AEBetako euskal erakunde NABOk euskararen irakaskuntza sustatzeko akordioa sinatu dute. Hori horrela, AEBetako Euskal Etxeek euskara "sustatuko eta trinkotuko" dute, eta Jaurlaritzak... [+]
Etxe pareko lokala itxita, obretan, zerbait berria irekiko dutelako susmoa. Ez da izanen mertzeria bat, ez eta loradenda bat. Kasurik onenean taberna bat, ohikoa, auzokoa, eta txarrenean gastrobarra edo specialty cafe bat. Ez duzu dirurik bost euroko kafea erosteko. Ez duzu... [+]
Zer: “Requiem (s)”. Ballet Preljocaj.
Koreografia: Angelin Preljocaj.
Eszenografia: Adrien Chalgard.
Argiztapena: Éric Soyer.
Jantziak: Eleonora Peronetti.
Bideoak: Nicolas Clauss.
Lekua: Kursaal Auditorioa, Donostia.
Data: abuztuaren... [+]
Zuzeneko musika gustatuz gero, ziur azken hamarkadan Eider Iturriagak egindako argazkiren bat ikusi duzula. Bere bi grinak uztartu ditu bermeotarrak: musika eta argazkilaritza. Eszenatoki batean hain azkar pasatzen den une hori harrapatzeko abilezia du, ikuslearen begietan... [+]
Abuztua heldu zaigu, irakurle. Oporretan zaude eta zuretzako denbora gehiago daukazu? Edo agian ez daukazu denborarik, oporrak planez bete dituzulako? Edozein modutan, kontuz! Egungo bizimoduaren psikologizazioak edonon sailkatzen ditu sindrome berriak, eta oporraldiak ez daude... [+]