Bilboko hainbat oholtza dramaturgiaz josiko ditu Lautan Hiru antzerki jaialdiak

  • Bosgarren edizioa izango du ekimenak, eta otsaileko lau ostegun iluntzetan hainbat areto, oholtza edo elkarte bisitatuko dituzte. Euskarazko antzerkia hauspotzea da egitasmoaren helburua, eta antzerkilariei plaza berrietan aritzeko modua ematea.

Ezkerretik eskuinera, Koldo Narbaiza, Lutxo Egia, Patxo Telleria, Andres Urrutia eta Mikel Martinez. (Argazkia: Lautan Hiru)

2023ko urtarrilaren 25an - 07:00

Lau ostegunez antzerkiz blaitu asmo dute Bilboko Alde Zaharra, bosgarren urtez. Hain zuzen ere, BIRA Kulturgunea, Café Bar Bilbao, 7Katu Gaztetxea, Kalderapeko Kulturgunea eta Euskaltzaindiaren egoitza bisitatuko dituzte aurten. Sei antzerki-lan programatu dituzte, irakurraldi bat eta solasaldi performatibo bat; egun bakoitzean bina saio eskainiko dira.

Iazkoari segida emanez, Ikusle Kluba ere antolatuko dute aurten, Euskal Herriko Antzerkizaleen Elkartearen laguntzaz. Esperientzia ona izan zela-eta, oraingoan, ikusle talde batek Maren Basterretxearen Igaro antzezlana aztertuko du 7Katu gaztetxean, eta bizipenak eta sentsazioak partekatuko dituzte bertan.

Dagoeneko salgai daude sarrerak eta bonuak, Bilboko Plaza Berriko Café Bar Bilbao establezimenduan eta Erronda kaleko BIRA Kulturgunean. Emanaldi bakoitzeko sarrerak lau euroren truk eskuratuko ahalko dira eta bonuak, berriz, zazpi eurotan.

EGITARAUA

Otsailak 2

19:00etan, Euskaltzaindian: Txizatoki bat eszenatokian (Patxo Telleria) 40'

20:00etan, Kalderapekon: Nire zigilua (Alain Lersundi) 35'

Otsailak 9

19:00etan, 7katu gaztetxean: Igaro (Maren Basterretxea) 30'

20:00etan, BIRAn: Zuri (Goitibera konpainia: Gaizka Chamizo, Saioa Iribarren, Ander Basaldua) 30'

Otsailak 16

19:00etan, Euskaltzaindian: Solasaldi eszenaratua (Jokin Oregi, Aizpea Goenaga, Eneritz Artetxe, Matxalen de Pedro) 50'

20:00etan, Café Bar Bilbaon: XX. Cafe Bar Bilbao saria (Lutxo Egiaren Hamalau: Irakurketa dramatizatua, Mikel Martinezen eskutik) 20'

Otsailak 23

19:00etan, Euskaltzaindian: Raska Nazka (Aitor Vinagret) 25'

19:30ean, Euskaltzaindian: Ganbila bildumaren aurkezpena (Oier Guillan)

20:30ean, BIRAn: Daisy Crazy (Pez Limbo konpainia: Josune Vélez de Mendizabal eta Ane Gebara)


Kanal honetatik interesatuko zaizu: Antzerkia
2024-02-28 | dantzan.eus
Lau pastoral plazaratuko dira 2024 urte honetan

Aurtengo urtea emankorra izango da pastoralei dagokionez, lau pastoral emango baitira; bi Zuberoan eta beste bi Zuberoatik kanpo: Iruñean (Nafarroa) eta Xarneguko (Lapurdi-Nafarroa Beherea) zonaldean. Gure herriko lau historia ezagutaraziko dira oholtzan antzerki,... [+]


Xabin Fernandez eta Intza Alkain. 'Kanpora sartzen' antzezlana
"Zuen bizitzan lehen aldiz, herrian ikusiko duzue GIBa"

2013an, medikuaren telefono deia jaso zuen Xabin Fernandezek (Legorreta, Gipuzkoa, 1985). Diagnostiko garbia eman zioten: GIBa. “Seropositiboa zara”. Bizitzak 360 graduko buelta eman zion orduan. Mamuak agertu zitzaizkion: beldurra, amorrua eta lotsa, besteak beste... [+]


Eguneraketa berriak daude