Emakumeak borrokan

'Bilbao Eurocopa honi ez 2020' dinamika aurkeztu dute

  • Asteartean eman du ezagutzera bere burua UEFAko Eurokoparen harira Bilbon egingo diren partiduen aurka egitea helburu duen dinamikak. Bilboko San Mames futbol zelaiaren inguruetan egin dute aurkezpena.

ARGIA @argia
2019ko martxoaren 27a

UEFAk Eurokoparen XVI. edizioari bide emango dio 2020ko ekaina eta uztaila artean, eta Espainiako futbol federazioak egindako proposamena tarteko, Bilboko San Mames futbol zelaian jokatuko dira txapelketako lau partida. Hiritar guztiek ez dute begi onez jaso berria, eta Eurokopa Bilbora ekartzeak sorrarazi dien gaitzespena adierazteko Bilbao Eurocopa honi ez 2020 dinamika abiatu dute.

“UEFA 2020 burgesia vasco-espainolak gure hirira ekarriko duen hurrengo makro-ekitaldia izango da”, salatu dute dinamikako kideek, eta halako ekitaldiak ez Bilbon ez Euskal Herriko beste edozein hiritan ez dituztela nahi adierazi. Honako honetan negoziorako aitzakia futbola bada ere, futbolaz harago doan irakurketa egin dute, eta Eurokopa burgesiaren estrategia jakin baten baitan kokatu: dinamikaren arabera, Eurokopa Bilbora ekartzeko interesaren atzean, Bilbo burgesiaren klase interesen neurrira egindako erakusleiho-hiri bilakatzeko helburua dago.

“G7arekin edo Espainiako Itzuliarekin egin duten bezala, espainia eta frantziako estatuek aukera guztiak baliatuko dituzte Euskal langileriaren proiektu nazionala berriz ere ukatzeko”, adierazi dute. Horren adierazletzat jo dute Euskal Selekzioari ofizialtasuna ukatzen zaion bitartean Espainiako eta Frantziako selekzioek bertan jokatzea. “Bilbo espainiako hiria bailitzan saltzen du nazioartean, EAJk ordezkatzen duen burgesia autonomistaren konplizitatearekin”, nabarmendu dute. Horrez gain, adierazi dute ulergaitza zaiela “Turkia eta Israel bezalako estatu genozidek parte hartzeko aukera izatea”.

Eurokopak aberastasuna ekarriko duela dioen "diskurtso faltsua" zabalduko dutela aurreikusi du dinamikak, eta hasieratik berau gezurtatu: “Eurokopa honek ez du inolako aberastasunik ekarriko euskal langileriarentzat. Haien argi distiratsu, irribarre hipokrita eta lelo hutsen atzean langile klasearen esplotazioa, gure bizitzen prekarizazioa eta espazio publikoaren merkantilizazioa eta pribatizazioa baino ez da egongo”.

Makro-ekitaldiak emakumeenganako indarkeriaren areagotzea ere ekarriko duela jakinarazi dute: “Eurokopan ere, kapitalismoak sistema heteropatriarkal eta binarioa emakumearen irudia darabil gizonezkoen kontsumorako, iragarki matxisten bidez kasu. Aurretik aipatutako menperatzearen baitan, emakume prekarizatuenak izango dira bertan gehien sufrituko dutenak”. Besteak beste, emakume langileenganako erasook pairatuko dituztenak garbitzaileak, sexu langileak edota ostalariak izango direla adierazi dute. “Eurokopa honen bidez ere, kapitalak eragindako emakumeenganako zapalkuntza erantsiaren aurka agertzen gara guztiz”, jakinarazi dute.

Eurokopak ekarriko dituen albo-kalte guzti hauei hiriko presentzia polizialaren areagotzea gehitu behar zaiola gogorarazi dute: “Inposizio honen aurka sortuko diren mugimenduak errepresiboki kolpatzeko tresna guztiez baliatuko dira Euskal Herria beste behin estatu polizial bat bilakatuz. Gure kaleak zipaioz, gurdia zibilez, zein bestelako indar polizialez beteko dira. Hauen eginkizuna boteredunen interesak eta Euskal Herrira etorriko diren faxistak babestea izango delarik”.

Faktore guzti hauengatik sortu dute Bilbao Eurocopa honi ez 2020 dinamika, eta aurkezpenetik bertatik argi utzi makro-ekitaldiari aurre egingo diotela: “Kapitalaren metropoliari, bizitza eredu burgesari, makro-ebentuei eta gure bizitzen merkantilizazioari, duintasunez erantzungo diegu, gure kaleak eta bizitzak berreskuratuz, haien aberastasunak gure miseria dakarrelako”.

 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Hirigintza  |  Futbola  |  Bilbo

Hirigintza kanaletik interesatuko zaizu...
2019-05-16 | Z. Oleaga
Erlauntz etxebizitzak Euskal Herrian
Bartzelonan debekatutako hiru metro koadroko logeladun pisuak eraiki nahi dituzte Bilbon

600 logela eraiki nahi ditu "Erlauntz etxebizitzak" eraikitzen dituen Haibu enpresak. Bilboko Udalaren baimena duela dio enpresak. Hainbat hiritan debekatu egin dituzte bizitzeko gutxieneko baldintzak ez dituztela betetzen iritzita.


Berlin, Andrej Holm soziologoarekin elkarrizketa
Nola berreskuratu etxejabe handien pisuak herritarrentzat

“Etxejabe handiei milaka pisu kentzeko legea bozka dezakete Berlinen”, informatu zuen hedabide honek aurtengo otsailean. Etxebizitzen garestitzeari aurre egin asmoz, tabu bat hautsi da Alemaniako iritzi-publikoan: etxejabe handien pisuak jabego publikora itzularazteko erreferenduma egitea mahai gainean dago. Herritarren bultzadari esker lortu da eztabaida sortzea pribatizatutako esparru bat gehiengoaren eskuetara itzuliko luketen politiken premiaz.


2019-04-14 | Kote Guevara
Hondarribia
Atzoko zabalgunetik, biharko metropolira

Pentsa dezakegu Hondarribiaren nortasuna historian zehar apenas aldatu dela, betidanik izan dela herri bat, non baserritarrak, kaletarrak eta arrantzaleak elkarrekin bizi izan garen, gure gorabeherekin. Izan ere, gaur egunean oraindik eskema hori askotan aipatzen da gure herriaren osaeraz hitz egitean. Hala izan da mende askoan zehar, baina azken hamarkada hauetan eskema hori aldatzen ari da.


Durangarrek 18 solairuko bost dorreak egin ala ez erabakitzeko aukera izan nahi dute

Pasa den ostiralean, martxoaren 29an, Erabaki plataformak deituta ehundaka herritar batu zieren Durangon egindako mobilizazio jendetsuan.


Hiria errotik aldatu nahi dugu: bizitoki burujabetza

Hiria errotik aldatu nahi dugu, aldarrikatu genuen duela bi urte. 2016eko Abian gogoetak ezker abertzalearen bir-fundazioa agindu zuen. Gure jardun politikoa nahiz antolaketa ereduak unean uneko egoerari egokitzea premiazkoa genuen, eta horretarako, nahitaezkoak egiten ziren erroko aldaketak. Sortu eratu eta ia sei urte igaro zirela, gure buruak ber asmatzeko prozesu betean ginen berriro ere, eta Donostian, gure buruak ez ezik, hiria bera ere errotik aldatzeko gogoetari ekin genion.


Bilboko Deustuko Erriberako auzokideek Udalaren iruzurra salatu dute

Plan berriarekin hasi zirenetik, hainbat izan dira Erriberako bizilagunen kritikak eta aldarrikapenak, baina azken hilabeteotako gertaerek egonezin handia eragin izan dute. Uholde, sute eta auzoko eguneroko arazoen aurrean, Bilboko Udalaren jarrera “lotsagarria” dela uste dute auzokideek.


Bilbo, unibertsitate hiri... pribatua

Publikoa dena, berriz ere, irabazi pribatuaren esku. Oraingoan hezkuntza da aitzakia. Bilbora etorriko diren goi-mailako hezkuntza proiektu pribatuen zerrenda egunez egun luzatzen doa; azkena, Navarrako Unibertsitatea (ez dezagun NUPekin nahastu). Berri txarra benetan Opus Dei Bilbora heltzea, noren eta udal gobernuaren eskutik.


Gentrifikazioaren mugak

Mugak oso presente daude hiri baten bizitzan. Bilbok dituen 345.000 biztanleetako bakoitzak ditu bere mugak: psikologikoak, emozionalak, profesionalak, moralak, fisikoak, politikoak, ekonomikoak, sozialak... Bizitza osoa ematen dugu muga horiek onartzen, kudeatzen, saihesten edo, ahal den heinean, gainditzen.


2018-11-25 | Kris De Decker
Simaurraren gorazarrez

Ez utzi tabuak –kaka, pixa, zikina…– itsutu zaitzan: jendeok simaurra ere bagara eta gure gorotzetan doa lurrari kendu diogunetik asko. Kris De Deckerrek gizadiak daukan iraunkortasun arazo handi baten sintesi oso materialista eskaintzen du, industrializazioaz geroztik oker diseinatutako komun eta estolderia sisteman barrena nola alferrik galtzen ditugun milaka urtez ondo birziklatzen genituen gai organikoak, horiek lurrari itzuli eta berriro elikagai bihurtzeko ordez... [+]


Eguneraketa berriak daude