Beste preso bat hil da Zaballako kartzelan

  • Hilabete honetan espetxe berean zendutako bigarren pertsona da. Urte hasieratik lau dira Zaballako kartzelan bizitza galdu duten gazteak.


2019ko apirilaren 26an - 10:46

Hala Bedik jakinarazi duenez, ostegunean zendu da Zaballako espetxeko 5. moduluan preso zegoen 28 urteko pertsona. Heriotza honekin, bi dira hilabete honetan zendutako gazteak, eta lau urtea hasi zenetik.

Apirilaren 1ean, 24 urteko Jonathan Costillas Rituerto bere ziegan urkatuta agertu zen. Ustez bere buruaz beste egin zuen gazteak, otsailean hildako beste preso baten antzera. Rituertoren familiak, baina, arrarotzat jo zituen gaztearen heriotzaren nondik norakoak, baita gazteak bere buruaz beste egiteko aukeren “aurretiazko alertarik” egon ez izana ere. Ohartarazi zutenez, espetxean halakoak gertatzea ekiditeko protokoloak daude.

Urteko lehen heriotzari dagokionez, 28 urteko gazte bat heroina gaindosiak hil zuen. Salhaketak salatu zuenez, espetxean preso daudenen %80k droga-menpekotasuna dute.

Salhaketak Rituertoren heriotzaren harira egindako agerraldian adierazi zuenez, beste preso asko espetxetik atera eta gutxira hiltzen dira: “Barruan hil ez daitezen ateratzen dituzte, estatistikak handi ez ditzaten”.


Kanal honetatik interesatuko zaizu: Espetxe baldintzak
2024-03-18 | Gedar
Kataluniako 5.000 preso konfinatuta izan ditu Generalitateak

Kartzeletako funtzionarioen protestak aitzakiatzat hartuta, milaka preso erabat giltzapetuta eduki dituzte Kataluniako sei espetxetan.

 


Zaballako espetxean hildako Oroitz Herreroren senideak
"Gu horrela tratatu bagaituzte, zer ez dute egingo espetxe barruan"

Iragan astean Oroitz Herrero 26 urteko irundarra hilik aurkitu zuten Arabako Zaballa espetxeko bere ziegan. Eusko Jaurlaritzaren arabera “heriotza naturala” izan zen. Gaztearen senideek ARGIAri adierazi diote, ordea, Herrerori ez diotela arreta mediku egokirik eman... [+]


2024-02-07 | Hala Bedi
Preso bat hil da Zaballako espetxean, bi urtean hirugarrena

Eusko Jaurlaritzak espetxeen transferentzia bere gain hartu zuenetik, duela bi urte eskas, laugarren heriotza izan da euskal kartzeletan, hirugarrena Zaballako espetxean.


Espetxeko azken heriotza “izebergaren punta” besterik ez dela dio Salhaketak

Salatu du larunbatean bere burua urkatu zuen presoari ez zitzaiola suizidioen aurkako protokoloa ezarri eta ziegan bakarrik zegoela, aurreko egunetan “ondo ez zegoela” adierazi bazuen ere. Azpimarratu du Jaurlaritzak espetxeen eskumena hartu zuenetik bere buruaz... [+]


Preso bat topatu dute hilik berriro ere Zaballa espetxean

Salhaketa Arabak eman du heriotzaren berri. Elkartearen arabera, 47 urteko jatorri hegoamerikarreko gizonezkoa da hildakoa, eta bere burua urkatu du. Jaurlaritzak espetxeen eskumena hartu zuenetik Arabako espetxean hiltzen den bigarren presoa da.


Eguneraketa berriak daude