ARGIA.eus

2020ko azaroaren 28a

"Bidea gara, bidean gaude" lelopean mobilizazioak deitu ditu Sarek astebururako

  • “Bidea gara, bidean gaude” lelopean, mobilizazioak deitu ditu Sare plataformak azaroaren 20, 21 eta 22an, euskal preso politiko eta iheslarien etxeratzearen alde.

Jone Markuleta @JMarkuleta
2020ko azaroaren 19a

Astebururako mobilizazioak deitu ditu Sare plataformak, herriz herri eta auzoz auzo, "Bidea gara, bidean gaude" lelopean, herritarrak aktibatu eta Izan Bidea dinamika zabaltzeko. Mobilizazio edo agerraldi ezberdinak egingo dira, herri edo auzo bakoitzak, bere kutsua emango dio protestaldiari. Txandakako ibilaldiak, ilaretan mobilizazioak, ekitaldi kulturalak, mosaikoak, korrika txikiak... egingo dira, baina guztiak helburu berarekin: herritarrak aktibatzea presoak eta erbesteratuak etxera itzultzeko prozesua abian jartzeko, eta bizikidetza eta bakea lortzeko urratsak emateko.

Hala, bizikidetzaren aldeko urratsak eman nahi dituzten herritar guztiei dei egiten diete mobilizazio horietan parte hartzera, salbuespenezko espetxe-politikaren ebazpena eta amaiera aldarrikatuz. Mobilizazio horiek guztietan COVID-19aren pandemiagatik ezarritako segurtasun neurriak bermatuta egingo dira; horretarako, antolakuntzak herri zein auzotako plataformei espazio zabalak eta mobilizatzeko moduak ziurtatzeko deia egin die. 

Askotariko mobilizazioak

Burlatan elkarretaratze musikatua, Oñatin korrika txikia, Lesakan manifestaldia, Iruñean mobilizazio eta mosaikoa... Herri ezberdinetan, elkartaratze eta agerraldi ezbedinak egingo dira, eta denek izango dute funtsean helburu berdina: espetxe politika salatzea eta egungo preso politiko, iheslari eta deportatuen etxeratzeak aldarrikatzea.

Herritarrei dei egin nahi izan die antolakuntzak: nerabe, gazte, haur, heldu, amona, aitona eta jubilatuei. Euren ustez, herritar orok du egoera horren aurrean aldarrikatzeko beharra. 

 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Sare plataforma kanaletik interesatuko zaizu...





Azkenak
EGILEA
Argia buletina
Egunaren laburpena
zure e-postan
Eguneraketa berriak daude