Gizarte Zerbitzuek migratzaileekin duten jarrera salatu du Bidasoaldeko SOS Arrazakeriak
Astelehenean hainbat etorkin iritsi da Iruneko tren geltokira oinarrizko ezer gabe eta Udalak “ez du ezer egin”, dio Bidasoaldeko SOS Arrazakeriak, atera duen prentsa oharrean.
Azaltzera eman duenez, Lakaxita elkarteak egoitza eskaini du eta 500 otordu inguru eman dituzte elkarte eta herritar solidarioek. “Udala geroago hasi da mugitzen, ospitale zaharreko aterpea zabaldu du 20 lagunentzat eta astelehenetik ostiralera gosaria eta bazkaria eskaintzen die”. Aldiz, SOS Arrazakeriak aste barruan afaria prestatzen die eta asteburuetan gosaria, bazkaria zein afaria.
Egun hauetan lanean borondatetsu dabiltzan guztiei eskerrak eman dizkie eta mutilentzako arropa falta dagoela gaineratu du, beraz, lagundu nahi izanez gero Bidasoaldeko SOS Arrazakeriarekin jarri harremanetan. Hau da telefonoa: 688 81 23 30.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Gasteizen hamabi urte bizitzen zeramatzan marokoar bat bere jatorrizko herrialdera erbesteratu dute. Abuztuaren 3an deportatu zuten, Gasteizko udaltzainek bi egun aurretik identifikatua izan eta gero. Deliturik egin ez duen arren, udaltzainek Polizia Nazionalaren eskuetan utzi zuten, bere egozte baimenari 28 egun falta zitzaizkionean.
Hotzaren dispositiboa eskaintzen duen gunea ireki du Irungo Udalak, herrian nora ezean dauden 15-20 etorkinek lo egin ahal izateko. Astebete pasata eta SOS Arrazakeria, Stop Desahucios, Adiskidetuak, Ongi Etorri Errefuxiatuak, Zaporeak y Helduakhan elkarteen salaketa erantzunez, hartu du erabakia udalak.
Elkarrekin Podemosek salaketa bat aurkeztu du diputazioaren aurka. Ohartarazi duenez, bakarrik iritsi diren adingabeentzako Zornotzako zentroak 40 toki ditu, baina 160 gazte daude bertan
Herritar antolatuak ari dira egunotan Bilbora iristen diren migratzaileei harrera egiten. “Elkar-zaintzan oinarritzen gara eta ez gara asistentzialismoan erori, bakoitza bere bizitzaren burujabe eta subjektu aktiboa dela ulertzen dugulako. Elkarrekin egiten ditugu erosketak, elkarrekin prestatzen dugu janaria, batzarra egiten dugu gauero eguna baloratzeko eta hurrengo eguneko beharrak aztertu eta denon artean antolatzeko”, kontatu digu Iñigo Santxo Atxurigorri auzo elkarteko... [+]
Karlos Zurutuza (Donostia, 1971) 2011. urtean joan zen Libiara, lehen aldiz, gerra zela-eta. Geroztik urtero itzuli da, lanera. 2016an herrialde horretako etorkinen fluxua aztertzeko beka bat jaso zuen Ricardo Garcia Vilanovarekin batera, eta zazpi urtez bertan bildutakoarekin batera, Tierra adentro. Vida y muerte en la ruta libia hacia Europa (Lur barruan. Bizitza eta heriotza Europarako ibilbide libiarrean) liburua argitaratu du.
EAEn 539 egin zituzten eta 404 Nafarroan. Batez beste, egunean 2,6 kontrol jarri zituzten.
Elin Ersson gazte suediarrak deportazio bat eragoztea lortu du: Suediatik Afganistanera eraman behar zuten asiloa eskatu duen pertsona bat, baina gazteak uko egin dio hegazkinean esertzeari, deportazioa bertan behera utziz.
Duela zazpi urtetatik hona Bergarako lagun talde bat Ipintza ikastetxeko patioan batzen da egubakoitzero, futbolean jokatzeko. Astero erakusten dute futbola erraminta aparta izan daitekeela kanpotik datozen gazteak herrian integra daitezen. Bergarako Udalak, Emaus Gizarte Fundazioak eta Goienak elkarlanean egindako erreportajea da hau, Gipuzkoako Foru Aldundiko Etorkizuna Eraikiz programaren barruan.
Soziologian lizentziatua, gazte mugimenduan eta euskalgintzan ibilia, duela urte batzuk islamera hurbiltzen hasi eta egun musulman praktikantea dugu Othman Alfredo Gomez-Cambronero Kortazar (Bilbo, 1969), Othman izen arabiarra agirietan ere gehituta. Islamera iristeko bere ibilbide pertsonalaz eta nagusiki etorkinek osatua den komunitate islamikoaren kezkez jardun dugu berarekin.
Duela hiru hilabete ezagutu genituen Khadim, Baba eta Bouba. Eskakizun guztiak betez Bilbon kale-saltzaile aritu arren, administrazioak legea gogortu eta berriro paperik gabe utzi nahi zituela kontatu ziguten. Hiru hilabete geroago, Khadim Frantziara joana da, etorkizun hobearen bila, eta Baba eta Bouba garbitzaile kooperatiba ari dira antolatzen beste hainbat migratzailerekin batera, kale salmenta uzteko asmoz. Bitarte horretan, “Inor ez da ilegala” kamiseta ere sortu dugu... [+]
