Bilboko Konpartsen egitaraua ia osorik debekatuko du udalak
Juan Mari Aburto Bilboko alkateak aurreratu duenez, Bilboko Konpartsek ostiralean aurkeztu behar zuten Bilboko Irria egitarau kulturaleko ekitaldi gehienak ez ditu baimenduko, Aste Nagusiaren "alternatiba argia" direlakoan.
Bilboko Jai Batzordeak aurten ere jairik ez ospatzea erabaki ostean, Konpartsek iragarri zuten Bilbok "irribarrea berreskura" dezan ekitaldi kulturalen egitarau herriko bat prestatuko zutela. Ostiralean aurkeztu behar zuten egitaraua eta abuztuko azken astean, 25etik 29ra, ziren egitekoak ekitaldiak.
EITBk jaso duenez, Juan Mari Aburto Bilboko alkateak adierazi du ez duela ekitaldien gehiengoa baimenduko. Izan ere, Aburtok adierazi du udalak ez dituela pertsona pilaketak eragiten dituzten egoerak onartuko, eta "gizalegearen aurkako jarrerekin" zero tolerantzia izango dutela ohartarazi du.
"Bilbon aurten ez dago Aste Nagusirik, ezta ez-jairik ere", gogorarazi du Aburtok, eta konpartsen egitaraua "jarduera multzo bat" beharrean Aste Nagusiaren "alternatiba argia" dela uste duela. Beraz, aurreratu duenez, Bilboko Konpartsak ostiralean argitaratzekoak ziren egitarauko bost ekitaldi baino ez ditu baimenduko udalak: "Haurrentzako ikuskizun bat Plaza Berrian; haurrentzako tailerrak Gas Plazan; rol jolasak eta irrati maratoi bat Tingladuetan; eta igel-toka eta tiragoma jokoak Arriaga Plazan".
Luberri Konpartsak salatu du Mugimendu Sozialistarekin duen harremanagatik debekatu diola Bilboko Konpartsen Federakundeak parte hartzea, eta dei egin dio "erabakia birpentsatu" dezan. Ezker Abertzalea seinalatu dute ezarritako debekuaren "erantzule politiko"... [+]
Elkarlan Uholdea kanpainaren ekitaldi nagusia egin dute larunbatean. Elkarlanari eustera deitu dute, Lurraren beroketaren ondorioz ugaritu litezkeen muturreko klima gertakarien aurrean.
Iazko jaietatik %50 bat igo dira atxiloketak, eta Bilboko alkateak “poliziaren presentzia handiarengatik” dela dio. Konpartsek polizia indarkeriaren ondorioz egindako salaketaren inguruan, Juan Mari Aburtok adierazi du ez duela haiekin hortaz hitz egin behar.
Udaletxearekin duten harremana guztiz aldatu dela eta iaz ez bezala, "konpartsen festa ereduaren aurkako erasoak" jasan dituztela salatu dute. Besteen artean, manteroen aurkako erasoak, propaganda politikoa kentzea eta kalez jantzitako polizien mehatxuak salatu... [+]
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.