Bi polizia sindikatuk Julen Arzuaga salatu dute
EH Bilduko legebiltzarkidearen kontra, auzitara jo dute Espainiako Poliziaren SPP eta SUP sindikatuek.
Polizia gehiegikerien legea izan zuen eztabaidagai EAEko Legebiltzarreko osoko bilkurak iragan ostegunean, eta bertan izan ziren Jusapol polizia elkarteko zenbait kide, publikoaren artean, PP alderdiak gonbidatuta. EH Bilduko legebiltzarkide Julen Arzuagak hitza hartu zuenean, liskarra sortu zen. Sindikatu polizialeko kideek iraindu egin zuten Arzuaga, eta astelehean auzitegietara jo zuten, EH Bilduko legebiltzarkideak polizia elkartearen aurka esandakoak salatzeko.
SPPk Espainiako Estatuko fiskaltzara jo zuen salaketa jartzera, Arzuagari “segurtasun indarrak iraintzea eta gutxiestea” egotzita. SUPek, bere aldetik, Gasteizko epaitegi batean kontziliazio saio bat erregistratu zuen, “kalte moralengatik” 3.000 euroko kalte-ordaina exijituz. Kontziliazio saioa kereila baten aurreko pausoa dela adierazi du sindikatuak, Arzuagari esandakoak ezeztatzea ahalbidetzen diona.
EITBk iruditan jaso zuen gertatutakoa:
Ezker abertzaleko familia baten etxea tirokatzeagatik atxilotu zuten Espainiako polizia ohiak baimenik gabeko bederatzi arma, gerra materiala, ia lau kilo bolbora, 400 bala baino gehiago eta dozenaka arma erabilgaitz zituen etxean
Polizia ohiak onartu zion Ertzaintzari berak egin zuela tiro eta agenteek legez kanpoko hainbat arma atzeman zizkioten etxean. Akusazio partikularrak 13 urte eta erdiko espetxe zigorra eskatuko du armak eta lehergailuak gordetzeagatik eta kalteak eragiteagatik. Fiskaltzak,... [+]
Asteazkenean atxilotutako Indar Gorriko 61 kideak libre utzi ditu Iruñeko Instrukzioko 4. epaitegiak, behin-behineko askatasunean eta kautelazko inongo neurririk gabe.
Espainiako Poliziak joan den asteartean atxilotu zuen Iturmendin (Nafarroa) eta, Espainiako Auzitegi Nazionalaren aginduz, Madrilera eraman zuten inkomunikatua.
Espainiako Poliziak astearte eguerdian atxilotu zuen bere etxean, Iturmendin (Nafarroa), antza sare sozialetako mezuren batekin lotuta. Arratsean segundo batzuetako deia egin zien senideei Madrilera eramaten zutela jakinarazteko, ARGIAk jakin duenez. Estefanía Cerverak 63... [+]