Biktimen inguruko akordioa lortu dute FARCek eta Kolonbiako Gobernuak
Bake prozesuko biktimen puntua itxi dute Kolonbiako Gobernuak eta FARC gerrillak. Akordioaren xehetasunak azaroaren 15ean emango dituzte, Habanan egingo duten zeremonian. Bertan dokumentua sinatuko dute Humberto de la Calle gobernuaren negoziatzaileak eta Ivan Marquez FARCen ordezkariak.
Egia, justizia, kalte-ordainak eta berriro ez errepikatzeko bermea jasoko ditu itunak, baita justizia transnazionalari buruzko xehetasunak ere. Gatazkan inplikazioa izan dutenei jurisdikzio berezia aplikatuko zaie, erantzukizunak onartzen dituztenek onurak izan ditzaten.
Akordio hau erabakigarria izan daiteke etorkizunean gatazkari amaiera emateko. Hala uste du Fabrizio Hochschildek, Nazio Batuen Erakundeak Kolonbian duen ordezkariak. Bere esanetan, eman berri den urratsak berebiziko garrantzia du, “biktimen eta justiziaren gaia baita gatazkaren alderdirik konplexuena”. “Bi puntu hauek polarizazio handia sortu dute Kolonbian. Hauen inguruko akordioa lortzeak esan nahi du elkarrizketaren azken txanpan sartu garela”.
Biktimen auzia itxita, puntu bakarra egongo litzateke betetzeke
Bost puntu ditu 2012an abiatu zuten bake prozesuak. Hiru jada itxiak dituzte –lurrei, parte hartze politikoari eta drogei dagozkienak–, eta biktimen puntuan akordioa lortuta, soilik behin-betiko su etena eta armagabetzea lortzea faltako litzateke.
FARC-en bake ordezkaritzak Rebelion atarian esan duenez, bake sinadura geroz eta gertuago dago. Horretarako, hemendik aurrera “buru belarri” jardungo dute azken puntuaren ikerketa eta negoziaketetan. Ordezkaritzak adierazi duenez, gaia analizatzeko plataforma bat eratu dute, “prozesua gatazkaren amaierara bideratuko duena”.
Horrez gain, “gatazka amaitu eta bakea eraikitzeko” hamar proposamen aurkeztu dituzte. Hauek, besteak beste, behin-betiko su etena, estatu zein gerrillak armak uztea eta talde paramilitarrak desegituratzea jasotzen dute.
Herri axolagabea! Zein ezberdina izango litzatekeen zuen patua, askatasunaren prezioa ezagutuko bazenute! Baina ez da berandu. Emakumea eta gaztea naizen arren, heriotzari aurre egiteko ausardia dut orain, eta mila aldiz gehiagotan ere izango nuke, ez ahaztu!".
Hitz... [+]
Kolonbian, FARC gerrilaren disidentzia-talde handienak adierazi du bakerako borondatea adierazi dutela eta Gobernuarekin elkarrizketak abiatuko dituela Norvegian, berak hala proposatuta. Eragile sozialekin eginiko topaketa batzuetan egin du iragarpena.
Francia Márquez presidenteordearen etxe inguruan zazpi kilo lehergailu arukitu dituzte, eta ondorioztatu dute bere aurkako atentatu saiakera bat zela. Márquezek bere ibilbide militante eta instituzionalean eraso eta mehatxu andana jaso ditu.
ELNk azaldu du aldebakarrekoa dela Kolonbiako presidenteak urtarrilaren 1ean iragarri duen aldebiko su-etena. "Ez da horrelako akordiorik eztabaidatu gobernuarekin", baieztatu dute. Gustavo Petrok atzera bota du su-eten ituna, eta gerrillari taldeari eskatu dio... [+]